Асосий мавзулар
3 октябр 2022

ИИБ ходимлари пахтани топширмаган фермерни калтаклади

2022 йил 28 сентябрь куни Пайариқ тумани “Яккасарой” ММТП ҳудудидаги “Оққуш замин даласи” фермер хўжалигига тегишли пахта эгасининг розилигисиз мажбурий тарзда олиб кетилди. Боз устига, пахтанинг эгалари калтакланди.

Маълум бўлишича, фермер хўжалиги ишчиси Достон Эсиргапов хўжалик даласида терилган пахтани учта тиркамага ортиб, “Пайариқ кластер” МЧЖга қарашли пахта қабул қилиш пунктига олиб борган.

Аммо лабораторияда пахтанинг нави паст баҳолангач, Эсиргапов уни тозалаб қайта топшириш мақсадида фермер хўжалиги раиси бўлган акаси Муҳиддин Исломовнинг уйи олдида тиркамаларни қолдирган.

Аммо шу куни ярим тунда туман ИИБ ходимлари келиб, тиркамалардаги пахтани қабул пунктига топширишни талаб қилган. Муҳиддин Исломов эрталаб топширишини айтганида, ИИБ ходимлари уни ҳақоратлаб, таҳдид қилишган. Орадан бир неча соат ўтиб, пахта ортилган 2 та тиркамани ИИБнинг 4 нафар ходими ҳеч қандай ҳужжатсиз ва фермернинг рухсатисиз олиб кетган.

Ака-ука фермерлар ўз пахтасини сарсон бўлиб излаб, Челак пахта қабул қилиш пунктидан топган. ИИБнинг бир неча ходими уларни бу ерда кўриб, ака-укани бўлимга олиб кетган ва қаттиқ калтаклаб, тан жароҳати етказган.

Достон Эсиргапов бошига теккан зарбдан ҳушини йўқотган. Аммо ИИБ ходимлари биринчи ёрдам кўрсатмаган. Шундан сўнг Эсиргаповни Челак тумани шифохонасига акаси олиб келган ва у ҳануз даволанмоқда.

“Улар мен ва акамнинг қўлимизни қайириб, бўлимга олиб кириб кетишди. Бўлимдаги залнинг чироғини ўчиришиб, панжара ва эшикларни қулфлашди. Ичкарида 2 навбатчи ходим, булар 4 киши, жами 6 киши бизни уришди. Мен у ердан ҳушсиз чиқдим. Бошим ёрилди, уни тикишди. Бугун шифохонадан чиқдим”, деди Достон Эсиргапов “Элтуз” билан суҳбатда.

Унинг айтишича, ИИБнинг зўравон ходимлари гўёки ўзларига тан жароҳати етказилгани баҳонасида жабр кўрган кимсалар сифатида ҳозир тиббий экспертизадан ўтиб юрибди.

Кластер ва фермер ўртасидаги муаммога ИИБ ходимлари нега аралашиб юргани, бундан ким манфаатдор экани борасидаги саволлар ҳозиргача очиқ қолиб келмоқда.

Тағин ўқинг
27 май 2017
«Миллий тикланиш» газетаси (24.05) Бухородаги қадимий кўчага Каримов номини бериш ҳақидаги партиянинг таклифи вилоят кенгаши томонидан «бир овоздан маъқуллангани»ни ...
10 май 2018
Эрамиздан олдинги VI-V асрларда яшаб ўтган, «Дао Де Цзин» асарини ёзган қадимги хитой файласуфи Лао Цзи сўзлари 9 майни ...
2 март 2020
Александр Лукашенко Евроосиё иқтисодий иттифоқига аъзо давлатлар бир-бири билан намунали алоқа ўрнатиш ўрнига «шовқин-сурон кўтариш» билан машғул бўлаётганини маълум ...
1 август 2023
Сўнгги ўқув йили давомида умумтаълим мактабларининг педагогларига 50 фоиз устама имтиёзи берадиган APTIS (British Council Aptis) имтиҳонларининг 1 августдан ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...