Асосий мавзулар
15 апрел 2021

Норасида гўдакнинг қотили келинойиси бўлиб чиқди

5 апрель куни мактабдан келинойиси томонидан олиб кетилган 5-синф ўқувчиси Маърифат Асатуллаеванинг жасади Катта Наманган каналидан топилди. Қизни каналга айнан келинойиси итариб юборгани айтилмоқда.

Наманганлик Самижон Мамадалиев қизининг мактабдан қайтиб келмагани, номаълум шахс томонидан олиб кетилгани ҳақида ўша куниёқ Чортоқ тумани прокуратурасига ариза билан мурожаат қилган. 

Ҳолат юзасидан прокуратура томонидан жиноят иши қўзғатилиб, тергов жараёнида норасиданинг жонига ўз килинойиси Феруза Қодирова қасд қилгани аниқланган. 

Ҳамма яхши кўрган қиз эди, жуда ақлли, дейди Маърифат ҳақида у таҳсил олган Чортоқ туманидаги 47-умумтаълим мактаби психологи Зулфия Жамолиддинова. 

Унинг сўзларига кўра, Маърифатни қариндоши келиб, мактабда танаффус вақтида бувиси касал эканини айтиб олиб кетган. Қиз синф раҳбарини огоҳлантирмай мактабдан чиқиб кетган. У тез бориб қайтишни режалаштирган бўлиши мумкин. 

Мактабдаги тартиб-интизом, ота-оналар билан ҳамкорлик ва 5 апрель куни мактаб маъмурияти йўл қўйган хатолар бўйича namanganliklar.uz сайти  мухбири берган саволларга мактаб директорининг маънавий-маърифий ишлари бўйича ўринбосари Ш.Охунов қониқарли жавоб бера олмади. 

У ўша куни жиноятчини мактаб олдида кўрган ва кимнинг олдига келганини сўраган. Маърифатнинг қариндоши экани, болада зарур гапи борлигини айтгач, директор ўринбосари танаффус пайтида қизчани чақириб беришларини тайинлайди. 

Номаълум шахснинг шунчаки “қариндошиман, зарур гапим бор”, деган гапи билан унга болани ўқиш пайтида чақириб беришган. Жиноятчи эса уни мактабдан хотиржам олиб чиқиб кетган.

Маърифат оилада энг катта набира эди. Марҳуманинг амакиси Ҳумоюн Мамадалиевнинг айтишича, тахминан бир ярим йил олдин укаси уйланиб, уйга келин келган. Ёш оиланинг 2 фарзанди туғилмасдан нобуд бўлган. Янги оилада кўп низолар бўлиб турган. 

Марҳуманинг онаси 5 апрель соат кундузги 3 лар орасида мактабга қизини излаб боришганида фақат фаррошларни топишгани, раҳбариятдан ҳеч кимни топа олишмаганини билдирди. 

Онаси қизнинг синфига кириб, унинг ўқув қуролларини йиғиб, сумкасини олиб қайтган. Кейин улар марҳуманинг синф раҳбарини телефонда чақириб, қизни бирга қидиришган. 

Аммо у ҳам набираси касаллигини айтиб, тезда кетиб қолган. Бола топилмагач, яна синф раҳбарига телефон қилишгач, ўқитувчининг ўғли уни ҳақоратлаган. 

Марҳуманинг амакиси суриштирувларидан маълум бўлишича, гумондор шахснинг онаси ҳам ўша кунги жиноятдан хабардор бўла туриб, буни яширишга уринган. 

“Мактаб биноси олдида ўрнатилган камералардаги тасвирлар орқали қизчани келинойиси олиб кетгани тасдиқланди. Аммо мактабнинг айрим ходимлари бу ишни ҳануз яширишга ҳаракат қилмоқда”, дейди Ҳумоюн Мамадалиев.

У бу жиноят содир бўлишида мактаб маъмуриятининг ҳам айби борлиги, масъулиятсизлик, бефарқлик билан номаълум кимсага вояга етмаган ўқувчини бериб юборгани учун уларни ҳам жазога тортиш кераклигини айтди.  

Тағин ўқинг
8 апрел 2019
Сўнгги вақтларда тадбиркорлик субъектларига тегишли бўлган мулкнинг Миллий гвардия фойдасига тортиб олинаётгани билан боғлиқ иккита можаро кузатилди. Буларнинг биринчиси ...
22 май 2017
21 май куни президент Мирзиёев Риёд шаҳридаги учрашувида Ўзбекистонда халқаро илмий тадқиқотлар маркази тузиш бўйича меморандумни имзолади. Саудия Арабистонида ...
27 март 2019
27 март куни ўзбекистонлик аралаш жанглар устаси Мурод Хонтўраев учинчи бор пичоқланди. Спортчининг жароҳати жиддий эмаслиги билдирилди. Хонтўраев дастлаб ...
5 март 2020
«E’zoz Max» хусусий бандлик агентлигининг Бирлашган Араб Амирликларига ишга жўнатиш ваъдасига ишониб катта пул тўлаган ўнлаб одам аросатда қолди. ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...