Қовун сайлида қовун туширган раҳбарлар

Хоразм вилоятининг Хива шаҳрида 12-13 август кунлари қовун сайли бўлиб ўтди.

Хоразм вилояти қовун ва тарвуз экспорти бўйича 1-ўринда бормоқда. 2021 йилнинг дастлабки 6 ойи давомида Ўзбекистон қиймати 7,4 млн $ бўлган қарийб 23 минг тонна қовун ва тарвуз экспорт қилган.

 Шундан 4,5 минг тоннаси Хоразм вилояти ҳиссасига тўғри келади. Бу республикада энг юқори кўрсаткич.

Хоразм бозорлариида айни пайтда бир килограм ўртача қовуннинг нархи 2000-3000 сўм ўртасида. Бироқ қовун сайли куни кўргазмага қўйилган қовунлар сотилмаган ва нархи белгиланмаган.

«Қовунлар фақат кўргазмага қўйилган, тадбир ўтганидан кейин сотилишини айтишди» деди қовун сайлига борган Элтуз мобил мухбири.

Айни пайтда бу тадбир учун Халқ таълими ходимлари, мактаб ва боғса директорлари орқали пул йиғилгани юзасидан Элтузга шикоятлар келмоқда. Хоразм вилояти Ҳазорасп туманидан мурожаат қилаётган мактаб ва боғча раҳбарларининг кети узилмаяпти.

Хива шаҳрида 12-13 август кунлари ўтказиладиган анъанавий “Қовун сайли”га мактаб ва боғча директорларидан пул йиғилди.

Боғчалардан 700 минг сўмдан йиғилиб, пулни шу тумандаги 1-сон МТТ директори Интизор бўлим бошлиғи Шерзод Ахмедовга берилган.

Бошқарма бошлиғи энг ишонган бўлим бошлиқлари орқали шундай маблағни тўплаган.

“Наҳотки, вилоят ҳокимлиги томонидан ушбу тадбир учун маблағ ажратилмаган,  қачонгача мактаб ва боғча спонсор бўлаверади?” дея шикоят қилди 700 минг сўм тўлаганлардан бири.

Қовунни ҳоким ейди, калтакни етим. Хивада кўргазмага қўйилган қовунлар эса эртасигаёқ хомталаш бўлди деди элтуз мобил мухбири.

Элтуз Ўзбекистондан бўлаётган воқеаларни ёритишда давом этади.