Асосий мавзулар
8 октябр 2018

Монополист UzCard нега ишламай қолди?

Ўзбекистонда пластик карточкаларга хизмат кўрсатувчи монополист – UzCard 5 октябрь куни яна бир муддат ишламай қолди.

Сўнгги вақтларда бундай узилишлар сони кўпайиб бораётгани монополист саботаж қилмаяптимикин, деган шубҳани туғдирмоқда.

Бундан аввал UzCard сентябрь ойи ўрталарида ҳам бир неча кун ишламай қолганди ва бутун Ўзбекистондаги тўлов тизими фалаж ҳолга келиб қолганди.

Ўшанда пластик карточкалардан пул ечиб олишнинг имкони бўлмагани сабабли кўпчилик харидларни амалга ошира олмаган, кўплаб савдо тармоқлари каттагина тушумдан маҳрум бўлганди.

Агар Ўзбекистонда 18 миллион донадан ортиқ пластик карта муомалада экани эътиборга олинса, мамлакат молия тизимидаги коллапснинг кўламини тасаввур қилиш қийин эмас.

Сентябрдаги коллапсдан кейин президент Марказий банк тасарруфида бўлган муқобил тизим яратиш тўғрисида қарор қабул қилганди.

Ушбу қарорда 2020 йилга қадар Миллий банклараро процессинг маркази яратилишини кўзда тутилади. Бу марказ ташкил этилгач, барча процессинг хизматлари у орқали амалга оширилади.

Таъкидлаш керакки, март ойида президент Шавкат Мирзиёев банк хизматлари оммабоплигини ошириш бўйича қўшимча чора-тадбирлар тўғрисида қарор имзолаган эди.

UzCard тизимидаги узилишлар айнан шу қарор ижросини таъминлашга киришиш авжига чиққан пайтларга тўғри келди.

Шунинг учун бу носозликлар UzCard нинг монополистлик ҳуқуқини йўқотиб қўйиш хавотирида амалга ошираётган саботажимисмикин, деган мулоҳазага етакламоқда.

Марказий банк маълумотарига кўра, UzCard тизими орқали бир кунда ўртача 164 миллиард сўмлик терминал тушумлари амалга оширилади.

Бу хизмат учун UzCard муайян фоиз олади. Демакки, бу тизим эгалари жуда катта маблағни назорат қилиш қудратига эга.

Агар UzCard фаолияти атрофида матбуотда тарқалган гап-сўзларга ишонилса, президентнинг яқиндагина ишдан олинган матбуот котиби, кўплаб можароли активлари билан танилган Комил Алламжонов бу тизим устидан ҳам назоратни қўлга олиш ҳаракатларини амалга оширган.

Бу шахс коррупцион бошқарув орқали йирик молиявий империя яратгани айтиладиган собиқ бош солиқчи Ботир Парпиев гуруҳидан экани инобатга олинса, UzCard нинг бундай тез-тез ишламай қолиши ортида техник сабаблардан кўра жиддийроқ омиллар ётганига ишонч ортади.

Сардор Азим
Eltuz.com

Тағин ўқинг
14 август 2018
Бугун eltuz.com сатирасида рассом Туз қирғиз-ўзбек чегарасидаги яширин туннелдан ўтишга мажбур бўлаётган келинлар муаммосини акс эттиради. Ота-онасини кўриш учун ...
5 июн 2017
Элтуз нашри “Президентга мактублар” туркуми остида Республика президенти виртуал қабулхонасига мурожаат этаётган шахсларнинг хатларини эълон қилади. Йил якунида бу ...
25 ноябр 2019
Ўзбекистон президенти Шавкат Мирзиёев ниҳоят Тошкент шаҳри ҳокими Жаҳонгир Ортиқхўжаевнинг журналистларига таҳдидига ўз муносабатини билдирди. Гарчи унинг баёнотида айнан ...
21 март 2016
“Тошкент шаҳар ҳокимининг 18 март куни имзонлаган 244-сонли қарорига кўра, “Наврўз” умумхалқ байрами ўтказиш вақтида йўлларда ҳаракатланиш хавфсизлигини таъминлаш ...
Блоглар
4 декабр 2019
(Муҳаммад Солиҳ ва Нуруллоҳ Муҳаммад Рауфхон суҳбатларини тинглаб) 1980 йиллар бошида раҳматли отам Мадамин Бек ...
27 ноябр 2019
Ўзбекистон Бош прокуратураси Тошкент шаҳри ҳокими Жаҳонгир Ортиқхўжаевнинг ижтимоий тармоқда тарқалгани аудиоёзувидаги ҳолатларни текшириш юзасидан ...
19 ноябр 2019
Матбуот хизматлари ва жамоатчилик билан алоқалар соҳаси бўйича таҳлиллар рукнимизнинг янги сонига катта эҳтиёж пайдо ...