Асосий мавзулар
26 май 2021

Автобус-7. Мухолифатга қарши қўшиқ

“Абдулла Ғариб продакшн”, рассом Элсевар, рассом Туз ва “Элтуз” янги сиёсий сатирик анимацион фильмлар туркумининг 7-қисмини тақдим этади.

Автобусни рус тракторчиси шатакка олиб тортиб кетяпти.

Шўпир (автобус овозкучайтиргичи орқали): Ҳурматли автобус халқи! Орамиздан чиққан ватан хоинларига қарши қўшиқ билан жавоб берамиз.

Чол: Бир пайтлар Брежнев деган бароққош СССР каттаси эди. Ўша ҳам нонинг бўлса қўшиқ ҳам ярашади, деганди. Бу шўпирнинг нони йўқ, яна қўшиқ айттиради. Оч қоринга қўшиқ на ҳожат?

Чиптачи: Мана, мен айтаман қўшиқни.

Орзуларим бошлади йўлга.

Ҳали етар манзилим йироқ.

Манзилга то етиб олгунча

Шўпир бувам абадий ҳамроҳ.

Шўпир: Ҳа, айланай, чиптачи!

Олифта: Жуфт бўлсин, опажонгинам. Дўлана, дўланани айтинг. Бир эшитайлик отам замонидаги қўшиқни.

1-янги персонаж: «Дўлана»ни айтади.

2-янги перонаж: Ҳаддан ошма, мухолифат.

Хонимчи: Ўчир овозингни, ўч, ўч, ўч («Келинлар қўзғолонида»ги Соттининг овози).

Мулла: Репертуаринг эскирибди. Янги, замонавий қўшиқ айтиш керак. Тили тили, тралливали…

Олифта: Мен айтаман қўшиқ

Чол: Айт, болам. Ëш болаларнинг овози ширин бўлади.

Олифта: Партия тузмакка йўқдир юраги,

Ҳадикдан панада юради сокин.

Ўзининг думини қувган ит каби

Юртдошин оғзини юмади кескин.

Шўпир: Ҳа, айланай!

Хонимчи: Шеър ëзади қарғаб мухолифларни,

Машшоғи куйини чалар басма-бас.

Кетялаб ўрганган отарчилари

Шеърни қўшиқ қилар шу нафас.

Чол: Яшавар! Ҳей, дўст. Ë Олло!

Кўзойнакли амаки: Юраги қўрқувдан дағ-дағ қалтираб,

Парданинг ортидан ҳуркиб туради.

Молини қашқирлар талашса ҳам у

“Юртимиз тинч-ку”, деб кулиб туради.

Чол: Ë бисмилло! Аллоҳи карим!

Чиптачи: Автобусимиз тинч. Ўрис тракторчи омон бўлсин. Келинглар, тракторчининг ватанини мақтаб қўшиб айтамиз.

Хонимчи:

Россия, Россия, азамат ўлка!

Мен сенинг қизингман, хотининг эмас.

Шўпир: Айланай. Москвага раҳмат айтадиган қўшиқ керак бизга. Биз Москвага боғланганмиз. 60 ëшга кириб тушунганим шу. Мусиқа қўяди. Карнайдан қўшиқ янграйди.

«Москвадан нур олган бахт маёғи…». Одамлар рақсга тушади…

P.S. Видеода Ғайрат Омонов шеърларидан фойдаланилди

Eltuz.com

Тағин ўқинг
17 феврал 2024
Анжанликлар уйни «эшик» дейди.  Ўлиб кетган Ўзбекистон президенти  Каримовнинг қизи Лола Каримова-Тиллаева эгалик қилган Беверли Ҳиллздаги ҳовлини «эшик» эмас «қаср» десак ...
1 июн 2022
Фарғона шаҳридаги 10-сонли вақтинчалик сақлаш тергов ҳибсхонаси махбуси Қамчиев Суннатилла ва унинг шериклари муассаса ходимлари томонидан калтакланган. Бу ҳақда ...
9 сентябр 2021
Демократия майдони. Мен ҳозир турган жой шундай аталади. Туркиянинг Ўрта ер денгизи соҳилида жойлашган, бор-йўғи икки юз минг киши ...
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга олишга боргани ҳақида ёзди: ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...