Асосий мавзулар
14 декабр 2016

Виртуал қабулхонага мурожаат иш бермади, фуқаронинг уйи бузилди

“XXI аср” газетаси (08.12) бош вазирнинг виртуал қабулхонасига келаётган мурожаатларга оид навбатдаги мақолани эълон қилди.

“Мурожаатлар ҳаққоний бўлса..” сарлавҳали мақолада дастлаб Тахтакўпир туманилик Роза Каипованинг виртуал қабулхонага мурожаатига эътибор қаратилади. Ушбу мурожаатда Р.Каипова беморларга нотўғри ташхис қўйгани учун муқаддам уч марта судланган, ҳатто мудҳиш хатоси туфайли шикоятчининг эри ўлимига сабабчи бўлган шифокор амнистия актига кўра озодликка чиқарилгандан сўнг яна ўз ишида ишлаётганидан арз этган.

Бу мурожаат асосида ношуд шифокор ишдан бўшатилгани ортидан шикоятчи бош вазирга ташаккурнома ёзган.

Яна бир мурожаатчи эса бош вазирга иш ҳақини ололмаётганидан шикоят қилганидан сўнг маоши олиб берилгани билдирилади. Албатта, газета ойлар давомида иш ҳақини ололмаётган катта-катта меҳнат жамоалари ҳам борлигини эсга олмаган.

Иштихонлик фуқаро эса бош вазирга ўғлининг уй-жойи бузиб ташланаётганидан шикоят этган.

“Ўрганиш жараёнида уй-жой аслида фермер хўжалигига тегишли ерда ноқонуний қурилгани, бир неча бор тушунтириш берилганига қарамай, фуқаро уни ўз ихтиёри билан бузмагани сабабли уй суд қарори билан бузилиб, бу ҳақда далолатнома тузилди”, дейилади газетада.

Газета виртуал қабулхонага мурожаат қилаётганларнинг ҳаммаси ҳам жабрланувчи эмаслигини билдириб, бу “жойларда секин-аста адолат тарозиси тенглашаётганидан далолат беряпти”, дея хулоса қилади.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
28 сентябр 2016
Баъзи имомлар, ҳаттоки, пахта териш ҳар бир мусулмон учун “вожиб амал” дея ҳукм чиқарган, шу билан бирга, Озодлик радиоси ...
17 декабр 2018
Ўзбекистонда 2017 йилда 13 фоиз киши ўз ихтиёрига қарши равишда пахта теримига жалб қилинган бўлса, 2018 йилда бор-йўғи 7 ...
11 апрел 2016
Ўзбекистонда май-июнь ойларида бўлиб ўтадиган фуқаролар йиғинлари раислари (оқсоқоллари) ва уларнинг маслаҳатчилари сайловини ташкил этиш ва ўтказишга кўмаклашувчи комиссиялар ...
7 июл 2017
Ўтган ҳафта Санкт Петербургдан Хоразмга қайтган Shuxdil канали блогери Шуҳрат Машарипов жонли видеолари билан машҳур бўлди. Қисқа вақт ичида ...
Блоглар
17 феврал 2020
Ўзбекистонда тобора оммавийлик касб этаётган, “президент ташаббуси” билан ташкил этилаётган кластерлар пахтани қўшиб ёзишнинг олдинги ...
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...