Асосий мавзулар
7 ноябр 2019

Журналист Давлатназар Рўзметов автоаварияда ҳалок бўлди

Кескин танқидий чиқишлари ортидан таъқибу тазйиқда қолган 48 яшар таниқли журналист Давлатназар Рўзметов 7 ноябрга ўтар кечаси автоавария оқибатида вафот этди.

Бош прокуратура хабарига кўра, 6 ноябрь куни соат 23.55 ларда Урганч-Хива йўлини кесиб ўтаётганида С.У. исмли фуқаро ўзи ишлаётган корхонасига тегишли “Газель” русумли автомашинасида Рўзметовни уриб юборган ва у бошидан жароҳат олиб, воқеа жойида жони узилган.

Бош прокуратура хабарига кўра, 6 ноябрь куни соат 23.55 ларда Урганч-Хива йўлини кесиб ўтаётганида С.У. исмли фуқаро ўзи ишлаётган корхонасига тегишли “Газель” русумли автомашинасида Рўзметовни уриб юборган ва у бошидан жароҳат олиб, воқеа жойида ҳалок бўлган. Ўлимидан бир неча кун олдин Рўзметовга Хоразм вилояти ИИБдан чақирув қоғози келган ва унга чиқараётган мақолалари юзасидан огоҳлантириш билдирилган эди

Хоразмдаги “погонлилар” таъқибидан қутулиш учун журналист Рўзметов жорий йилнинг 13 октябрида Тўрткўлдан айланма йўллар орқали Тошкентга келган ва АҚШ элчихонасида қабул қилинган эди.

Журналист Тошкентда юрганида Олий Мажлиснинг фаол депутатларидан бири бўлган Расул Кушербоев билан учрашганди.

Сўнгги пайтларда “Жамият” газетасида, ундан аввал эса “Хоразм ёшлари” газетасида ишлаган Давлатназар Рўзметов ўзининг танқидий чиқишлари билан танилган, “Давлатназардан хабарлар” телеграм каналини юритаётган эди.

Давлатназар, шунингдек, хоразмлик ҳамкасблари Маҳмуд Ражаб ва Нафосат Оллошукурова тақдири билан боғлиқ воқеаларни ёритишда ҳам фаол бўлган.

Ўтган йилнинг октябрида Қўшкўпир тумани ҳокимлиги биносида пахта сафарбарлигига бағишланган мажлисни ёритмоқчи бўлган пайтида ҳибсга олингани ва калтаклангани ҳақида “Элтуз” хабар берган эди.

Хоразмда журналист ўлимини прокуратура текширмоқда.

Жаноза, журналист яқинларига кўра, Қўшкўпир туманидаги Рўзметовлар яшаётган (“Назокат” тўйхонаси орқасидаги) манзилда 7 ноябрь куни соат 15.00 да ўқилиши белгиланган.

“Элтуз” нашри Давлатназар Рўзметов яқинлари, дўстлари ва ҳамкасбларига таъзия билдиради.

Eltuz.com

Тағин ўқинг
8 ноябр 2016
7 ноябр куни Арманистон республикаси Омбудсмани Арман Татоян Ўзбекистонлик ҳамкасби Улуғбек Муҳаммадиев номига мактуб йўллади. Бу арман омбудсмани томонида ...
29 август 2016
“XXI аср” газетасида (25.08.2016) ЎзЛиДеП партияси Сиёсий Кенгаши Ижроия қўмитаси раисининг “истиқлол берган улкан имкониятлар, эришилган бемисл ютуқлар”га бағишланган ...
10 феврал 2020
Маданий мерос объектлари рўйхатига киритилган Тошкент давлат юридик университети биносининг меҳмонхонага айланиш эҳтимоли тарихчи ва меъморлар ташвишига сабаб бўлди. ...
30 январ 2020
Ахборот ва оммавий коммуникациялар агентлиги раҳбари Комил Алламжонов ва унинг ўринбосари Саида Мирзиёева 29 январь куни аризаларига кўра лавозимларидан ...
Блоглар
3 июн 2020
Бир нарсага эътибор қаратдим: АҚШда бўлаётган воқеаларга эътибор рус интернетида жуда юқори; рунетда бу воқеаларни ...
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...