Асосий мавзулар
16 ноябр 2016

Боласини урган ўзбек аëли Туркияда 11 ой қамоққа ҳукм қилинди

Туркиянинг Мерсин шаҳар маҳкамаси ўз фарзандини калтаклаган Гулчеҳра Исоқулова устидан очилган жиноят ишини кўриб чиқиб уни айбли деб топди ва 11 ой қамоқ жазоси белгилади.

Маҳкамада иштирок этган гувоҳлардан бирининг Eltuz.сomга айтишича, айбланувчи ўз қилмишидан жиддий пушаймон бўлганини суд ҳаками инобатга олган.

Мерсин прокурори Исоқуловага беш йил оғир қамоқ жазоси берилишини сўраган эди.

Ўзининг 3 яшар Туанна Чакмагали (Tuanna Çekmegeli) исмли қизини калтаклаган Ўзбекистон фуқароси Гулчеҳра Исоқулова Ўнбешинчи Мерсин Жазо маҳкамаси тарафидан “Таҳдидли ҳаракат ва киши баданига қасддан шикаст етказиш” айби билан маҳкама қора курсисига келтирилган эди.

Мерсин прокурори Исоқуловага беш йил оғир қамоқ жазоси берилишини сўраган

Прокурор Тамар Унувар (Tamer Ünüvar) томонидан ҳозирланган айблов ҳулосаси ва ҳукм нусҳаси eltuz.comда мавжуд:

“Айбланувчи ўз қизи бўлган жабрланувчини иститиш батареясини ëқишга уринган пайтда уят ва аҳлоқсиз гаплар билан ҳақорат этгани ва жабрланувчининг юзига ва кетига ургани ҳолатида жиноят аломати мавжуд.

Шунингдек айбланувчи ўнг оëғи билан жабрланувчини тепиб “сени ўлдираман” дейишида эса таҳдид билан боғлиқ жиноят унсури бор.

Воқеанинг видеога олинган қисми 2 минуту 46 секунд давом этади” дейилади айбномада.

15-инчи Мерсин Жазо Маҳкамасида сўзга чиққан Гулчеҳра Исоқулова ўзини ҳимоя қилишга тиришган эди:

«Қизимни калтаклаганимни бўйнимга оламан. Мен ўз жахлимнинг қурбони бўлдим. Мен Ўзбекистондан Туркияга келин бўлиб тушганимдан бери эзиламан. Сен келгиндисан дея менга эрим ва унинг қариндошлари тарафидан қилинган зулмнинг саноғи йўқ. Буни оқибатида руҳий бесаранжомликка йўлиқдим. Ҳатто фарзандимни қўлимдан олмасинлар дея аëлларга ëрдам берадиган ресурс марказларга ҳам бордим. Дардимни айтишга атрофда бирор одам йўқ ахир. Мен бутун оналардан ва қизимдан узр сўрайман.

Мен бахти қарони кечиринглар. Мен ëмон она эмасман.Мен фитна қурбони бўлган онаман. Аммо мен фарзандимни жуда севаман. Оллоҳ ҳеч кимни боласидан айирмасин. Иншоллоҳ адолатли қарор чиқиб боламни бағримга боссам деб умид қиламан. Менга боламни қайтаринглар азизлар. Уни калтаклаганимда эс-ҳушим жойида эмас эди.” дея ҳакамга юзланган Гулчеҳра Исоқулова “Видеога олиш тадбири фарзандини ундан айириш учун тузоқ бўлганини” иддао қилган эди.

“Эримнинг қариндоши Олмос Оқюрт (Elmas Akyurt) видеога тушириб тарқатди. Мақсад болани мендан тортиб олиш эди. Бу аëлни уйимга киритдим аммо у нонкўрлик қилди. Айнан у мени қизимни калтаклашга гиж-гижлади. У эрим билан тил бириктириб қўлимдан болани олиш учун тузоқ қурди. Мен шу тузоққа тушдим. Мен қизимни емай едирган, ичмай ичирган меҳрибон бир она эдим. Жуда пушаймонман. Мана уч ойки фарзандимни кўрмадим дея кўзида ëш билан гапирган Исоқулованинг бу гаплари маҳаллий матбуотга кўчиб Туркиядаги боласеварларни дахшатга солди.

Маҳкама қаросридан норози бўлган Исоқулованинг эри Ҳасан Тайфун (Hasan Tayfun Çekmegeli) эса қўшимча далиллар келтириб хотинини айблади:
«Болани ургани видеода аниқ тиниқ кўриниб турибди. Бундан ташқари шамсия ва ўқлов билан ҳам мунтазам урарди болани. Мен бу аëлга энг оғир жазо берилишини талаб қиламан. Болани уришга қўли ўрганиб кетганди. Нуқул урарди. Хозир эса сизларни раҳмингизни келтириш учун айбни бошқаларга ағдармоқчи, деди маҳкама мажлисида айбланувчинг эри.

