Cатира
9 май 2018

Мирзиëев Хотира кунини «Ғалаба байрами»га ўзгартирдими?

Ўзбекистонда бу йилги 9 майни эски совет анъаналарига хос нишонлашга ҳар йилгидан ошиқча ғайрат кўрсатилмоқда.

Тармоқда россияпарастлик рамзларига қарши флешмоб бошланганди

Бу тадбирлардан, «Элтуз» нашри илгари таъкидлаганидек? президент Мирзиёевнинг ўзи ва мулозимлари ҳам четда туришгани йўқ.

Ўзбекистон мудофаа вазири Абдусалом Азизов 9 май куни совет аскари формасидаги аскарларини президент Мирзиёевга кўрсатмоқда

Президентнинг расмий сайтида «9 май – Хотира ва қадрлаш куни» жумласи ортига Иккинчи жаҳон урушида қозонилган ғалабанинг 73 йиллиги деган узун жумла уланганини кўриш мумкин. Баъзи ҳолларда эса тўғридан-тўғри Ғалаба куни дея аталмоқда.

Шу куни Мирзиёев «Мотамсаро она» ҳайкалига гулчамбар қўйди. Яқинда жойи пойтахт марказларига кўчирилган Шомаҳмудовлар ва совет генерали Собир Раҳимов ҳайкалларини бориб кўрди. Шунингдек, Тошкентнинг Ботаника боғида Мудофаа вазирлиги саҳналаштирган «уруш манзараси»ни кўришга борди.

Тошкент ҳокимлигининг «Ўлмас полк» акцияси нишонланмасин деганига қарамай…

2-жаҳон урушига бағишланган «Ўлмас полк» тадбирларининг кенг нишонланаётгани ижтимоий тармоқдаги фаолларнинг қаршилигига дуч келган ва улар «Бу биздан эмас!» флешмобини бошлашганди.

Шундан сўнг Тошкент шаҳри ҳокимлигининг бу йил «Ўлмас полк» юриши ўтказилмайди, деган хабари тарқалди, лекин бу Ўзбекистон бўйлаб ўтаётган тадбирларда «Ўлмас полк» шиорларининг кўтарилишига асло монелик қилгани йўқ.

Совет свастикаси, русларнинг георгий ленталари тақилмоқди, ҳатто болаларни совет уруши рамзлари билан кийинтирилиши урф бўлди.

«Ўзбекистонда болаларни ҳарбий либосларга безатиш одати пайдо бўлди бу йил. Ҳаттоки, болалар ҳарбий паради ҳам шу кунларда ўтказилди.

Ўзбекистонда «Ўлмас полк»дан ташқари, болаларга уруш кийимини кийдириш ҳам урф бўлди…

Аттанг, ким билмаса, жаҳон тарихида фақат икки тизим, ҳозирги Россия ва фашистик Германия бунақа одатга амал қилган, дея писанда қилди ижтимоий тармоқда таҳлилчи Анвар Назир.

Кўплаб мактабларда, тарбия муассасаларида Сталин даври улуғланиб, Россия ва совет байроқлари кўтарилди.

Ўзбекистонда 9 май куни кечаётган воқеликлар ўзбекистонлик фаолларни ажаблантирмоқда.

«Мантиқни ҳам йиғиб қўйиб, яна бир савол берайлик, нимага унда бугун Мустақиллик байрамини нишонлаймиз, аксинча, СССРнинг қулаган кунини аза куни, деб эълон қилайлик ва мана бошқатдан имкон туғилди, деб метроларда “Катюша”ларга кенгроқ ўрин берайлик. Ўзбекистон лентасининг ўрнига рус босқинчиларининг боболаримиз қонини тўкишганлари учун белгилаган георгий лентасини тақиб байрамга чиқайлик!

Икки уруш – бугунги Россия ва фашистлар Германияси даври болалари…

Айтинг, балким мен мантиқан адашаётгандирман?» дея ёзди шу куни психолог олим Маҳмуд Йўлдошев фейсбукдаги ўз саҳифасида.

Шу куни уруш даври совет аскарлари кийимидаги Ўзбекистон Мудофаа вазирлиги артистлари русларнинг уруш ҳақидаги қўшиқларини куйлаб ўзбек президентига пешвоз чиқишди, 2-жаҳон уруш аслаҳалари фонида уларни Ўзбекистон мудофаа вазири Абдусалом Азизов президент Мирзиёевга тақдим қилди.

«Байрам»ни кузатаётган ижтимоий тармоқдаги фаоллар Гитлер Германияси ва бугунги Путин давридаги анъаналарни бир-бирига параллел келтиришмоқда.

Ўзгалар уруши фонидаги бу маскарад рассом Кирпи расмига мавзу бўлди.

Рассом Кирпи
Eltuz.com

Тағин ўқинг
14 апрел 2017
Кўланкадаги ўзбек миллионери 2010 йилда бир муддат қамалганидан кейин ғойиб бўлган «Пахтакор» футбол жамоаси ва “Капитал-банк”нинг собиқ эгаси 51 ...
19 феврал 2024
Ўзбекистонда  лицензия талаблари ва шартларини қўпол равишда бузганлиги учун 6 та хусусий олий таълим маскани лицензияси бекор қилинди. Олий ...
7 апрел 2024
Салом қадрли мухлислар, Элтуз порталига келган cўнгги 5 та мактубни ўқиб эшиттирамиз, улар Ўзбекистоннинг Тошкент, Хоразм, Қашқадарё ва Навоий вилоятларидан келган. Хатлар оқими давом этмоқда, муаммолар ечимини тўлиқ таъминлаш учун Элтуз каналига обуна бўлиш, лайк ...
1 март 2020
«Абдураҳмон мен билан қучоқлашиб кўришди, ҳол-аҳвол сўрашди. – Муҳаммад ака, сиз мени эсламасангиз керак, мен Назар Эшонқулнинг жияни Абдураҳмон ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...