Асосий мавзулар
26 август 2016

«Бағдодда ҳамма ёқ тинч!»

Бағдод тумани маҳалла фаолларидан бири, eltuz.comга ҳар бир қишлоқда яшовчи 18 ёшдан 55 ёшгача бўлган ҳар уч киши бир кундан навбатчилик қилиши ҳақида топшириқ олганини айтди.

«Маҳалла фуқаролар йиғинига навбатчилар рўйхати ва уларнинг қайси куни навбатчиликка туриши ҳақидаги жадвални бердик», дейди бағдодлик фаол.

Унинг сўзларига кўра, навбатчилар кечки соат 20 дан эртаси куни тонгги 5 гача қишлоққа кириб чиқаётганларга кўз-қулоқ бўлиб туриши керак. Ҳар бир қишлоққа кириш йўли нечта бўлса, ҳаммаси “пост”га айлантирилган.

«Масалан бизнинг қишлоққа кириш йўли асосан учта, демак тўққиз нафар киши бир тундан навбатчилик қилади. Яна бизга “юқори”дан, навбатчилик ички ишлар, прокуратура томонидан текширилиши, агар бирор “пост”да навбатчилар бўлмаса, ўша маҳалла аҳолиси (асосан эркаклар) жаримага тортилиши ҳақида айтишди».

Ҳар қишлоққа уч қоровул

26 августга ўтар кечаси, исми ва қишлоғи сир қолишини истаган яна бир суҳбатдош телефон орқали навбатчилик яхши ўтаётгани ҳақида гапириб берди.

«Ҳа уч кишимиз, – деди суҳбатдош, сўрида ётибмиз. Ҳозирча қишлоққа бегона ҳеч ким кирмади. Соат тонги 4 гача шу ерда бўлар эканмиз».

Фарғона вилоятининг биргина Бағдод туманида 80 га яқин қишлоқ бор. Вилоятнинг ўзи 15 туманга ажратилган. Бироқ ҳар бир эшигига қоровул қўйилган жой биргина Бағдод эмас.

Фарғона вилоятида барча туман ва шаҳарларида 20 августдан 20 сентябргача навбатчилик ташкил этилган.

Вазият бутун мамлакатга тааллуқли

Ўзбекистон республикаси мустақиллигининг 25 йиллик байрами арафасида, хавфсизликни таъминлаш мақсадида айни тадбирлар бутун мамлакат бўйлаб амалга оширилмоқда.

Ҳусусан 23 август куни, Ички ишлар вазирлиги расмий матбуотга, бу жараёнда маҳаллий ҳокимликлар, жамоат ташкилотлари вакиллари, хусусан, маҳалла фуқаролар йиғинлари раислари иштирок этаётганини билдирди.

«Бегона ва шубҳали кишилардан қўриқлаяпмиз қишлоқларимизни», дейди айни топширириқни олган маҳалла фаоли. Унинг сўзларига кўра, байрам арафасида бундай кучайтирилган ҳолат, мактаб ва коллежларда, банк ва шифохоналар, хуллас ҳамма ерда ҳукм суради.

Расмийлар, узлуксиз навбатчилик террор ҳужумларини олдини олиш учун эканлигини айтишади.

Бироқ, махсус тайёргарликдан ўтмаган аҳолини «навбатчиликка» оммавий жалб этиш чоралари қанчалик самара бериши мумкинлиги савол остида қолмоқда.

Насима Даврон қизи
Eltuz.com

Тағин ўқинг
7 апрел 2016
Март ойида шундоқ ҳам ўйин-кулгидан бўшамайдиган Ўзбекистон телеканалларининг куни туғди. Бу ёғи 8 март, бу ёғи Наврўз билан бўлиб, ...
27 март 2017
Ўзбекистонда шу пайтгача кўкларга кўтарилиб мақталиб келинган таълим тизимининг асл аҳволи тўғрисида аччиқ ҳақиқатлар ошкор бўлаётгани, оммавиий ахборот воситаларида ...
22 январ 2018
Қозоғистонда 52 нафар юртдошимизнинг автобусда тириклайин ёниб кетиши муносабати билан дунёнинг кўплаб мамлакатларидан ҳукуматимиз номига ҳамдарлик мактублари келди. Айнан ...
29 сентябр 2016
Ёш келин куёвларга ўз тилакларини билдираркан, машҳур рус примадоннаси, «Пригласите Даму танцевать!» қўшиғини куйлайди. Қўшиқ асносидаги «таклиф»ни чинга йўйган, ...
Блоглар
18 декабр 2018
Халқ таълими вазири Шерзод Шерматов жойлардаги ўз қўл остидаги раҳбарларга хат йўллаб, бир неча талабларни ...
18 декабр 2018
Бундан роппа роса 32 йил олдин 1986 йилнинг 17-18 декабрь куни Совет раҳбарияти Олмаота ëшларининг ...
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...