Document UZ
31 август 2018

Ҳуқуқ ҳимоячиси Аъзам Турғунов жаримага тортилди

Тошкентнинг Шайонтовур туман Маъмурий суди, 30 август куни таниқли ҳуқуқ ҳимоячиси, 67 яшар, Аъзам Турғуновни «ҳокимиятга бўйсунмаганлик»да айблаб бир минимал иш ҳақи миқдорида жаримага тортди.

Турғуновнинг «Элтуз» нашрига билдиришича, унинг жазоланишига одамларнинг норозилик чиқишини тасвирга олгани сабаб бўлган.

«Асли воқеа 29 август куни бўлди. Биз Малохат Эшонқулова билан Мамадали акани бирров кўриб келиш учун йўлда кетаётган эдик. Плакатлар кўтариб турган оломонни кўриб тўхтадик. Мен шу ерда видео ва расмлар олдим. Ўша ерда биттаси телефонимга ёпишиб олди. Мен уни итариб юбордим», деди Турғунов.

Унинг сўзларига кўра, шу билан у ерда қий-чув жанжал бошланган. Турғунов яна озроқ сурат олиб қайтмоқчи бўлганида, уни пойлаб турган милиция ходимлари ушлаб, қўлини қайириб машинага солиб олиб кетишган. Телефонини тортиб олишган.

Шайҳонтовур туман ИИБ бўлимида Турғунов унга, «митинг қилганларни суратга олиш мумкин эмас, милицияга қаршилик кўрсатиш мумкин эмас»лигини тушунтиришганини айтади.

Турғунов бунга эътироз билдириб, тақиқланган жойда эмас, кўчада тасвирга олганини айтган.

Турғуновнинг «Элтуз»га билдиришича, шу куни протокол хужжатлаштириб соат 14.30 дан соат кечки 18.30 гача уни ушлаб ўтиришади.

Кечки пайт, соат 19.00 ларда уни ушлаган милиция тезкор ходими Рустам Муродов уни Шайҳонтовур туман судига олиб боради.

30 август куни судя Зулунова Санжар, Маъмурий Кодекснинг 194 моддасига кўра энг кам иш ҳақи миқдорида жарима қўллайди.

Ҳуқуқ фаоллари, унга «оғирроқ жазо» қўлланилмаганига, жамоатчилик вакилларининг босими, жумладан судга, АҚШ элчихонаси вакили Питер Пол Галуснинг келиши сабаб бўлганини айтишмоқда.

Бироқ, Аъзам Турғунов «Элтуз» нашрига Мустақиллик байрамидан кейин суд қарори устидан ариза ёзиш ниятида эканини билдирди.

Узоқ йиллар ҳуқуқ ҳимоячиси бўлган Аъзам Турғунов 2008 йили касб фаолияти сабаб 10 йилга қамалган. 2017 йилнинг 7 октябр куни озод этилган эди.

Eltuz.com

Тағин ўқинг
12 октябр 2018
Женеванинг Lombard Odier банки сейфларидан топилган ва Гулнора Каримовага тегишли экани айтилаётган қимматбаҳо заргарлик буюмларининг қиймати 38 миллион франкка ...
6 ноябр 2017
Андижон шаҳридаги 3-мактабгача таълим муассасаси тарбиячиси Илвира Пидаевна пахта йиғим-терими вақтида нафас қисишидан вафот этди. Ҳамкасбларининг айтишича, Илвира мазкур ...
12 апрел 2019
Сўнгги вақтларда Ўзбекистонда сурункали ёққан ёмғирлар сабаб юзага келган селлар натижасида одамлар қурбон бўлгани тўғрисида халқ орасида турли гаплар ...
29 октябр 2018
“Америка овози” радиосининг Истанбул шаҳрида ҳибсга олиниб судланган, Малик Мансур тахаллуси остида ишлайдиган 49 ёшли мухбири Абдумалик Бобоев 29 ...
Блоглар
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...
1 август 2019
Ўзбекистон ҳам шармандали равишда уйғур қардошларимизга бўлаётган Хитой ҳукумати зулмини қўллаб чиққан 50 та давлат ...