Асосий мавзулар
26 декабр 2023

Танишини жалабликка ёллаган жиззахлик аёл 3 йилга қамалди

Ғаллаорол суди танишини Туркияга жалабликка юбормоқчи бўлган аёл озодлигини уч йилга чеклади.

Суд 23 ёшли судланувчи Озода Ҳазратқуловани Ўзбекистон Республикаси Жиноят – Процессуал Кодексининг 135-моддаси биринчи банди бўйича айбдор деб топди.

Эслатиб ўтамиз,  мазкур моддада одамлардан фойдаланиш учун уларни ёллаш билан боғлиқ жиноятлар назарда тутилган.

Воқеа эса қуйидагича: Бир нафар фарзанди бор ёлғиз она, Дилноз Тойирова акаси билан бироз муддат Россияда ишлайди, лекин, Россиянинг инжиқ об-ҳавоси унга оғирлик қилади –  ревматизм орттириб қайтади. 

Кунларнинг бирида Жиззахдаги “Ўрда” экобоғида ёшгина уддабурон қиз Озода билан танишиб қолади. Озода Дилнозга ҳамдард бўлиб, уни Туркияга ишга юборишини айтади. Туркияда қизлар ойига 1000-15000 долларгача топяпти, дейди Озода. Лекин, Дилноз шунчалик ночор аҳволда эдики, унинг ҳатто телефони йўқ эди. Озода Дилнозга ўзининг экрани синиқ айфонини тузаттириб бериб, совға қилади ва ишончига киради. Туркияда иши юришиб кетса, бундан зўр телефонлар олишини айтади. Ҳатто, Туркияга етиб олиши учун ўзи унга билет олиб беради. Бироқ Самарқанд аэропортига дугонасини олиб кетаётган пайтида у тезкор гуруҳ ҳодимлари томонидан қўлга олинади. Ғаллаороллик Дилнознинг омади келди, Озоданинг эса бизнеси барбод бўлди. У уй қамоғига олинди.

Шу ўринда муҳим эслатма:  Озода Дилнозга уни Туркияга фоҳишаликка жўнатаётганини аниқ-тиниқ айтган. Лекин, бу унинг жазосини енгиллаштирмайди, барибир иш “шаҳвоний ёки бошқа мақсадда фойдаланиш учун алдаш йўли билан одам ёллаш” бандига асосан классификацияланади. 

Чунки, бундай вазиятда жабрланувчи ўзига таклиф этилаётган иш муҳитидан мутлақо бехабар бўлган. Элтуз уйдаги гапни кўчага олиб чиқади. Каналимизга обуна бўлинг, видеоларимизга лайк босинг!

Тағин ўқинг
22 март 2016
“Ҳуррият” газетаси глобаллашув мавзусига ҳам тўхталиб, бу жараённинг ўзига хос салбий ва ижобий томонлари борлиги ҳақида ёзди. Газета “ҳозирги ...
28 август 2020
Ер Қуëш атрофида айланишда давом этаркан, етти кечаю кундуз кечди. Ҳафта айланиб яна сиз билан юзма-юз бўлдим. Дард тўкиб ...
26 январ 2022
(Таниқли шоир ва сиёсатчи Муҳаммад Солиҳнинг “Императив” китобидан 38-қисм. Аудиокитоб матнини муаллифнинг ўзи ўқиган. Давоми бор.) Ҳаёт – илмдир. ...
19 декабр 2016
Таниқли хонанда Озода Нурсаидова 17 декабр куни ўзининг инстаграмм саҳифасида Шавкат Мирзиёевдан кечирим сўраши ҳақида ёзди ва сайловда унга ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...