Асосий мавзулар
1 апрел 2021

Вояга етмаган қизни зўрлаганликда гумонланаётган йигит қамоққа олинди

Тошкент вилоятининг Ўртачирчиқ туманида истиқомат қилувчи 14 ёшли М.Р.ни бир неча марта таҳқирлаб, зўрлаганликда айбланаётган А.Х. қамоққа олинди. Ҳолат бўйича “Элтуз” мақола эълон қилган эди.

“Элтуз”га тақдим этилган маълумотларга кўра, йигит айни вақтда эҳтиёт чораси сифатида қамоққа олинган. Қизнинг отаси Р.Д. ишнинг яна жимгина ёпилиб кетишидан чўчимоқда. 

Маълум бўлишича, йигит 25 март санасидан бошлаб тергов ишларига айбланувчи сифатида жалб қилинган. 

“Аризамга кўра, Ўртачирчиқ тумани прокуратураси томонидан 2020 йил 30 сентябрда Жиноят кодексининг 128-моддаси 1-қисми билан жиноят иши қўзғатилганди, – дейди ота. – Бу туман ички ишлар бўлими тергов бўлимига ҳам юборилган эди. 

Суриштирув бўйича айбланувчининг шахси аниқланмагани учун иш 2020 йил 30 октябрда ЖПКнинг 1-қисми 1-бандига асосан тўхтатилганди. Орада шунча югурдим. Мурожаат қилмаган кишим қолмади. Халқаро сайтларга чиқишга мажбур бўлдим. 

2021 йил 13 февралдан жиноят иши бўйича тергов ҳаракатлари очилган бўлса-да, ишлар суст бораётган эди. Ҳозир А.Х. Жиноят-процессуал кодексининг 227-моддаси тартибида ушланиб, жорий йилнинг 25 март санасидан бошлаб айбланувчи сифатида Жиноят кодексининг 118-моддаси 3-қисми “а” банди билан тергов жараёнларида иштирок этмоқда. 

Бу ишни шахсан Сенат раиси Танзила Норбоева назорат қилиб турибди, дейишяпти. Ишга мулозимлар совуққонлик билан қарамайди, деган умиддаман”.

Айбланувчи йигитнинг яқин қариндоши “Элтуз” билан суҳбатда қизнинг отаси улардан пул талаб қилгани, бермаганларидан сўнг ижтимоий тармоқларда чиқишлар қилиб, ўз мақсадига эришишга ҳаракат қилаётганини билдирди. 

“Бироқ қизнинг шу вақтгача нима ишлар қилиб юрганини кўплар билмайди, –  деди айбланувчининг қариндоши. – Дадаси Россияда ишлаб юрганда унинг тарбияси бузилиб бўлган эди. Ярим кечалари маҳалла нозирининг хонасига кириб кетганини кўрган гувоҳлар бор. 

Жияним қизнинг ҳолатидан хабардор бўлган. Жияним билан илк учрашганидан роппа-роса бир ой олдин қиз 7 июнь куни йигитлар билан дарёга чўмилгани борган ва ўша ерда улар билан жинсий алоқада бўлган. 

Икки сафар ҳам қиз жиянимнинг машинасига ўз ихтиёри билан чиққан. Уларнинг асл мақсади жиянимни қамаш эмас, аксинча, нимадир ундириб олиш эди. Чунки қизнинг отаси бу бўйича бир неча маротаба турли таклифлар билан чиққан. Қонунчилик бу томонни ҳам ўрганишини талаб қилардим”.

Eltuz.com

Тағин ўқинг
24 июн 2022
Қашқадарё вилояти Ғузор туманида 2 нафар бола номаълум касаллик сабаб вафот этди. “Халқ сўзи” газетаси журналисти Фазлиддин Абиловнинг “Элтуз”га ...
18 феврал 2021
Манқурт «дода»лар русга сотқинлик эвазига берилган юксак лавозим, люкс машина ва уйларни хаёл қилаётган замонларда биз мазлум халқимизнинг пахта ...
29 май 2023
Руслан Давлетов Адлия вазири экан қўли остидаги ходимнинг пора олганини билатуриб, унинг ишишини прокуратурага оширмагани ҳақидаги пост Элтузда нашр ...
12 декабр 2023
Cанкт Петербургнинг «Красное Село» туманида уч нафар Ўзбекистонлик бола Ленин кўчасидаги «Мангу олов»ни ўчириб қўйишди, дея ёзмоқда Россия нашрлари. ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...