Кундалик
18 январ 2016

Судланувчи Арамаиснинг турмуш ўртоғи йўқолиб қолди

Улуғбек Ашур
Eltuz.com

Бугун Жиззахда ИШИДга алоқадорликда айбланаётган армани миллати ва насроний динига мансублиги айтилаётган жиззахлик Арамаис Авакяннинг суди давом этди. Бироқ айрим суд иштирокчилари ва судланувчиларнинг яқинлари билан алоқа узилгани турли ҳавотирлар уйғотмоқда.

Хусусан, шу кунларда суди бўлаётган жиззахлик фермер Арамаис Авакяннинг турмуш ўртоғи Ширин Турсинова, 18 январ куни Пахтакор тумани хокимлиги вакилларининг таклифи билан, туман хокимияти биносида соат эрталабки 10 га белгиланган учрашувга кетганича, бошқа алоқага чиқмади.

Ширин Турсинова, турмуш ўртоғининг ўтган йили 4 сентябрда, ниқобли махсус хизмат ходимлари томонидан ўғирлаб кетилгани ва тергов давомида қаттиқ қийноққа солингани хақида хорижий оммавий ахборот воситаларига гапириб келади.

Шу кунларда, Конституцион тузумга тажовуз қилиш, тақиқланган ташкилотлар тузиш ва қўпорувчилик каби оғир айбловлар билан судланаётган Арамаис Авакян эса, ўтган хафта бўлиб ўтган суд мажлисида ўзининг айбсизлигини ва терговда қийноққа солинганини айтган эди.

Арамаисни яхши таниган ва туман хокимиятига яқин бўлган манбааларга кўра, фермер Арамаис ва унинг ишчиларининг бошига тушган кўргуликларга унинг балиқ етиштирувчи хўжалиги сабаб бўлган.

Пахтакор туман хокими Ғофур Қаршибоев бир неча марта Арамаисга, балиқ хўжалигини топширишни талаб қилган, аммо фермер хокимга, балиқ хўжалигига сарфлаган харажатлари тўлиқ қоплангани тақдирдагина хўжалик хужжатларини топширишини айтиб келган.

“Ўғлимнинг балиқ хўжалигини тортиб олиш учун мана шундай ўйинлар чиқаришди” дейди Арамаиснинг онаси Флора Сакунц.

4 сентябрдан бери ҳибсда қолаëтган жиззахлик фермер Арамаис ва унинг шериклари устидан суд 6 январ куни бошланган эди.

Бугун 18 январ куни Жиззах вилоят жиноий судида Арамаис Авакян ва унинг шерикларининг навбатдаги суд мажлиси бўлиб ўтаяпти, бироқ бу мажлисга Арамаиснинг турмуш ўртоғи Ширин келмади. Чунки уни бугун Пахтакор тумани хокимияти вакиллари “маслахатли иш бор” деган бахона билан учрашувга чақиришганди.

Ширин бизга эрталаб алоқа чиқди ва “Туман хокими мен билан бир нималар хақида гаплашмоқчи экан, махалла раиси орқали менга эрталаб соат 10 да хокимиятга келишимни айтишди” деди.

Мана орадан 5 соат вақт ўтдики, Ширин бошқа алоқага чиқмади. Соат 2 га белгиланган суд мажлисида хам Ширинни кўришмаган.

Тағин ўқинг
22 декабр 2016
«Ҳуррият» газетасида (21.12) босма нашрлар ҳақида чоп этилган мақола сарлавҳасини ўқиб, унда долзарб масала кўтарилган экан, деб ўйлашингиз мумкин. ...
3 апрел 2016
Биринчиси, бугунги кунда Тошкентда келин топиб беришга ихтисослашган маклерлар пайдо бўлган. Уларнинг хизмати ўн минг сўмдан минг долларгача баҳоланади. ...
10 июн 2016
Мустақилликнинг 25 йиллик тўйи олдидан бошланган ура-ура мақолалар орасидан «Халқ сўзи»да чоп этилган «Тараққиётимизнинг асосий мезони» тўғрисидаги лавҳа ҳам ...
10 октябр 2015
Ўзбекистонда одамларнинг қулларча мажбурий меҳнатга жалб этилгани ҳақидаги хабарлардан кейин, ҳар сафар бу хабарларни етказганларга қарши кампания ташкил этилади. ...
Блоглар
16 декабр 2017
Бундан 31 йил олдин Совет раҳбарияти Олмаота ëшларининг исëнини шафқатсизларча бостирган эди. АҚШ конгресси кутубхонасига ...
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга ...
12 декабр 2017
«Ижтимоий фикр» барака топсин, яна раҳбарга ёқадиган, ақлини таниганларнинг истеҳзосига сабаб бўладиган навбатдаги сўрови натижасини ...