Видео
10 май 2016

Рўзиқулов навбатдаги «гуноҳ эчкиси» (видео)

Ҳафта бошида Eltuz.com Россия учун чиқарилган машиналарни жамлоқларда сақлаб қайта Ўзбекистонда сотилишига оид жиноий схема фош этилиб, ширкат бош директори Тохиржон Жалиловнинг қамалгани ҳақида ёзган эди.

Бундан ташқари Озодлик радиоси Жалилов билан бирга тағин ўн нафар шахс қамалганига оид хабарни берди.

Лекин бош вазир ўринбосари Рўзиқуловнинг истеъфоси ҳақида хабарлар бир-бирига қарама қарши бўлди.

Масалан аввалига Элтуз сом, унинг ишдан четлатилгани ҳақида ёзган бўлса, бу иддаони дастлаб аксарият иккиламчи манбалар тасдиқламади.

“Ҳар холда ўтган жума Рўзиқулов истеъфо бериш ҳақида ариза ëзди” дея таъкидлаганди Eltuz.com манбаси, 1-май куни.

Бироқ унинг ҳибсга олингани ҳақида расмий маълумот йўқ, Рўзиқулов номи бош вазири ўринбосари сифатида ҳамон хукумат интернет саҳифасида турибди.

Сўнгги хабаримизга кўра эса, бош вазир ўринбосари, «Ўзавтосаноат» бошқаруви раиси, Улуғбек Рўзиқулов мамлакатдан чиқиб кетиш пайти МХХ ходимлари тарафидан аэропортда тўхтатилиб изоляция қилинган.

Фақат бир манба айтаётган бу “воқеа” 7 май куни пешиндан кейин рўй берган.

Манбанинг тағин айтишича, Рўзиқулов GM-Uzbekistanга оид криминал схема бўйича тергов қилинмоқда.

Манбанинг тағин билдиришича, бошқарув элитасидаги аксар мулозимлардан фарқли “уч хонали квартирада намойишкорона камтар” истиқомат қиладиган ва “ўта эхтиëткор” Рўзиқуловни “майдондан супуриб ташлаш” учун информацион мужодала бошланган.

Бу масала 26 апрел куни Ўзбекистон ва Россия раҳбарларининг учрашуви пайтида ҳам кун тартибининг матбуотга очиқланмаган қисмида бўлган.

Бошқа бир иддаога кўра, Жалиловнинг ҳибсга олинишига сабаб бўлган автомобил ишлаб чиқариш соҳасига оид компроматлар Ўзбекистон молия вазири Рустам Азимовга қарши гуруҳнинг ишидир.

Азимов муҳтамал ворис, яъни Ўзбекистоннинг “эртанги президенти” бўлиши ҳақидаги гап-сўзлар ортидан унга қарши ахборот уруши нишоналари кўрина бошлаган.

Рустам Азимов эса ўзига қаратилган ҳужум стрелкасини Бош вазир ўринбосари Рўзиқуловга қарши йўналтирди, деган ҳулосага келиш мумкин.

Айни кунларда ЖМ Узбекистан ишчилари ойликсиз қолишаëтганидан ташвишга тушишган.

Eltuz.com

Тағин ўқинг
13 октябр 2016
Гулнора Каримова дея ишонилаётган Афина@zabitaya1972 юзери бугун аккаунтининг бузилгани ҳақида хабар қолдирди. «Менинг қадрдонларим, менинг профилимни бузишди! Бутун кун ...
6 январ 2017
Миллий олимпия қўмитасининг 6 январ куни бўлиб ўтган XXX Бош Ассамблеяси йиғилишида Қўмита Вице президентлигига Салим Абдувалиев сайланди. Шунингдек ...
19 март 2016
“Миллий тикланиш” газетаси “Миллий тикланиш” демократик партиясидан президентликка номзод бу сайловда иштирок этишга рағбат кўрсатмаганини ёки унга фаол бўлишга ...
11 июл 2016
Туркияда ишлаш борасида вазирликка мурожаат қилган 46 минг чет элликлардан 38 минг кишиниг илтимоси қондирилди. Туркия иш ва ижтимоий ...
Блоглар
16 октябр 2017
Ҳар дам олиш кунлари Тошкентдаги турли вазирликлар, давлат қўмиталари, сон-саноқсиз бюджет ташкилотлар олди эрта тонгдан ...
13 октябр 2017
9 октябр куни Ўзбекистон бош вазири ўринбосари Танзила Норбоева, (фото: чапдаги расм) nuz.uz нашри орқали ...
9 октябр 2017
«Талқончи» нон ушатишда давом этади… Ўзбек махбуслари учун чақимчи камерадош билан яшаш қандай ёқимсиз… Собиқ ...