Видео
31 май 2017

Давлат тадбирида қатнашмаган хонанданинг лицензияси бекор қилинди (видео)

Жиззах шаҳрида ўтган “Баркамол авлод” спорт мусобақаси гала концертида қатнаша олмаган хонанда Шаҳноза Отабоева лицензиясидан маҳрум қилинди.

Хонанда бу ҳақда инстаграм саҳифасида қисқа хабар ва “Ўзбекконцерт” бирлашмасининг янги рахбари Азамат Ҳайдаров номига ёзган ўз тушунтириш хати нусхасини жойлади. (Бироз муддатдан сўнг Шаҳноза расмни у ердан олиб ташлаган.)

Мен, Шаҳноза Отабоева, 25 май куни Жиззах шаҳрида бўлиб ўтган “Баркамол авлод” спорт мусобақасининг очилишига тайёргарлик кунларида ҳам қатнашдим. 1 ой аввал Сурхондарё вилояти Шўрчи туманидаги аҳоли 25 май кунига ният қилиб тўйга айтишганди. Закладларини ҳам олиб қўйгандим. Тадбирдан кетолмайман деб айтсам, илтимос, тўйга 5 минг киши айтилган, бизни шарманда қилманг, деб Жиззахдаги меҳмонхонага келиб ўтириб олишди. Бизга рахбарлик қилган Одил акага айтдим, бир йўлини қилиш керак дедим. Ёрдам бермадилар. Тўй эгалари ўзимни осаман, порталга ёзаман деб айтишди. Шунга халқ кўтарилиб кетмаслиги учун, тўйга кетишга мажбур бўлдим. Бошқа қайтарилмайди. Мажбурлигимдан, обрўйимга путур етмасин деб, 2 ўт орасида қолдим. 30 май, Шахноза Отабоева

Ўзбекистондаги барча қўшиқчилар давлатдан тегишли рухсатнома – Линцензиясиз фаолият юрита олишмайди. “Ўзбекконцерт” бирлашмаси томонидан ҳар хил муддатларга бериладиган ушбу ҳужжат, ўзбек санъаткорларини давлат мафкураси хизматида бўлишга мажбур қилади.

“Лицензия, бу бошимиздаги тегирмон тоши”, дейди Элтуз билан сухбатда, маълум сабаблар туфайли исмини сир тутган таниқли ўзбек хонандаси.

Ёшлар орасида қатор қўшиқлари хитга айланган бу хонанданинг айтишича, “Лицензия, қўшиқчиларни давлат “рамкасида” ушлаб туриш билан бир қаторда, каттаю кичик давлат амалдорларининг тўй ҳашамларида бепул хизмат қилишга мажбурловчи воситага” айланган.

“Телефон қилишади, “Укам, палон куни палон соатга, палон ресторанга мана шу вақтга етиб бор!” Тамом! Боришимиз керак. Ўша кунга мани ишим бор, бошқа жойга айтилганман, деб кўрингчи?! Кейинги ойдан муаммолар ичида қолиб кетасиз! Радио ва ТВ эфиридан маҳрум қилинсак, дўппини осмонга отамиз! Линцензиямизни бекор қилишлари хам мумкин. Мана шуниси чатоқ”, дейди бир неча йил аввал бундай муаммоларни бошидан ўтказган хонанда.

Хонандага кўра, бир жуфт қўшиғи хит бўлган хонанда, бир йил мобайнида пойтахт тўйларидаги энг ҳаридоргир кўшиқчи бўлиши мумкин. Лекин, тўйга таклифлари кўп бўлгани билан, линцензияси бўлмаса, у хеч қандай маросимда хизмат қилиб пул ишлай олмайди. Шунинг учун, линцензиядан маҳрум бўлиш, ўзбек қўшиқчиси учун жуда катта йўқотиш.

“Бугун Тошкентдаги тўйларга “бирров” учун (яъни, бир жуфт қўшиқ айтиб бериб кетиши учун), қўшиқчилар, ўз рейтингига қараб 100 доллардан 600 долларгача пул олишади. Тўйлар мавсумида биз қўшиқчилар худди каруселдаги каби тўйма тўй югуриб юрамиз. Тўйлар боқади бизни. Бир тўй сезонида ҳар бир линцензияли кўшиқчи ёки гуруҳ 45 минг доллардан 100 минг долларгача пул ишлай олади. Шунга линцензияни йўқотмаслик учун катталарнинг айтганини қилиб, яхши бола бўлиб юрамизда” дея кулади хонанда.

Санъат олами ичида номи чиққан яна бир санъаткорнинг айтишича, “Тўйимдан қолмай” дея линцензиясидан айрилган хонанда Шаҳноза Отабоева бугун ўзидаги бор имкониятни ишга солиб, тез кунларда бу ҳужжатни яна қўлга киритмоқчи. Бу унга осон бўлмайди чоғи, Инстаграмдаги саҳифасида “Санъатнинг қийинчиликларига бардош бер, Оллохим!” деб ёзув қолдирибди.

Улуғбек Ашур
Eltuz.com

Тағин ўқинг
10 март 2017
Ўзбекистон Президентининг қарорига кўра, 1 мартдан Ўзбекистондаги чакана савдо ва хизмат кўрсатиш соҳасидаги барча тадбиркорлик субъектларида касса аппаратларининг бўлиши ...
28 октябр 2015
Яқинда бир ҳамкасбим янги тенденция, журналистлар ўрнига роботлар келаётганидан гап очиб қолди. Бу аллақачон матбуотда қўлланилаётган амал экан. Долзарб ...
13 июн 2016
Саммитга ҳали икки ҳафта вақт борлигига қарамай, масжидларга ва бошқа жамоат идораларига, одамлар махсус металл сканери орқали текширилган ҳолда ...
10 ноябр 2017
«Учинчи зарбада оғриқдан, бошқа оғриқларга қараганда «фарқли» оғриқдан «воҳ!» дея ўрнимдан сакраб турганимни ўзим ҳам сезмай қоламан. Бу сафарги ...
Блоглар
16 ноябр 2017
Сал аввалроқ ўзбек матбуотида Меҳнат вазирлиги ва Миграция агентлиги масъуллари Росссияга сафар қилиб, кўплаб учрашувлар ...
13 ноябр 2017
Ўзбекистонлик 1 миллиондан ортиқ меҳнат мигрантлари Санкт-Петербургда ишлаётгани расман тан олинди. Демак, РФнинг Ўзбекистонга масофа ...
10 ноябр 2017
9 ноябрь куни Тошкентга Пуйоль келди, биласиз-а? Карлес Пуйоль «Барселона»нинг собиқ ҳимоячиси. Жамоа тарихидаги энг ...