Фарғоналик псевдоблогер халқаро ташкилот раҳбарига қарши ташланди

Германиядан Ўзбекистонга борган халқаро ташкилот раҳбари Умида Ниëзова ëлланган блогер томонидан ҳақорат қилинди.

18 апрель куни Фарғонада хизмат сафарида бўлган Умида Ниëзова атай таъқиб қилиниб видеога олиниб «сен ватан хоинисан» деган мазмундаги ҳақорат ва сазойи қилинди.

Аниқланишича Шухрат Эсонов деган псевдо блогер буюртма асосида бу сазойини амалга оширган.

Ўзбекистон пахтасини халқаро бойкотдан ва ўзбек болаларини мажбурий меҳннатдан холос қилишда жуда катта хизмат қилган шахсга расмий Тошкент рахматими бу?

Ўзбекистон президенти БМТ минбаридан туриб мақтанган иш яъни ўзбек болаларини пахта мажбурий меҳнатидан қутқариш Умида Ниëзова раҳбарлик қиладиган ташкилотнинг (Uzbek Forum for Human Rights (formerly Uzbek-German Forum for Human Rights) йиллик меҳнати самараси бўлган эди.

Умида Ниëзова Ўзбекистонга келганида Тошкент аэропорти божхона хизмати томонидан бир ярим соат текширилиб тўхтатиб турилган эди.

Бу асоссиз текширув ва сазойи ҳақида Ўзбекистон президенти админстрацияси хабардор қилинди.

Расмий муносабат кутяпмиз.