Асосий мавзулар
9 феврал 2022

Тошкентлик фаол руҳий шифохонада сақланаётган Валижон Калонов билан гаплашишга муваффақ бўлди

2021 йил 3 феврал куни тошкентлик фаол Алексей Гаршин Самарқанд шаҳри яқинидаги руҳий касалликлар шифохонасининг ёпиқ бўлимида мажбурий даволанаётган жиззахлик фаол Валижон Калонов билан учрашишга ҳаракат қилди.

Бироқ Гаршинга Калонов билан учрашув шифохона раҳбарияти рухсат берган тақдирдагина амалга ошиши мумкинлиги билдирилди.

Бош шифокор ўринбосари бемор Калонов қатъий режимли бўлимда сақланаётгани учун, у билан кўришиш фақат унинг яқин қариндошларигагина рухсат этилишини билдириб, Гаршиннинг саволларига жавобан “Иди к чёрту! Сиз бизга ҳалақит бераяпсиз” дея кабинетидан ҳайдаб чиқарган.

Ҳовлига чиққан Гаршин темир панжарали очиқ дераза ортидан Калонов билан қисқа суҳбатлашишга муваффақ бўлган.

Валижон уни ноқонуний ушлаб туришгани, президентга туҳмат қилмагани, Хитойдаги уйғурларнинг аянчли аҳволи ҳақида айтганларининг ҳаммаси ҳақиқат экани, чунки Валижоннинг Гулжа шаҳридаги амакиси ҳозир Хитой қамоқхонасида сақланаётганини билдирган.

“БМТга арз қилинглар, мен ёлғон маълумот тарқатганим йўқ. Хитойда ҳамма туркийларни қамашмоқда, ўлдиришмоқда, менинг амаким ҳам Хитойда қамоқда, Хитой ҳақида айтганларимнинг ҳаммаси рост, уйғурлар озод бўлишини истайман, президентни ҳақорат қилганим йўқ. Президент Мирзиёев кетгунча шу ерда 10 йил қолсам керак. Мени бу ерда ўлдиришлари мумкин”, — деган панжара оркасида турган Калонов.

2021 йил 23 декабрь Жиноят ишлари бўйича Жиззах шаҳри суди интернетда Ўзбекистон раҳбарияти ва Хитойнинг уйғурларга қарши сиёсатини кескин танқид қилиши билан танилган Валижон Калоновни руҳий касалликлар шифохонасида мажбуран даволаш тўғрисида ажрим чиқарди. 

Калонов 2021 йил августда хибсга олиниб, президентни ҳақорат қилиш ва Оммавий тартибсизликларга даъват қилиш жиноятларда айбланган.

Аммо жиноят иши, Калоновнинг “ижтимоий хавфли қилмишни ақли норасо ҳолатда содир этган” дея топилиши ортидан ёпилган.  

Eltuz.com 

Тағин ўқинг
6 июн 2022
Бош прокуратура томонидан тиббиёт ходимлари фаолиятига тўсқинлик қилиш ва уларга нисбатан зўравонлик ҳолатларининг олдини олиш мақсадида қонун лойиҳаси ишлаб ...
24 январ 2023
Автобус Ўзбекистоннинг қинғир-қийшиқ йўллари бўйлаб юришда давом этади. Йўлда унга қамоқдан янги озод этилган ёвуз маҳбус, аномал совуқ ва ...
20 ноябр 2020
Бугун кечқурун газим ёнмади, ўзи шундоқ ҳам паст ёнарди. Ўтин-кўмир ғамламагандим. Кичкина электрпеч ўзини ўзи зўрға иситди, аксига олиб ...
4 январ 2017
Украин халқ артисти, “Верка Сердючка” тахаллуси билан шарафланадиган 44 яшар Андрей Михайлович Данилко янги йилни Тошкентда қутлади. Данилко Тошкентдаги ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...