Ўзбек саноати босқинчи Россия учун ишламоқда

Бунинг оқибати вой бўлади. Ўзбекистондаги “Фотон” акциядорлик жамияти ва унинг раҳбари Маърифхўжа Сайдумаров босқинчи Россия учун «тер тўккани боис» Украинанинг санкция рўйхатига киритилди.

Украина Миллий Хавфсизлик ва Мудофаа кенгаши тавсиясига кўра президент Владимир Зеленский томонидан 7 декабрь куни бу ҳақдаги фармон имзоланди.

Мазкур рўйхатга киритилганларнинг Украина ҳудудидаги активлари музлатилади, лицензиялари бекор қилинади, улар билан савдо операциялари, шунингдек, уларнинг мамлакат ҳудудидан ўтиши (транзит) 10 йилга чекланади ҳамда бошқа тақиқлар жорий этилади.

Саксон йилдан буён фаолият кўрсатиб келаётган “Фотон” электроника заводи акцияларининг 85 фоиздан кўпроғига давлат эгалик қилади.
Бу дегани Ўзбекистон давлати ўрис босқинчига елпатак бўлмоқда деган мазмун беради¸

Заводда 30 дан зиёд яримўтказгичли маҳсулот ва микросхемалар, чангютгич, телевизор, назорат-касса аппаратлари ва бошқа маҳсулотлар ишлаб чиқарилади.

Уч йил муқаддам “Ўзэлтехсаноат” завод акцияларининг давлатга тегишли қисмини россиялик сармоядорга таклиф қилгани маълум.

“Фотон” АЖ Украина санкциясига йўлиққан Ўзбекистондаги корхоналарининг биринчиси эмас. Ноябрь ойида Киев расмийлари Akkermann Cement CA ва “Оҳангаронцемент” АЖ, шунингдек, Ўзбекистон фуқароси бўлган икки жисмоний шахсни санкция рўйхатига киритишган.

«Ўзбек бошқарув элитаси ўрис қабоҳати билан қўшилиб аспиласопинга кетаверсин. Аммо уларнинг бу қилмиши давлат устунларини силкитмасин», дея изоҳлади рассом Туз воқеани ўзининг фейсбукдаги саҳифасида.