Cатира
22 май 2016

Қозоқнинг “Ур тўқмоқ” эртаги

Энди оғайнилар чинликни сўзласак бизнинг юртда қачон жанжал чиқса сув талашиб ëки ер талашиб бўлади.

Қозоқ бийлиги (ҳукумати) суғориладиган ва экин экса бўладиган ерлардан 1 миллион 700 минг гектарини ким ошди савдосига қўйиб қўйди.

Ким ошди савдоси дегани бир спектакл-томоша эди.

Ерларни эгаси олдиндан балли. Қозоқ элини озғинтой қисмини ташкил қилган бир нечта бой ота шунча ерни ўзини қўлига ўтказмоқчи бўлди.

Шу ердан кунини кечириб юрган ўртахоллар эса қашшоқ ëки бомж бўлишга маҳкум эди.

Қозоқ бизни ўзбекдан фарқли бир оз дангал келади.

Улар Назарбоевга қараб “Чол кет” деб намойишга чиқишга азм қилишди.

“Чол” (Нурсултон Назарбоев) олдинига эл тўлқинидан қўрқиб ер сотиш спектаклини тўхтатиб қўйди.

Эл барибир тинчимади. Қимирлашдан турмади.

21 май куни кўчага чиққан элни устига ОМОН ташланди.

Энди Андижондаги каби тариллатиб отиб ташламаëтганига ҳам ҳақ берайлик.

Мен бир суратчи сифатида бир расм тортиб қўйдим.

Одатда расмни ўзи гапириши керак. Изох ортиқча. Аммо воқеалар қўшнининг еринда бўлгани боис озроқ тушунтириб қўйсам не дейсизлар баурларим.

Расм марказида Қозоғистонлик инсон ҳуқуқлари фаоли Зауреш Баталовани ОМОН тарафидан қўлга олингани акс этган. Зауреш Баталова энди бизни Елена Урлаева каби фаол.

Орқада “Чол кет” деган шиор кўтарган намойишчи. Мен уни тепа сочи тикка бўлган холда чиздим. Қозоқ бир ҳақсизликни кўрса юзи қизариб сочи тикка бўлади. Ўзим кузатганман.

Майдонга ОМОН дан ташқари милиция ҳам ташланган.

Қозоқ милицияси ўзбек ментларидан сал инсофли. Бешбармоқ еб семириб кетганини айтмасак. Ҳуллас қоринбой қозоқ ментни ҳам суратини тортиб қўйдим.

Энди жанжални ëритаëтган журналист бовурларимиз ҳам бор майдонда. Ке уларни ҳам кўнгли қолмасин деб расмга тиркаб қўйдим. Қўлида айпад билан расм олиб ëтир.

Нурсултон оғай елбасини ҳўмрайган қуëш тимсолида осмонга чиқариб қўйдим.

Ҳар ҳолда шу одамга ҳурматим йўқ эмас.

Бори шу. Тилим бир оз қозоқчага тортиб кетди. Не қилай. Қовун қовундан ранг олади.

Сизнинг рассом Туз
Eltuz.com

Тағин ўқинг
29 июл 2018
Ўзбекистонда энг узоқ муддат қамоқда ўтирган журналист ва собиқ сиёсий маҳбус Муҳаммад Бекжон ўзбек турмасидаги ҳаётига бағишланган биринчи китобини ...
3 май 2018
2018 йил Халқаро матбуот эркинлиги куни 25-бор нишонланмокда. Шу муносабат билан БМТ Бош котиби Антониу Гутерришнинг 3 май – ...
7 апрел 2016
Ўзбекистонликлар орасида сўнгги кунларда авж олган 16 ва 32 килограммлик полвонтошларни қидириш васвасаси машҳур «Олтин девор» пъесасини эслатади, фақат ...
25 апрел 2016
«Миллий тикланиш» газетаси ўз муассиси бўлмиш шу номдаги партия ўзбек тилининг софлигини сақлаш, адабий тил меъёрлари ва қоидаларига амал ...
Блоглар
3 август 2018
Бир пайтлар нефтбазадан бензин, солярка олиб чиқиб сотар эдик. Яширинча олиб чиқар эдик, ишчиларига пул ...
2 август 2018
Муҳаммад Бекжоннинг «Алвидо, Жаслиқ!» китобидан навбатдаги қисм 1999 йилги Тошкент портлашларининг асосий гувоҳи Зайниддин Асқаров ...
1 август 2018
«Талқончи» нон ушатишда давом этади… Ўзбек маҳбуслари учун чақимчи камерадош билан яшаш қандай ёқимсиз… Собиқ ...