Асосий мавзулар
15 январ 2024

Россиянинг “СССРни тиклаш” каби империячилик амбициялари авж олмоқда

Президент Мирзиёев 12 январ куни Ҳавфсизлик кенгашининг кенгайтирилган йиғилишида ўзбек медияси учун миллий контент яратиш зарурати ҳақида гапирди.

«Биз Ўзбекистон ахборот маконида миллий контент яратишни ўз қўлимизга олмас эканмиз, дунёдаги воқеаларга миллий манфаатларимиз нуқтаи назаридан баҳо бермас эканмиз, бу ишларни хориждан туриб амалга оширилишига имкон яратиб берамиз. Чунки одамлардаги янгилик, таҳлилий маълумотлар, реал воқеаларга эҳтиёжни биз тўлдирмас эканмиз, буни бошқалар қилади. Бунга мутлақо йўл қўйиб бўлмайди» деди президент

Президент нутқини таҳлил қилган ўзбекистонлик таҳлилчи Юлий Юсуповнинг фикрига кўра, “буни бошқалар қилади” эмас, балки йигирма йилдан зиёд вақт давомида қилиб келишмоқда.

“Айнан Россиянинг расмий оммавий ахборот воситалари нафақат “одамлардаги янгилик, таҳлилий маълумотлар, реал воқеаларга эҳтиёжини қондирмоқда”, балки фуқароларимизнинг миясига мутлақ ёлғон, нафрат, адоватни жойламоқда ҳамда тўғридан-тўғри ксенофобия ва нацистлар ғоясини илгари суриб келмоқда” дея муаммонинг индаллосини урғулайди таҳлилчи.

Шу билан бирга, таҳлилчининг фикрларига кўра, чинакамига интеллектуал геноцидни амалга ошириб келаётган ушбу тарихда мисли кўрилмаган ташвиқот машинаси умуман олганда, мамлакатимизда ҳеч қандай альтернативасиз ва боз устига, давлат амалдорларимизнинг қўллови билан ишлаб келмоқда.

“Россия раҳбарияти ўз мамлакати ичида барча эркинлик аломатларини бўғиб қўйган ҳолда, чинакамига фашистик диктатура яратиб, Украинага қарши тўла кўламли жиноий, қонли агрессиясини бошлаган бир пайтда ҳам ушбу пропаганда машинасининг иши юртимизда ҳеч қандай тўсиқларсиз ўз ишида давом этмоқда” дея таъкидлайди таҳлилчи. 

Ва шу билан бирга, Кремль “СССРни қайта тиклаш” бўйича ўзининг империячилик амбицияларини яширмаяпти.

“Ақлни заифлаштирувчи дебилизатор нафақат Россия телеканаллари, балки кўплаб бошқа “ахборот” манбаалари, шу жумладан, ўз мамлакатини мустамлакага айлантиришни мақсад қилиб олган маҳаллий коллобарантлар кўринишда  ҳам ўз ишини тўхтамай давом эттирмоқда…”

Эслатиб ўтамиз, бу фикрлари билан ўзбекистонлик таҳлилчи Юлий Юсупов Ҳавфсизлик кенгашининг кенгайтирилган йиғилишида президент билдирган “мутлақо йўл қўйиб бўлмайдиган холат”га аниқлик киритган.

Элтуз Россиянинг Ўзбекистонга қарши олиб бораётган ахборот урушига оид таҳлилий кўрсатувларини давом эттиради. Каналимизга обуна бўлинг, видеоларимизга лайк қолдиринг.

Тағин ўқинг
6 июн 2022
1922 йилнинг 6 июнида Халқ комиссарлари кенгаши декретига кўра, Адабиёт ва нашриёт ишлари бўйича бош бошқарма (Главлит) ташкил этилди. ...
24 август 2020
Республика иқтисодини кўтариш учун, энг аввало, ер хусусийлаштирилиши керак, дея ҳисоблайди Навоий вилоятининг Конимех тумани собиқ ҳокими, қишлоқ хўжалиги ...
14 апрел 2020
Британия кемасозлик ширкатига тегишли «Титаник» 1912 йилнинг 14 апрелидан 15 апрелига ўтар кечаси ҳалокатга учради. «Титаник»да бўлган 2358 кишидан ...
28 декабр 2020
2020 йилда Евроосиё иқтисодий иттифоқининг онлайн саммитида Ўзбекистон ва Кубага ташкилот ҳузуридаги кузатувчи давлат мақоми берилди. Президент Шавкат Мирзиёев ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...