Асосий мавзулар
28 июн 2016

Ҳуқуқ фаоли Маматхоновнинг жазо муддати узайтирилди

Бу ҳақда баёнот тарқатган «Эзгулик» жамиятининг билдиришича, жазо муддати узайтирилган Ғанихон Маматхонов ҳозирда ҳуқуқ фаоли Каттақўрғондаги 7-сонли тергов изоляторида сақланмоқда. Унга «турма режими қоидасини бузганлик» айблови қўйилган.

Бу хабар ортидан ҳуқуқ фаолининг рафиқаси Арофатхон Маматхонова шифохонага ётқизилган. Унинг яқинлари, онахоннинг аҳволи оғирлигини таъкидлайди.

Ўзбек ҳуқуқ фаоли 2009 йилнинг 12 октябрида у ҳибсга олиниб, пора беришда ва фирибгарликда айбланган, суд ҳукми билан 5,2 йилга озодликдан маҳрум қилинган эди.

2014 йилнинг 17 мартида жиноят ишлари бўйича Қизилтепа суди ҳукми билан Ўзбекистон Республикаси ЖКнинг 221-моддаси билан унга тағин қўшимча равишда 3,5 йил қамоқ жазоси берилган эди.

Кекса ҳуқуқ фаолининг қамоқда сақланиши ва унинг жазо муддати муттасил узайтириб келинаётгани халқаро ҳуқуқ ташкилотлари хавотирига сабаб бўлмоқда.

Хьюман Райтс Вотч ташкилоти ҳукумат ҳали суд бўлмасидан туриб маҳкумнинг яқинларини «Маматхановга қўшимча муддат берилиши ва уни бошқа колонияга узатилиши мумкинлигидан огоҳлантиргани», шунингдек, унинг жазо муддатини ўтаб бўлиб 2014 йили аллақачон озодликка чиқарилиши кераклиги ҳақида билдирган эди.

Шунингдек, ташкилот ҳисоботида, ҳибсга олингунига қадар Маматхоновнинг ўзбек режим танқидчиларидан бири бўлиб келгани айтилади.

Маҳкумликда қолаётган ўзбек фаолларининг жазо муддати чўзилиши Ўзбекистонда узоқ йиллардан буён қўлланиб келинади.

Жумладан, 2015 йил апрелида ҳуқуқ ҳимоячиси Аъзам Фармоновнинг жазо муддати тағин беш йилга узайтирилганди.

1998 йили ҳибсга олинган, Ўзбекистонда илк ҳусусий банкни ташкил қилган Рустам Усмоновнинг ҳам жазо муддати муттасил чўзиб келинади.

1999 йили Украинадан ўғирлаб олиб кетилган «Эрк» газетаси муҳаррири Муҳаммад Бекжоннинг жазо муддати, 2012 йили у чиқишидан атиги бир неча кун бурун узайтирилганди.

Ҳукумат расмийлари томонидан жазони ўташ муассасидаги маъмурий турма қоидаларини бузганлик айблови, сиёсий маҳкумларнинг жазо муддатларини узайтиришда асосий восита сифатида дастакланиб келинади.

Eltuz.com

Тағин ўқинг
1 ноябр 2016
Россияда Каримов номидаги ҳиёбоннинг пайдо бўлиши биринчи ноябрга, бошқача айтганда жодугарлар куни – Ҳеллоуинга тўғри келди. Москва мэрияси шунингдек, ...
3 май 2016
Апрель ойида ҳам Ўзбекистон телеканаллари «оқил ва доно юртбоши раҳнамолигида фаровон ва бахтли ҳаёт кечираётган, мислсиз ютуқларни қўлга киритган ...
1 ноябр 2015
Шуҳрат Бобожон Eltuz.com Сичқон каби митти жонивор улкан филни ўлдириши мумкин, деган гапни биринчи синф ўқитувчим Зеваржон опа илк ...
19 январ 2016
Етти йилдан буён қамоқда қолаётган инсон ҳуқуқлари ҳимоячиси Ғайбулло Жалилов оғир аҳволда Сангородга ўтказилган. Бу ҳақда Eltuzга маҳкумнинг ҳамкасби ...
Блоглар
28 июл 2017
Шу йилнинг 26 мартида Тошкентнинг «Гранд-кафе» емакхонасида содир бўлган бу воқеада жамиятдаги шафқатсизлик, ҳокимият амалдорларининг ...
23 июл 2017
Бундан юз йил бурун Туркистонда рўй берган бу воқеа минтақанинг бўлинган мамлакатларида бугун турлича талқин ...
22 июл 2017
Эътироз билдиришга уриниб ҳам кўрманг, чунки бу бугуннинг ҳақиқати. Ўзбекистоннинг қайси вилоятига борманг, пахтазорда юрган, ...