Кўзқараш
15 ноябр 2023

Рассом Туз: Сурияга бориб қолган аёллар вазият қурбоними?

Тармоқ, яъни социал медиа ўзбек сегментида кузатишларимга кўра хотин-қизлар орасида ашаддий диний фанатизмга мойиллик кучли.

Москва, Сеул, Истанбул ва Прагада диний фанат ўзбек аëлларининг ҳам онлайн, ҳам офлайн клублари бор. Улар онгли равишда ўзлари назаарида тўғри деб билган ғоя учун ўлишга, ўлдиришга ëки мужоҳид эркакларга хотин бўлишга таппа-тайëр.

Шу маънода уларни «билмасдан Сурияга бориб қопти» деб хаспўшлаш нотўғри.

Юнисефнинг Ўзбекистондаги ваколатхонаси собиқ раҳбари Мунир Мамедзаде gazeta.uz-га берган интервьюсида Суриядаги лагерларда яна икки юзга яқин ўзбекистонлик бола ва хотинлар ватанига қайтарилишини кутаётгани ҳақида билдирди.

Мамедзе назарида Суриядаги жангарилар сафида урушган ўзбекистондик эркакларнинг болалари ва аёллари вазият қурбонидир.

Мамадзенинг бу гапи қисман тўғри. Болалар – вазият қурбони ҳамда вазият ҳосиласи.
Аммо ëши 18дан ошган, кўп ҳолларда олий маълумотли хотин-қизларнинг учта-тўртта давлат ошиб, Суриядаги жанг майдонида улар таъбирида, «кофирларни ўлдириш учун» кетиши бу уларнинг англанган сиëсий қароридир.

Бу қарор учун улар зиммасида катта масъулият бор. Бу ҳолда уларни «билмасдан одам ўлдириб қўйибди» дейиш ҳуқуқий нигилизм тупигини ҳосил қилади.

Ўзбекистон 2019 йилдан бошлаб ўтказилган “Меҳр” деб номланган бешта амалиёт доирасида Сурия, Ироқ ва Афғонистондан 531 нафар аёл ва болани Ўзбекистонга қайтарган эди.

Элтуз тасарруфидаги маълумотга кўра катта бюджет пули эвазига қайтарилган хотинлардан баъзилари айланма йўллар билан Мисрга бориб, диний фанатизмга фидокорликни давом қилдирмоқда.

Букрини гўр тузатади. Бу шунчаки ўзбек мақоли.

Рассом Туз

Тағин ўқинг
27 октябр 2015
Ҳеч телевизор кўрмайман. Лекин қандай қилиб бугун ишдан келиб телевизор пултини қўлимга олиб, Ўзбекистон телеканаллари бўйлаб “ўтлаб” кетганимни билмай ...
13 май 2016
Махалланинг сирини юқорига сим қоқиб турадиган кампирларга маҳаллаларнинг диний маърифат ва маънавий-ахлоқий тарбия масалалари бўйича маслаҳатчиси лавозими ато қилинди. ...
7 май 2019
Қонунчилик палатаси депутатлари томонидан расман қабул қилинган қонун лойиҳаси Сенат томонидан ими-жимида ўзгартирилган ҳолда маъқулланди. Депутатлар бошқача қабул қилиб, ...
14 сентябр 2017
Ўзбекистон телевидениесида эфирга узатилган «Отиннинг сўнгги «ови» кўрсатуви ижтимоий тармоқларда қизғин мунозараларга сабаб бўлмоқда. Кўрсатувда бир гуруҳ аёллар «ноқонуний ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...