UzPoster
14 феврал 2022

Онлайн зўровонликка қарши видеоролик

Интернет технологиялари ҳаётимизни тез ўзгартирмоқда: қаерда бўлмасин, улар бизга ахборот олиш, маълумот алмашиш ва мулоқотга кириш имкониятларини кенгайтирмоқда. Шу билан бирга, онлайн зўравонлик глобал миқёсда авж олди. Бу эса бутун дунёдаги ҳар бир жамият ва иқтисодиёт учун жиддий оқибатларга олиб келадиган муаммога айланмоқда. Элтуз Марказий Осиёда меҳнат ҳуқуқлари бўйича мониторинг миссияси томонидан тайёрланган видеороликни эътиборингизга тақдим этади.

Онлайн зўравонлик нима?

Безорилик, ҳақорат, туҳмат, нафратга ундаш, жамоатчилик орасида қоралаш, таъқиб қилиш, шахсий маълумотларни ўғирлаш ва фойдаланиш, интим тасвир ва видеоларни тарқатиш, жисмоний ёки жинсий зўравонлик таҳдидлари.

Виртуал зўравонлик ростдан ҳам мавжуд бўлиб, қурбонларнинг ақлий ва жисмоний фаровонлиги учун ҳалокатли оқибатларга олиб келади. Бу ҳолат шаҳснинг ўзига хурмат ва ишончига путур етказиб, ижтимоий яккаланиш ва иқтисодий зарар, шунингдек, руҳий тушкунлик ва ҳатто ўз жонига қасд қилишга олиб келади.

COVID-19 пандемияси давомида аёллар ва қизлар интернетдан ҳар қачонгидан ҳам кўпроқ фойдаланмоқда, аёлларга нисбатан зўравонлик ҳам ўз навбатида интернетга ўтиб, интернетни адоват маконига айлантирмоқда.

Бирлашган Миллатлар Ташкилотининг маълумотларига кўра, онлайн зўравонликнинг асосий қурбонлари ёш аёллар ва қизлар бўлиб қолмоқда. Интернетдаги зўравонлик сўз эркинлиги, хавфсизлик ва дахлсизлик ҳуқуқини чеклайди. Бундай воқелик ҳаётимизда аниқ учраяпти ва у билан курашиш керак.

Аёлларга қарши онлайн зўравонлик инсон ҳуқуқларининг бузилиши, камситиш ва жинсга асосланган зўравонлик шаклидир. Бу аёлларнинг технология ва интернет майдонига киришини чеклайдиган жиддий тўсиқдир.

Хираликка асосланган таъқибга қарши биринчи қонун 1990 йилда АҚШнинг Калифорния штатида қабул қилинган. Бу каби қонунлар дунёнинг барча қитъаларида мавжуд.

Кўп мамлакатларда онлайн таъқиблар жиноят ҳисобланади. Ҳар бешинчи интернет фойдаланувчиси онлайн зўравонлик самарали тергов қилинмайдиган мамлакатларда яшайди.

Аёллар атрофдагилардан ноўрин муносабат бўлишидан қўрқиб, онлайн таъқиб ҳақида хабар бермасликни афзал биладилар.

Агар интернетда таъқиб ёки хираликка дуч келсангиз, муаммоингиз билан ёлғиз қолманг.

Ҳуқуқни муҳофаза қилиш органлари ва маҳаллий инсон ҳуқуқлари ташкилотларига мурожаат қилинг, улар сизга ҳуқуқий ва психологик ёрдам кўрсатади.

Агар онлайн таъқиблар сизнинг касбий фаолиятингиз билан боғлиқ бўлса, албатта иш берувчингизни хабардор қилинг ёки касаба уюшмасига мурожаат қилинг.

Онлайн алоқа ҳамма учун хавфсиз бўлиши керак.

Видеоролик Марказий Осиёда меҳнат ҳуқуқлари бўйича мониторинг миссияси томонидан тайёрланган.

Элтузнинг Youtube каналида: https://youtu.be/Z-yNNRnVufI

Тағин ўқинг
4 март 2021
Инсон ҳуқуқлари халқаро федерацияси (FIDH)нинг янги ҳисоботида Ўзбекистондаги сиёсий маҳбусларнинг товон пули олиш ҳуқуқи одил судлов ўрнатилишига ўтиш даври ...
10 июн 2019
«Ўзатом» агентлиги 9 июнь куни Ўзбекистонда АЭС қурилишига қарши блогерлар шарҳларига жавоб берди. «Ўзатом» жавобидан маълум бўлишича, Ўзбекистонда атом ...
17 март 2018
Журналист Бобомурод Абдуллаев билан бирга давлат тўнтаришида айбланиб судланаётган тадбиркор Равшан Салоевнинг адвокати ўз мижозини айбига иқрор бўлишга ва ...
24 декабр 2015
Eltuz Мамадали Маҳмудов билан журналист Малохат Эшонқулова қилган видеосуҳбатнинг Иккинчи қисмини эътиборингизга ҳавола қилади. Кеча 23 декабр куни Мамадали ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...