Ўзбекистон Олий суди меҳрибонлик уйи қизларини зўрлаган амалдорлар ишини қайта кўриб чиқади 

Ўзбекистон Олий судига Хоразм вилояти адлия бошқармасининг собиқ бошлиғи Айбек Машарипов ва туман фавқулодда вазиятлар бўлими бошлиғи Анвар Курязовга нисбатан чиқарилган ҳукм юзасидан Хоразм вилояти прокуратурасининг протести келиб тушди.  Улар меҳрибонлик уйи тарбияланувчиларини жинсий зўрлашда айбланмоқда.  

Маълум қилинишича, мазкур протест жорий йилнинг 6 апрел куни Олий суднинг Жиноят ишлари бўйича коллегиясида кассация тартибида ёпиқ суд мажлисида кўриб чиқилади.  

@eltuz2022 “Ҳозирда асосийси қизларга озодликда юрган юқори мартабали зўравонлар қўлининг етиб бормаслигидир. Энди бизни ҳимоя қилаётган давлатдан ўзимизни, бошқаларни, мартаба ва унвонларимизни аямасдан,  кўргазмали жазо кутамиз”,  — деб ёзди тошкентлик блогер Никита Макаренко ўзининг Телеграм-каналида.