Асосий мавзулар
11 март 2020

11 март – Литва мустақиллиги акти имзоланган кун

1990 йилнинг 11 мартида Литва парламенти давлат мустақиллиги тиклангани ҳақидаги актни тасдиқлади.

80-йилларда Болтиқбўйи мамлакатларида бошланган миллий озодлик ҳаракатлари кейинчалик Ўзбекистон мустақиллигининг ҳам хамиртуруши бўлган эди.

Совет империяга қарши курашда Литва, Латвия ва Эстония халқлари якдил кураш олиб боришган

1988 йили ташкил топган “Саюдис” ижтимоий-сиёсий ҳаракати маданий қадриятлар, демократия, иқтисодий эркинликларни кўзлаб амалда давлат мустақиллигини тиклаш ишларига бош бўлди.

Айни ҳаракат тамойиллари кейинчалик “Ўзбекистон Эркин ёшлари уюшмаси” ва “Бирлик” халқ ҳаракати низоми учун асос қилиб олинди.

Болтибўйи халқларининг озодлик ҳаракати ўзбек мухолифати учун ҳам ўрнак бўлди

Зоҳир Аълам, Даврон Йўлдошев каби ўзбек ижодкорлари ҳам ўша йиллари Литвага бориб “Саюдис”нинг эркинлик учун кураш услубларини ўрганиб қайтишган эди.

1988 йили Литва, Эстония ва Латвия мухолифати вакиллари СССР таркибидаги бошқа республикаларга, хусусан, Ўзбекистон билан ҳам алоқалар олиб боришгани, “Прибалтиздат” номи билан машҳур нашрларнинг бутун иттифоқ бўйлаб қўлма-қўл тарқалгани ҳақида маълумотлар бор.

Тошкентдаги Талабалар шаҳарчасида ёшлар яширинча ўқийдиган, Россияда чоп этилган қўлбола инқилобий “самиздат”лардан фарқли ўлароқ, “Саюдис”нинг рус тилидаги “Возрождение”, “Согласия”, “Кауна айдас” вақтли нашрлари полиграфия сифати билан ҳам ажралиб турар эди.

1988-89 йилларда “Туркистон ёшлари манифести”, “Ку-ку-88”, “Эркин сўз”, “Бирлик” каби самиздатлар чиқарилган.

1989 йилнинг 18 майида Литва ССР Олий Кенгаши республика суверенитетини эълон қилди, 1990 йилнинг 11 мартида эса Литва мустақиллигининг тикланиши актини қабул қилди.

1991 йили Литва Республикаси мустақиллиги илк бор Исландия томонидан тан олинди. Август путчидан кейин эса Россия томонидан ҳам эътироф этилди.

1991 йилнинг 17 сентябрида Литва БМТга аъзо бўлди.

Eltuz.com

Тағин ўқинг
24 март 2018
Сил (туберкулёз) касаллигига қарши кураш халқаро куни Жаҳон соғлиқни сақлаш ташкилоти ташаббуси билан ҳар йили нишонланадиган эсдалик санадир. Бу ...
1 октябр 2016
Ўзбекистоннинг бир қанча вилоят ва туманларида, шунингдек, Қорақалпоғистонда бу йил 18 ёшга етмаган болалар пахтага чиқарилганини eltuz.com ўз манбалари ...
3 апрел 2016
Ўзбекистонда хизмат кўрсатган артист Райҳон Ғаниеванинг ўзбек тилини билмаслиги ҳақида ижтимоий тармоқда қолдирган изохи шов шувга сабаб бўлди. 38 ...
8 январ 2017
Шавкат Мирзиёев икки куёвини ҳаётларидаги энг йирик янги йил совғаси билан сийлади. Катта куёв Ойбек Турсунов президент маъмурияти раҳбари ...
Блоглар
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...
18 май 2020
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...
16 май 2020
Ўзбекистондаги, Қозоғистондаги, Болтиқбўйидаги рус тилли зиёлилар ва фуқаролар қанчалар ақлли, асосли аргумент келтирмасин, қанчалик дўстона ...