Асосий мавзулар
1 апрел 2019

1 апрель – «тишланган олма» – Apple ташкил топган кун

Бугун хоҳ смартфон, компьютер ёки планшет бўлсин, уларнинг энг мукаммали ва ишончлиси саналган Apple соҳиблари 40 йил муқаддам унга асос солган Стив Жобсдан миннатдор бўлишлари керак.

rasm1063
Стив Жобс ва унинг дўстлари илк компьютерни шу уйнинг гаражида йиғишган. фото: Mathieu Thouvenin

Ўша йили Калифорния коллежидаги ўқишидан ҳайдалган 21 ёшли Жобс ўз фургонини сотиб, шериги Возняк қўшган улуш билан гаражида электрон ҳисоблаш машинаси йиғишга киришади ва илк Apple I компьютерини яратади.

1300 доллар билан бошланган бизнес – Жобс гаражида йиғилган компьютерларга аста-секин буюртма туша бошлайди. Бошда 50 та, кейинчалик тағин 200 та компьютерни сотишга муваффақ бўлади.

Жобс кейинчалик ўз бизнесига Стив Возняк, Майк Марккулу, Майк Скотт, Макен, Жона Скалли, Майкл Шпиндлер, Гил Амелио, Доналд Кук каби ишбилармон, ташаббускор, тадбиркорлик ва яратувчанлик қобилиятлари қайнаб тошган шахсларни жалб қилади.

rasm1064
Илк Apple 1 компьютери.  (Apple I at the Smithsonian Museum)

Apple нинг суронли йиллари

1977 йилнинг июнига келиб ширкатнинг йиллик даромади бир миллион долларга етади. Apple II рангли экранли илк микрокомпьютер бўлиб майдонга чиқади.

1978 йили ширкат компьютерларни сифатли дастурлаш имконини берувчи Apple Disk II ни ихтиро қилади.

1979 йили катта ҳажмли хотира ва фойдаланишга қулай Apple II+ ишлаб чиқарилиши йўлга қўйилди. Ўша йили микрокомпьютерлар учун илк VisiCalc жадвали тақдим этилди.

1980 йили «Фортран» дастури йўлга қўйилди.

1982 йил охирига бориб ширкатнинг даромади бир миллиардни ташкил этади.

1983 йили ширкатнинг иқтисодий оқсашига қарамай, Жобс инноваторлик ғояларини илгари суришда давом этиб, 40 та янги компютер дастури ва ўзининг илк қаттиқ дискини ишлаб чиқаради.

1984-1985 йили ширкатда юз берган зиддият сабаб Жобс бир қанча шериклари билан Apple ни тарк этади, NeXT Incorporated ширкатини ташкил этади.

1996 йили ширкат инқирози Жобснинг Apple га қайтишини тақозо этади, ширкат NeXT акцияларини сотиб олишга мажбур бўлади.

1997 йили директорлар кенгаши қарори билан Стив Жобс бош ижрочи директор қилиб сайланади. Apple қайта тикланади. «Think Different» (Ўзгача фикр қил) шиори остида инқилобий янги гаджетлар яратишга киришилади.

rasm1065
1988 йили Тошкентда ўтган «Информатика АҚШ ҳаётида» кўргазмаси стендидан

1988 йили Тошкентда ўтган  «Информатика АҚШ ҳаётида» кўргазмасидан ҳам Apple маҳсулотлари ҳам ўрин олган эди.

2000 йилларда ўз ичига мингга яқин қўшиқни сиғдирувчи iPod плейери ва кейинчалик Ipod Mini, Ipod Shuffle ва Ipod Nano ишлаб чиқарилиши йўлга қўйилади.

2005 йили Apple Mac mini компьютерлари учун янги тизим блокларини яратади.

2007 йилдан ширкат мобил телефонлар бозорида iPhone смартфонларини тақдим этади.

2010 йили эса «тишланган олма» ширкати Eltuz.com cайти материалларини ўқиш, эшитиш ва кўришга қулай бўлган iPad планшет компьютерларини тақдим қилди.

2011 йили Стив Жобс саратон касалидан вафот этди.

Apple нинг афзалликлари ва камчиликлари

Стив Жобс ўлди ва ундан миллионлаб одамларнинг интернетдаги ҳаёти кўчиб ўтган битта «тишланган олма» қолди.

Албатта, Apple маҳсулотларининг асосий камчилиги қимматлигида.

Кўпчилик харидорлар эса фақат унинг ташқи чиройи, яхши қадоқлангани, рекламаси ва тишланган олма тасвири борлиги учун харид қилишади.

Лекин Apple нинг афзаллиги унинг ташқи чиройи ёки қимматлигида эмас, балки ташқи таъсирлардан яхши ҳимоя қилинганида, қўлланишга қулай ва мукаммал дастур билан жиҳозланганидадир.

Ҳарқалай, Apple дан фойдаланувчилар фалокат босиб девайсларига вирус кириб қолганидан камроқ зорланишади.

Eltuz.com

Тағин ўқинг
2 март 2017
1 март куни журналист Жамшид Каримов рухий ҳастахонадан озод қилинди. 49 яшар Жамшид ўтган йили ўлган Ўзбекистон президенти Ислом ...
6 сентябр 2016
Синглим кичкина раҳбар. Тўғриси Ўзбекистонда порасиз, илми, маърифати ва одамгарчилиги туфайли тайинланган саноқли боғча мудираларидан. Кечаси иккида ҳокимликдан телефон ...
16 апрел 2020
Раҳматли отам Мадаминбег Бегжонбег ўғлининг Иккинчи жаҳон урушида олган беш-олтита нишони бор эди. Улардан иккитаси – катта кумуш танга ...
15 апрел 2020
Американинг нуфузли Forbes журнали аёллар бошқараётган давлатлар коронавирус эпидемиясини енгишни бошқалардан яхшироқ уддалаётганига эътибор қаратди. Исландиядан Тайвангача ва Германиядан то Янги Зеландияга қадар аёллар қийин ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...