Гувоҳлар она тарафини олди

Маҳкамада Гулчеҳра Исоқулованинг тўрт қўшниси гувоҳ сифатида тингланди. Гувоҳлар Гулчеҳраниг ўз қизига мунтазам ëмон муомала қилмаганини айтиб унинг меҳрибон она эканлиги, оний жахл билан ҳисларига ҳоким бўла олмаганликларини таъкидлашди.

Томонларни эшитган суд ҳаками бу жиноят юзасидан максимум кам жазо бераëтганлигини аëлнинг пушаймонлиги билан изоҳлади.

Эслатиб ўтамиз Туркиянинг Мерсин шаҳрида ўзининг уч яшар қизини шафқатсизларча калтаклаган 36 яшар ўзбекистонлик Гулчеҳра Исоқулова қўлга олиниб шаҳарни тарк этмаслик шарти билан маҳкамагача қўйиб юборилган эди.

Ижтимоий тармоқларни ларзага солган видеода ўзбек аëлнинг норасида гўдакни тарсакилаб ургани ва тепгани акс этган.

Маълум бўлишича бу воқеа ўтган йил декабр ойида содир бўлган ва аëлнинг қиз жияни тарафидан қўл телефонига олиниб тармоққа юкланган.

Рафиқасининг шафақатсизлиги акс этган видеони кўрган 30 яшар Ҳасан Тайфун хотинидан ажралиш учун маҳкамага ариза топширди.

Маҳкама Ҳасан Тайфун даъвосини қондирди ва ўзбекистонлик аëлни оналик ҳуқуқидан маҳрум қилди.

Бола Ҳасан Тайфун тарбиясига берилди.

Болани калтаклаш акс этган видеони ўрганган Мерсин прокурори “Таҳдид, қийноқ ва қасддан жисмоний шикаст етказиш” борасида айбнома ëзиб, ўзбек аëлни 5 йилга озодликдан маҳрум қилиш талабини илгари сурган эди.

Ўз қизини калтаклаган ўзбек аëлига берилган жазо ҳакам талаби билан кечиктирилди. Маҳкум ўз уйида полиция назоратида қолади.

Eltuz.com

Тағин ўқинг
15 сентябр 2016
Дунёнинг қатор оммавий ахборот воситалари, хусусан, ўзбек тилли мустақил нашрлар Ўзбекистон бош вазири Шавкат Мирзиёев «Конституцияга зид равишда ўзининг ...
9 май 2016
GM Uzbekistan ширкатига алоқадор юқори мулозимлар узоқликка югуриш бўйича жаҳон рекордини ўрнатмоқда. Автосаноат иши билан боғлиқ икки МХХ мулозими ...
18 декабр 2015
New York Times газетаси Ўзбекистон президентининг қизи Лола Тиллаева Каримова Лос Анжелосда тўртта қаср сотиб олганлигини ëзди. Eltuz.com
20 июн 2016
Бугун Ўзбекистонда ҳақиқий маънода Мустақил Кунини нишонлаши керак, чунки бундан 26 йил бурун, 1990 йили, Республика парламенти Мустақиллик Декларациясини ...
20 феврал 2017
Андижондаги тижорат дўконларида одатда одамлар баҳор пайти уйда пиширадиган сумалак сотила бошланди. Баъзи одамлар бу ...
14 феврал 2017
14 феврал севишганлар куни Андижонлик Абдусалом Каримов Прагада юрак шаклидаги сомсалар ишлаб чиқаришни йўлга қўйди. ...
8 феврал 2017
7 феврал куни ўтган селектор мажлисида президент Шавкат Мирзиёев, туғуруқхоналарда порахўрлик очиқдан-очиқ тус олгани ҳақида ...
16 феврал 2017
13 январ куни кечга яқин Стокгольмнинг жанубида 35 ёшлардаги чимкентлик Шуҳрат исмли ўзбек мухожири жанжал ...
25 январ 2017
Журналистларни ҳимоя қилиш қўмитасининг мактуби менга 25 йиллик журналистик фаолиятимда ҳукумат тарафидан ёпилган ва мен ...
16 июл 2016
Ўзбекистонда «тинчликни мадҳ этиш учун» мафкура клипи сифатида тайёрлангани айтилаётган айни клип мусиқаси ўзгармаган, бироқ ...