Асосий мавзулар
16 апрел 2019

Тошкентда ҳуқуқ фаоли шикояти юзасидан суд бошланди

Тошкент шаҳрининг Шайхонтоҳур тумани маъмурий ишлар суди 15 апрель куни ҳуқуқ фаоли, 68 яшар Аъзам Турғуновнинг ички ишлар ходими Рустам Муродовнинг ноқонуний ҳаракати юзасидан шикоятини кўра бошлади.

Бундан олдин, 2018 йилнинг 30 август куни айни маъмурий суд судьяси Холмамат Ҳасанов ҳуқуқ фаоли Аъзам Турғуновни «ҳокимият вакилига бўйсунмаганлик»да айблаб ,бир минимал иш ҳақи миқдорида жаримага тортган» эди.

Турғуновнинг фикрича, унга қарши маъмурий ишнинг қўзғатилишига айнан ички ишлар ходими Рустам Муродовнинг рапорти асос бўлган.

«Ўтган йилги иш бўйича менинг шикоятимни кўриб чиқиш чоғида шантаж қилишиб, мени ва яна гувоҳ Зулфия Худойбергеновани Маъмурий кодекснинг 41 (ҳақорат қилиш), 180 (судга ҳурматсизлик қилиш) ва 194-(ички ишлар ходимининг қонуний талабларини бажармаслик) моддалари билан айблаб иш қўзғашмоқда», дея изоҳ берди Аъзам Турғунов «Элтуз» мухбирига.

Воқеа 2018 йилнинг 29 август куни юз берган. Ўша куни ҳуқуқ фаоли Аъзам Турғунов ва журналист Малоҳат Эшонқулова йўлда кетаётганида Тошкент шаҳридаги Олий суд биноси яқинида плакатлар кўтариб турган бир гуруҳ аёлларни кўриб қолади ва расмга ола бошлайди.

Шунда ИИБ тезкор ходими Рустам Муродов ҳуқуқ фаоли Аъзам Турғуновнинг қўлини қайириб, телефонини қўлидан олиб, Шайхонтоҳур тумани ИИБ бўлимига олиб боради.

Келаси куни маъмурий суд Турғуновни ҳокимият вакилига бўйсунмасликда айбдор дея топади. 15 апрель куни бошланган маҳкамада Турғунов ички ишлар ходими Рустам Муродовнинг судга чақирилишини сўради.

«Бу ишдаги асосий фигурант опер Рустам Муродовни жон-жаҳди билан яширишяпти. Мен ўша одам судга келиб, ўзининг талаби қонуний эканлигини исботлаб берсин, деяпман. Лекин суд уни судга чақирмаяпти», деди Аъзам Турғунов «Элтуз» мухбирига.

Eltuz.com

Тағин ўқинг
2 ноябр 2019
2018 йилнинг январида Ўзбекистон президенти Шавкат Мирзиëев фармони билан Миллий хавфсизлик хизмати (МХХ) Давлат хавфсизлик хизмати (ДХХ)га айлантирилди. Лекин ...
7 декабр 2018
Осиё теннис федерациясининг 1 декабрь куни Филиппин пойтахти Манилада ўтган йиллик конгрессида Ўзбекистон махсус хизматининг собиқ раиси Рустам Иноятов ...
18 январ 2016
23 ёшли Сардор Милано Тошкентда Ëшлар симфоник оркестри жўрлигида яккахон концерт уюштиришга азму қарор қилганида “Ўзбекнаво” мулозимлари бу концертга ...
10 ноябр 2016
Ўзбекистондаги партиялар ўз номзодларига тарафдорлар учун кураш бошларкан, хатто айримларда Мирзиёевга муқобил номзодларнинг хам ютиши мумкинлигига заиф бир умид ...
Блоглар
18 январ 2022
Тармоқда икки тоифа муллалар бир-бири билан қирпичоқ бўлмоқда. 1-тоифа: Ҳукумат ва ДХХ йўриғида юриб чизиқдан ...
16 январ 2022
Ўзбекистондаги ҳар бир мулозимнинг ичида битта шоир, ҳар бир шоирнинг ичида битта мулозим яшайди. Бу ...
10 январ 2022
Ўзини бир гуруҳ фаоллар деб таништирган гуруҳ Eltuz телеграм каналига ёзиб, қуйидаги мурожаатни чоп қилишни ...