Асосий мавзулар
13 март 2017

Қарийб 10 йилдан бери чироғи йўқ мактаб

Ўзбекистон матбуоти Кадрлар тайёрлаш миллий дастури туфайли мамлакатда таълим тизими қанчалик «ютуқларга эришгани», «дунёда тан олингани» тўғрисида оғиз кўпиртириб келади.

Аммо «XXI аср» газетасида (08.03) чоп этилган мақола бу эътирофларнинг қуруқ сафсата эканини ошкор қилиб қўйди.

Газетада ёзилишича, Чироқчи туманининг Ободон қишлоқ фуқаролар йиғинида жойлашган 129-мактаб электр энергияси билан таъминланмаган.

Ҳозир ҳамма жойда бу муаммо бор, бирор кун мактаб чироқсиз қолиб кетган бўлса бордир, деган истиҳолага борманг. Чунки бундай истиҳолага асос йўқлиги-ку майли, қачондан буён шундайлигини эшитсангиз, йўғ-эй деб юборганингизни билмай қоласиз.

Маълум бўлишича, 450 нафар ўғил-қиз таълим оладиган бу мактаб 2009 йилда қурилиб, фойдаланишга топширилганидан буён электр энергияси таъминотидан маҳрум.

«Демак, истиқболимиз эгалари бўлган бу ёшлар шу вақтдан буён замонавий илм – компьютер сабоқларидан бебаҳра қолиб келишмоқда», дейилади мақолада.

Эътибор беряпсизми, бутун бошли мактаб 8 йилдан буён электр энергияси билан таъминламаган. Шу пайтгача биров бу муаммони ҳал қилиб бермаган. На туман ҳокимлиги, на маориф соҳаси вакиллари бунга эътибор қилмаган.

Шу ўринда бир мулоҳаза туғилади. Агар Ўзбекистонда таълим тизими «муваффақиятлари» ҳақида тинимсиз янграётган мақтовларни гапириш, ёзиш учун қилинган ҳаракатлар механик йўл билан электр энергиясига айлантирилганда бу мактабнинг электр муаммоси умуман бўлмас эди, дейишга тўла асос бор.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
29 май 2018
Бир неча ўзбек фаоллари 23 май куни Швейцария ҳукуматига Ўзбекистоннинг собиқ президенти Ислом Каримовнинг қизига тегишли активларни қайтариш учун ...
15 апрел 2017
15 апрел куни ёзувчи Нодир Норматовни таниқли рассомлар, ижодкорлар сўнгги йўлга кузатишди. Марҳум Тошкентдаги «Яланғоч ота» қабристонида дафн қилинди. ...
13 декабр 2017
Ўзбекистондаги мактаб ўқувчиларига дарсхоналарни иситиш учун ўтин солиғи солинмоқда. Жумладан, «Элтуз»нинг Андижондан олган хабарига кўра, шаҳардаги 29-мактаб ўқувчиларига кўмир ...
24 апрел 2016
Бундан 5 йил олдин Тошкент шаҳар хокимлиги Чехиядан 20 та трамвайни донасига бир миллион АҚШ доллари тўлаб сотиб олган ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...