ART-DURBIN
19 июл 2016

125 йил олдин Москвадаги “Ўрта Осиë кўргазмасида” тирик одамлар экспонат бўлган эди

Ўрта Осиë кўргазмасидаги экспозиция. Рассом Сенцов асари. 1891 йил
Ўрта Осиë кўргазмасидаги экспозиция. Рассом Сенцов асари. 1891 йил

Россия империяси олиб борган ишғолчи урушлар натижасида Марказий Осиëдаги хонликларга оид улкан тупроқлар, ўша ерларда яшаган “туземец”лар билан бирга Оқ подшо мулкига айланди. Қўқон ва Хива хонлигига қарши ишғолчи уруш 1864 йилдан то 1873 йилга қадар давом этди. Марказий Осиë асосан қурол кучи билан бўйсундирилди. Баъзи бўлгалар “ўзлари истаб” Империяга тобе бўлди.

rasm1663
Кўргазма тамғаси

Россия Империясининг янги тупроқларни узоқ йиллик кучанишлар ортидан ишғол қилганидан чиққан ҳосила 1891 йил Москванинг “Тарих музейи” да асъасаю-дабдаба билан очилган биринчи “Ўрта –Осиë кўргазмасида кўз-кўз қилинди.

Кенг-мўл музей залларидаги кўргазма россияликлар тушига ҳам кирмаган Ўрта Осиëнинг осори-атиқалари ҳақида билги берди. Масалан кўргазмага кириш эшиги Самарқанддаги қадимий масжидга ўхшатиб ясалди. Кўргазма Россия публикасини Бухоро ва Хиванинг жин-кўчалари ва минг бир кечани эслатувчи бу кўчалардаги ҳаëт тарзи билан таништирди. Карвонсаройлардаги шарқона бозорларнинг уч ўлчамли тасвири оқ пошшо тобеларига экзотик эртак каби кўрсатилди. Марказий Осиë ҳаëтидаги маиший буюмлар, зумрад, ложувард дохил минерал тошлар Москва турғунларининг кўзини қамаштирди. Ипак, атлас, адрас ва пахтадан бўлган икат нақшли газламалар, мева ва мева қоқилари, ëнғоғу туршаклар эртаклардаги очил-дастурхон каби Чор Россияси раъиятига тақдим қилинди.

Кўргазмадаги экспонат
Кўргазмадаги экспонат

Қизиғи шундаки “Шарқ бозори” деб номланган залда Ўрта Осиëда яшаган элатлар типларга ажратилиб томошага қўйилди. Эрмакталаб россияликлар манекенлар қаторида тирик “абориген”ларни ҳам ҳудди зоопаркдаги тирик ҳайвонлар каби “томоша” қилиш имкони яратилган эди кўргазмада. 1870 йилдан бошлаб “одам зоопарки” Европадаги Ғарб публикаси учун янги кўнгил очиш масканига айланган эди.

Европадаги “одам зоопарклари”да Осиë ва Африкадан келтирилган ҳабашу – аборигенлар кўргазмага қўйилган эди. Чор тўнтарилганидан кейин унинг ўрнига келган Совет режими пайтида ҳам Ўрта Осиëга оид кўргазмалар Москвада давом этди. Фақат инсонпарварлик юзасидан кўргазмага тирик одамлар қўйилмайдиган бўлди. Улар физкультура парадларига кўчиб ўтишди.

Ўрта Осиë кўргазмалари 70 йил давомида Совет Россияси маданий ҳаëтининг ажралмас қисмига айланди. 1987 йили ўзбек рассомлари Медат Кагаров ва Вячеслав Охуновнинг Москвадаги кўргазмасида қатнашган рус мунаққидининг “Туземецлар ҳам мой бўëқда чизишни эплашибди. Қойил” дегани эсимда.

Акмал Ризаев,
тошкентлик муаллиф таҳаллуси

Кўргазма фотосуврати, этнография бўлими
Кўргазма фотосуврати, этнография бўлими

 

Тағин ўқинг
4 декабр 2017
Ўзбек қамоқхонасида 21 йил ëтган диссидент, қашқадарёлик Мурод Жўраев 65 ёшида 4 декабрь куни вафот этди. «Эрк» демократик партияси ...
27 август 2018
Кўзимни очсам, БМТ анжуманида ўтирибман. Олдимда Ўзбекистон байроғи. Бўйнимга осилган бейджикни айлантириб қарасам Ўзбекистон вакили эмишман. Аммо ўтмиш билан ...
17 апрел 2019
Оммавий ахборот воситаларида турк актёри Бурак Ўзчивитнинг янги туғилган чақалоғига Тошкентдан уй совға қилингани ҳақидаги хабарларни 17 апрель куни ...
26 май 2017
Республика телеканалларининг «Ахборот», «Таҳлилнома», «Пойтахт», «Давр» информацион дастурлари ёпилади. Шу йилнинг апрелида «Элтуз» танқиди ортидан, «Ахборот» дастури диктори Навбаҳор Каримова ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...