Асосий мавзулар
15 феврал 2017

Нодавлат ташкилотлар ëмонотлиқ қилинди

“Жамият” газетаси (10.02) нодавлат нотижорат ташкилотлар фаолиятининг “сирли қирралари” ҳақида мақола эълон қилди.

Унда ёзилишича, “дунёда ўз манфаатини бошқаларникидан устун қўядиган кучлар… айирмачилик, экстремизм ғояларини ёйишда, жамоатчилик фикрини ўзгартиришда кўп ҳолларда айнан халқаро ва маҳаллий ННТлар имкониятидан фойдаланади”.

Мақолада халқаро ННТлар мақсади “гўёки хайрия, ижтимоий ёрдамга йўналтирилган бўлса-да, аслида жосуслик фаолиятини ҳам амалга ошириши” таъкидланади.

Мақсади бошқа ННТлар қаторида Миллий демократик институт, Жорж Сорос фонди, Freedom house санаб ўтилган.

“Таъкидланишича, ушбу ташкилотлар томонидан эълон қилиб бориладиган турли рейтинглар, таҳлиллар муайян давлатни обрўсизлантириш, имижини туширишга йўналтирилмоқда. Асосий мақсад эса манфаатларига бўйсунмайдиган тизимларни издан чиқариш, ҳалокатга бошлашдир”, дейилади мақолада.

Унда айрим ННТлар фуқаролик жамиятини ривожлантириш, матбуотни кучайтириш, демократия чуқур илдиз отишига кўмаклашиш баҳонасида сайлов жараёнларига аралашиш ва ўзлари истаган номзоднинг ғалабасини таъминлаш мақсадини кўзлаши билдирилади.

Мақолада “халқаро НТТлар ўзларининг ғаразли мақсадларини амалга ошириш учун кўпроқ ёшларни нишонга олиши” айтилади ва бунга исбот тариқасида уларнинг интернетдаги фаоллиги келтирилади.

Қизиғи шундаки, бундай ташкилотларнинг глобаллашув жараёнини тезлаштиришга хизмат қилиши, “интернет ривожи, оммавийлигини оширишда асосий роль ўйнаши” уларнинг салбий фаолияти сифатида тилга олинади.

“Twitter, Facebook ва бошқа ижтимоий тармоқларда ўзларининг сиёсий қарашларини кенгроқ ёйиш, ёшларга таъсир ўтказиш мақсадида замирида ёвуз мақсад бўлган маълумотларни жойлаштирмоқда”, дейилади газетада.

Интернет орқали таъсир кўрсатишга мисол тариқасида 2009 йилда Молдовада бўлиб ўтган “флэшмоб революцияси”, Ливиядаги қонли воқеалар санаб ўтилади.

Мақолада Ўзбекистондаги ННТлар фаолиятига тўхталиб ўтилмаган. Шундай бўлса-да, уни ўқиб: “Юртимизда мустақил ННТлар фаолияти ривожланмагани сабаби улардан қўрқувми?” деган савол келиб чиқиши табиий.

Қолаверса, газета ННТлар жамият манфаатларининг ифодачиси, жамият ривожида катта ўрин тушиши, давлатни ўз фуқаролари фикри билан ҳисоблашишида муҳим воситалардан бири экани масалаларига тўхталиб ўтирмаган.

Шунингдек, мазкур газета президентнинг 2016 йил 21 октябрдаги қарори асосида қурилган янги уйларга кўчиб ўтганлар “бахтли ҳаёт кечириши”ни ҳам таъкидлаган.

Агар ҳисоб-китоб қилиб кўрилса, бор-йўғи уч ойда қуриб битказилган бу уйларнинг сифати масаласи негадир четда қолган.
Бундан кўринадики, газетада босилган бу ҳақдаги лавҳадан асосий мақсад янги хонадон соҳибларининг “бунинг учун президентимиздан миннатдормиз”, деган сўзларини муштарийларга етказиш бўлган.

Баҳодир Шариф

Ўзбекистонлик газетхон таҳаллуси
Eltuz.com

Тағин ўқинг
14 январ 2018
13 январь куни Тошкентда таниқли ўзбек ёзувчиси Носир Фозилов 88 ёшида вафот этди. Адибни яқиндан билган кишилар унинг камтар ...
2 июн 2017
17 июндан ишга туширилиши мўлжалланаётган “Ўзбекистон 24” телеканали кўрсатувлари мазмунининг эскисидан фарқли бўлишига ишониш қийин. Чунки, янги телеканал бошқа ахборот ...
5 апрел 2019
Инсон ҳуқуқлари бўйича Ўзбекистон-Германия форуми (UGF)нинг «Улар аввал пахтага чиқмаслигимизни айтишди, кейин эса далага жўнатишди» номли янги ҳисоботида қайд ...
22 сентябр 2016
15 сентябр куни халқаро криминал авторитет Ғафур Раҳимов Ўзбекистон Интерполи қидирувидаги шахслар рўйхатидан cирли тарзда олиб ташланди, айни пайтда ...
Блоглар
4 декабр 2019
(Муҳаммад Солиҳ ва Нуруллоҳ Муҳаммад Рауфхон суҳбатларини тинглаб) 1980 йиллар бошида раҳматли отам Мадамин Бек ...
27 ноябр 2019
Ўзбекистон Бош прокуратураси Тошкент шаҳри ҳокими Жаҳонгир Ортиқхўжаевнинг ижтимоий тармоқда тарқалгани аудиоёзувидаги ҳолатларни текшириш юзасидан ...
19 ноябр 2019
Матбуот хизматлари ва жамоатчилик билан алоқалар соҳаси бўйича таҳлиллар рукнимизнинг янги сонига катта эҳтиёж пайдо ...