Асосий мавзулар
3 октябр 2019

Шоир Маҳмуд Ражаб қамоқдан чиқди

“Тошкентга юриш” қилгани учун қамалган 56 яшар шоир Маҳмуд Ражаб ўн кунлик ҳибсдан сўнг 3 октябрь куни маҳаллий вақт билан соат 15.30 да озод этилди.

ИИБ ҳибсхонаси олдидан “Элтуз”га хабар етказган хоразмлик журналистнинг айтишича, Маҳмуд Ражаб озод этилган ва уйига жўнатилганини билдиришган.

Блогер Нафосат Оллошукурованинг тақдири эса номаълумлигича қолмоқда. Гарчи 3 октябрь куни соат 15.30 лар атрофида Оллашукурованинг мессенжер тармоғидаги аккаунти 10 дақиқага қўшилгани кузатилди. “Элтуз” унинг яқинлари билан боғланишга ҳаракат қилмоқда.

25 сентябрь куни Урганч шаҳри маъмурий суди раиси Дилмурод Очилов “Тошкентга юриш” ташкил қилгани учун айбланган Маҳмуд Ражаб ва ҳаракатни ёритган блогер Нафосат Оллошукуровага ўн сутка маъмурий жазо қўлланилганини очиқлагани, шоир Маҳмуд Ражабнинг адвокатдан воз кечгани ҳақида хабарлар чиққан эди.

Нафосат Оллошукурова 24 сентябрь куни тунда уни уришгани, аҳволи оғир экани тўғрисида қамоқдан СМС чиқаришга ҳам улгурган эди. “Элтуз” манбаларига кўра, “Тошкентга юриш” иштирокчиларини ИИБ ходимлари автобусга тиқиб олиб кетишаётган пайтда Нафосат Оллашукурова ва камида яна бир аёл калтакланган.

Маҳмуд Ражаб озод

Эслатиб ўтамиз, Маҳмуд Ражаб шоир Муҳаммад Солиҳ асарларини Ўзбекистонга олиб кирганликда асоссиз айбланиб терговга тортилган.

“Элтуз” нашри шоир Маҳмуд Ражаб ва воқеаларни ёритган блогер Нафосат Оллошукурова тақдири билан боғлиқ воқеаларни кузатишда давом этади.

Eltuz.com

Тағин ўқинг
10 март 2017
Ўзбекистон Президентининг қарорига кўра, 1 мартдан Ўзбекистондаги чакана савдо ва хизмат кўрсатиш соҳасидаги барча тадбиркорлик субъектларида касса аппаратларининг бўлиши ...
24 апрел 2020
Қадрли “Элтуз” кўрармонлари, мен сизнинг ҳар жума рассом Туз ваъзларини кутаётганингизни биламан ва сизнинг эътиборингизни қадрлайман. Афсуски, бу ҳафта ...
15 март 2016
Анқарада юз берган портлаш кўп қатори менинг ҳам юрагимни эзди. Турклар ва Туркия учун камситиш бўлган юз йил бурунги ...
11 июн 2018
Ўзбекистоннинг марҳум президенти қизи Гулнора Каримовага тегишли бўлган, Швейцария банкларида музлатилган 800 миллион АҚШ долларидан ортиқ маблағнинг бир қисмини ...
Блоглар
22 октябр 2020
Миллий ишлаб чиқаришни ривожлантириш деган баҳона, ниқоб ёрдамида монополларимиз қонимизни сўриб ётибди. Ташқаридан истеъмол моллари ...
20 октябр 2020
Бундан ўн йил илгари пойтахдаги ўртача иккита амалдор тушликка бир миллионга яқин пул сарфлашини эшитиб ...
15 октябр 2020
Ўнта роман ёзай, элликта шеърий тўпламим нашр этилсин, ёзганларим дунёнинг барча йирик тилларига таржима қилинсин, ...