Асосий мавзулар
4 май 2021

Автобус-4. Катюша

“Абдулла Ғарип Продакшн”, рассом Элсевар, рассом Туз ва “Элтуз” янги сиёсий сатирик анимацион фильмлар туркумининг учинчи қисмини тақдим этади.

Автобусни трактор шатакка олган. Йўловчилар асабий.

Абдулла Ғариб: Ғилдирак заказ қилдим Хитойга. Қарзга гаплашдим.

Чол: Бу Хитой дегани битта ғилдирак қарз бердим, деб олти ойдан кейин автобусимизга эга чиқади.

Мулла: Хитойга шак келтирманг. Илм Хитойда бўлса ҳам бориб олинг, дейилган.

Олифта: Биз илм эмас, ғилдирак олмоқчимиз. Ўзи битта ғилдирак. Уям қарз.

Хонимчи аëл: Мўйловнинг начальниги Шоввозсойда қаср қургунча запас ғилдирак олиб қўйса бўлармиди?

Абдулла Ғариб: Ҳозирча бизни трактор шатакка тортиб турақолсин.

Кондуктор: Бўлди қилинглар, автобусни бошқариш сиëсатини муҳокама қилишга нима ҳақларинг бор! Бошқа автобусларда муаммо йўқми? Венгриянинг «Икарус» автобуси ëки Германиянинг автобуси муаммоларини муҳокама қилинглар. Ғилдираги тешилган бошқа автобус йўқми?

Абдулла Ғариб: Мана, шатакка олиниб бўлса ҳам кетяпмиз-ку. Бизга худо берган бу автобусни.

Мулла: Баракалла. Ғилдираги тешик автобусда юриш пешанамизга ëзилган. Рози бўлайлик. Шўпир худонинг ердаги сояси.

Кўзойнак: Эҳ, автобус! Сенинг кунинг кимларга қолди?

Мусаев: (оригинал овоз)

Абдулла Ғариб: Телефонда гаплашади:

Да, канешна. Канешна. Спасибо. Ҳурматли автобус халқи, бизани тортиб кетаëтган трактор шўпирининг туғилган куни экан. Ўшанга ашула айтинглар, деди.

Кондуктор: Албатта, айтамиз. Бу тракторчи ўрис бизани судрамаса, қандай судраламиз? Аравасига тушгандан кейин ашуласини ҳам айтасан.

Кўзойнак: Нега биз бировнинг қўшиғини айтишимиз керак?

Исмат: (оригинал овоз) Бу гапни катта холангга айтасан.

Хонимчи аëл: Катта холанг уйингда, ўшангга айт. Ундан кўра хоним олиб е.

Мулла: Сабр қилинглар. Бошлиққа итоат жоиз. Қўшиқ аслида ëмон эмас.

Абдулла Ғариб кнопкани босади: Ҳамма ашула айтсин!

Гулга тўлди олмаю ноклар,

Дарë узра туманлар сузгай.

Югургин, эй, кел бери, катюша,

Барча севган эл бири, катюша.

Ма, Васила, миниб юр кўктой,

Василалар қўшиқ айтдилар,

Эшак миниб ортга қайтдилар.

Югургин, эй, кел бери, катюша,

Барча севган эл бири, катюша.

Кондуктор қизил байроқ кўтаради: Яшасин бизни шатакка олган трактор! Абадий тирилласин!

Мулла: Манави кўзойнак қўшиқ айтмай мухловат қилди.

Мусаев: (оригинал овоз)

Хонимчи аëл: Аслида қўшиқнинг тракторчига алоқаси йўқ. Катя деган қиз дарë бўйида йўлдан озиб кетгани ҳақида. Мен берилиб айтдим.

Олифта: Роса берилдингми? (Кулги)

Кўзойнак: Барибир бировнинг қўшиғини айтмайман.

Чол: Айтасан, нимаям қилардинг. Яна камида 30 йил айтасан.

Югургин, эй, кел бери, катюша,

Барча севган эл бири катюша.

(Ғала-ғовур бошланди. Ҳайдовчи тугмани босади. Мусиқа янграйди)

Тағин ўқинг
29 май 2023
Олий Суд қабулига борган Элтуз обуначиси Одилбек шикоят мактуби: “Жума, 26 май куни Олий суд раиси, Бош прокурор, Ички ...
20 декабр 2017
Ўзбекистондаги ҳуқуқ-тартибот ходимларига даромад ва мол-мулкларини декларациялаш мажбурияти юклатилиши ҳақида қонун лойиҳаси тайëрланмоқда. «Қонун лойиҳасида мансабдор шахслар, шу жумладан, ...
21 сентябр 2021
Ўша машъум 30-йилларда миллатимиз ойдинларининг қатағонлари тепасида турганлар орқасида нафақат миллат хоинлари, балки миллатимизнинг чинакам ташқи душманлари ҳам кўп ...
30 сентябр 2023
Элтузга келиб тушган аноним мактубда Ички ишлар вазирлиги Транспортда хавфсизликни таъминлаш департаментидаги коррупция ва нотўғри бошқарув ҳақида сўз боради.Департамент ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...