Асосий мавзулар
18 май 2022

Косонлик ўқитувчи судга уйидан қатнаш шарти билан қамоқдан озод этилди

Қашқадарё вилояти Косон тумани жиноят ишлари суди 17 май кунги суд мажлисида қамоқ билан боғлиқ жазо тайинланган инглиз тили ўқитувчиси Дилдора Ҳакимовани суд залидан озод этди.

“Қамоқ билан боғлиқ жазо алмаштирилиб, бундан кейинги суд мажлисига уйидан қатнайдиган бўлди. Прокурор қамоқ жазоси қолишини қатъий сўраса-да, суд мустақиллигини сақлаб қолди”, деди суд жараёнларини яқиндан кузатаётган жамоатчилик фаоли Наргиза Келдиёрова “Элтуз” билан суҳбатда.

Унинг билдиришича, фирибгарлик жиноятида айбланаётган Дилдора Ҳакимованинг ҳибсга олинишига блогерлик фаолияти сабаб бўлган.  

Шу вақтга қадар Дилдора Ҳакимова ижтимоий тармоқда “Инсон ҳуқуқи ва қадри” каналини юргизиб келаётган эди. Айблов хулосасида айни каналда чоп этилган постлар ва фотосуратларни кўздан кечириш баённомалари жиноят иши учун ашёвий далил сифатида эътироф этилган.  

“Кейинги бир неча йиллар давомида Ҳакимова онкология касаллигига ҳам чалинган. Илоҳим унга шифо берсин. Нима бўлганда ҳам ҳақиқат қарор топишини истайман”, деди Наргиза Келдиёрова.

Ҳакимова жорий йилнинг 26 февралидан буён Қарши шаҳридаги 5-жазони ўташ колониясида сақланаётган эди.

Айблов хулосасига кўра, Ҳакимова жорий йилнинг 18 январида қўзғатилган жиноят ишига дастлаб гувоҳ сифатида жалб этилган.

26 февраль куни у Жиноят кодексининг 168-моддаси 3-қисми “б” банди (фирибгарлик), 139-моддаси 3-қисми “г” банди (туҳмат) ва 140-моддаси 2-қисми (ҳақорат) билан ишга айбланувчи тариқасида жалб этилганди. Унга нисбатан қамоққа олиш тарзидаги эҳтиёт чораси қўлланилган эди. 

Тағин ўқинг
20 апрел 2016
Хусусан, «XXI аср» газетасининг ёзишича, 2015 йилда Ўзбекистон банк тизимининг жами капитали 2014 йилга нисбатан 23,3 фоиз кўпайиб, 7,7 ...
9 март 2021
«Элтуз»га қашқадарёлик фуқаро жўнатган видеода Ғузор тумани Қовчин қишлоғи тиббиёт пункти биносининг хароб аҳволи акс этган. Қишлоқ тиббиёт пункти ...
13 октябр 2020
3 октябрда Навоий вилоятининг Қизилтепа тумани “Янги ҳаёт” маҳалласи ҳудудида жойлашган фермер хўжалиги раҳбари Ж.Н. ишчиси С.Ш.ни сазойи қилиб, ...
23 декабр 2019
Таниқли сиёсатчи ва шоир Муҳаммад Солиҳ “Бегона” фильмининг 9-қисмида президент сайловида мухолифидан кўпроқ овоз қозонгани боис, сайлов натижаларини сохталаштиришга ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...