Асосий мавзулар
23 декабр 2016

Вилоят ҳокими мажлисида свет ўчиб қолди

Фарғона вилоят ҳокимининг туманларда ўтказаётган мажлисларда чироқ ўчиб қолиб, мажлис аҳли лампа чироқ, қўл фонарларини ёқишга мажбур бўлишмоқда.

Туманларнинг ҳокимларини бирин-кетин алмаштириш ва халқ билан мулоқот қилиш мақсадида мажлислар ўтказаётган вилоят ҳокими Шуҳрат Ғаниев туманларда энергия танқислигини ўз танасида ҳис қилишига тўғри келди.

Халқ билан учрашиш учун 14 декабр куни Бувайда туманига келган вилоят ҳокими ярим соатдан ортиқ чироқсиз ўтирди.

«Бу биринчи марта бўлаётгани йўқ», – деди Ғаниевга ҳамроҳ бўлиб юрадиган мулозимлардан бири Eltuz.com мухбирига.

Унинг сўзларига кўра бундан илгари, пахта пайтида Олтиариқ, Риштон, Қува, Бағдод, Бешариқ туманларида ҳам мажлислар кўпинча Хитойда ишлаб чиқарилган лампа чироқлар, қўл телефонларининг фонарлари ёруғида ўтказилган.

Айниқса, кунлар совиши билан бу ҳол кўп такрорланмоқда.

Марғилон, Бувайда, Олтиариқ, Қува, Данғара туманларида ўтган фаоллар йиғилишида вилоят ҳокими жами бешта ҳокимни алмаштирди.

Шуҳрат Ғаниевнинг ўзи 2012 йилнинг декабрида, Ислом Каримов фармони билан Фарғона вилояти ҳокимлигига тайинланган, ундан илгари вилоятнинг аввалиги ҳокими Ҳамиджон Неъматов ишдан бўшатилган эди.

Насима Даврон қизи
Eltuz.com

Тағин ўқинг
14 ноябр 2016
Яқин бир неча ойлар аввал, мустақиллик байрамига тайёргарлик кўраётган пайтимизда, ҳали «буюк йўлбошчи» тирик эканида газеталаримиз «биз буюк ўзгаришлар ...
10 октябр 2016
Ёдномаларни шоир ва ёзувчилар битсин экан. Чунки уларнинг тафаккур доираси бошқаларникидан кўра кенгроқ бўлади. Шу кунларда марҳум президент Ислом ...
11 ноябр 2015
Рассом: Туз Eltuz.com
2 феврал 2017
Мирзиёевнинг “Ҳар бир хонадон 100 тадан товуқ боқишга мажбур” деган баёноти турлича талқин қилинмоқда. Қорақалпоққа сафари чоғида у тағин ...
Блоглар
16 ноябр 2017
Сал аввалроқ ўзбек матбуотида Меҳнат вазирлиги ва Миграция агентлиги масъуллари Росссияга сафар қилиб, кўплаб учрашувлар ...
13 ноябр 2017
Ўзбекистонлик 1 миллиондан ортиқ меҳнат мигрантлари Санкт-Петербургда ишлаётгани расман тан олинди. Демак, РФнинг Ўзбекистонга масофа ...
10 ноябр 2017
9 ноябрь куни Тошкентга Пуйоль келди, биласиз-а? Карлес Пуйоль «Барселона»нинг собиқ ҳимоячиси. Жамоа тарихидаги энг ...