Машҳур кинорежиссёр Шуҳрат Аббосов дунёдан ўтди

Ўзбек миллий киносини шакллантирган машҳур режиссёр Шуҳрат Аббосов 25 апрель куни 87 ёшида оламдан ўтди.

Сўнгги соатларда «Элтуз»га маълум бўлишича, ўзбек киноси устаси Шуҳрат Аббосов соғлиғи ёмонлашгани сабабли Тошкентдаги биринчи ҳукумат стационар шифохонасининг реанимация бўлимида қолаётган эди.

«Маҳаллада дув-дув гап», «Сен етим эмассан», «Оловли йўллар» каби кинолари билан дунёга танилган Шуҳрат Аббосов 1931 йилнинг 16 январида Фарғона вилоятининг Қўқон шаҳрида туғилди.

1949 йили Островский номидаги Тошкент театр ва рассомлик институтининг режиссура факультетига ўқишга кирди.

1958 йили эса “Мосфильм” қошидаги олий режиссёрлик курсини битказди.

«Элтуз» нашри Шуҳрат Аббосовнинг яқин оила аъзолари, ҳамкасблари ва дўстларига чуқур таъзия билдиради.

Eltuz.com