Асосий мавзулар
22 декабр 2020

Аёл рашк сабаб ўзи ва болаларини сувга ташламоқчи бўлди

Жорий йилнинг 15 декабрида 35 ёшли З.Б. уч ўғлини ва ўзини сувга ташламоқчи бўлган вақтда Сирдарё вилояти Ширин шаҳри экология бўлими ходимлари томонидан тўхтатиб қолинган. 

Ширин шаҳри ҳокимлигининг “Элтуз” мухбири билан гаплашган ходими бу воқеа Сирдарё вилоятида содир бўлмаганини билдирди. 

– Воқеа Ширин шаҳрининг “Фарҳод” МФЙ ҳудудидан ўтадиган Дўстлик канали кўпригининг Тошкент вилояти Бекобод тумани томонида юз берган,  – деди ҳокимлик ходими. – Аёл ҳам сирдарёлик эмас, нотўғри талқин қилманг. Қолаверса, рашк туфайли нималар бўлмайди ҳаётда. Бизнинг экологларимизга раҳмат айтиш керак тўрт фуқаронинг жонини сақлаб қолгани учун. 

Ижтимоий тармоқларда бу воқеага оид тарқатилган видеотасвир қаҳрамони бўлган аёл ва фарзандлари Бекобод туманидаги “Туркман” МФЙда доимий истиқомат қилади. 

Сирдарё вилояти Ширин шаҳри ички ишлар бўлими ҳамда “Фарҳод” маҳалла фуқаролар йиғини ходимлари томонидан ўтказилган ўрганишлардан маълум бўлишича, она турмуш ўртоғи С.Б.нинг бегона аёл билан телефон орқали қилган суҳбатларини эшитиб қолган. Жаҳл устида ва эридан ўч олиш мақсадида шу ишни қилган.

Видеода айтилишича, аёл болаларини бозорга олиб борган. Ўйинчоқ олиб берган. Бозордан уйга қайтишда каналга яқинлашганда автоуловдан тушиб қолган. Аввал ўзини, кейин болаларини сувга ташламоқчи бўлганда атрофни ўрганаётган экологлар томонидан ҳаракат тўхтатиб қолинган. 

Аёл видеода: “Аввал ўзимни, кейин болаларимни ташламоқчи эдим. Чарчаб кетдим. Ҳаётдан чарчаб кетдим. Курашавериб чарчадим. Одамлар тирноққа зорлигини эрим билмайди”, дейди кўзида ёш билан. 

Бекобод тумани ИИБ ҳамда “Туркман” МФЙ ходимлари “Элтуз” билан суҳбатда воқеа ўрганилаётгани ва ҳозирча бирор бир маълумот тақдим этилмаслигини билдирди. 

Маҳалла ходимлари ушбу аёл бирор марта эридан шикоят қилмагани, унинг номидан бирорта мурожаат келмаганини айтиш билан чекланди.

Eltuz.com  

Тағин ўқинг
20 июн 2017
15 июн кунги селектор йиғилишида Президент Мирзиёев қўш хотинлик муаммосини тилга олди. «ЗАГС ҳужжати бўлмаган шахсларга никоҳ ўқиган ҳар ...
1 март 2019
Ассалому алайкум. Бугунги ваъзни қўшиқ билан бошласам. Мард йигит меҳмонга кўксини очибномардни меҳмондан қочишин гўринг… Бу қўшиқ матнини 18-асрда ...
8 октябр 2018
Ўзбекистон президентининг матбуот котиби ва унинг маъмурияти раҳбари ўринбосари Комил Алламжоновнинг кутилмаганда лавозимидан озод қилиниши ортидан бу шахс тўғрисида ...
23 март 2017
Россиялик машҳур хонанда Борис Гребеншиков яқинда қамоқдан чиққан журналист, Муҳаммад Бекжонга мактуб йўллади. Элтуз мухбири билан суҳбатда собиқ сиëсий ...
Блоглар
22 сентябр 2021
Эрталаб болани мактабга қолдириб, пиёда ишга келаман. Қулоқда Шер аканинг “Аввалғиларға ўхшамас” қўшиғини қўйиб олиб… ...
14 сентябр 2021
«Ота-она билан бирга нонушта қилиш, неваралар қуршовида бўлиш, бир пиёла чой устида суҳбатлар... Сиз-чи, бугун ...
9 сентябр 2021
6 cентябрдан Ўзбекистон олий ўқув юртларида янги ўқув йили бошланди. Айни пайтда вилоятлардан пойтахтга келиб ...