«Ё ўзимиз ўчирганмиз, ёки «тепадан» ўчиртиришган»

Боя сайтда фирибгарлик айби билан қўлга олинган мансабдор ҳақида бир мақола пайдо бўлди. Кейин кириб қарасам, мақола ўчиртирилган. Ва мана бундай истеҳзоли ёзув турибди: – «Мақолани топа олмадингизми. Ё техник хато сабаб ўзимиз ўчиртирганмиз ёки «тепадан» ўчиртиришган»).

Минбар, майли, кулгу орқали цензура ҳақида хабар қиляпти, лекин сўнгги пайтлар ОАВга таъсир ўтказиш кучаймоқда. Куни кеча бир қатор ОАВ ва блогерларнинг телеграм каналидан бир умумий мавзудаги мақолалари ўчирилди. Кейин эса уларга босим ўтказиб мажбуран ўчиртирилгани ҳақида тармоқда маълумотлар пайдо бўлди. Бир нималар бўляпти ишқилиб.

Бунинг фонида блокдан чиқарилган сайтлар ҳақидаги хабар ҳам татимади. Чунки ҳаммаси ҳам блокдан чиқмади. Танлаб-танлаб блокдан чиқаришди.

Ўзи икки йил деганда ОАВ эркинлиги бўйича индексда зўрға вазиятни яхшилаган эдик. Яна орқага қайтишлар бўляпти. Ёки сўз эркинлигини имитация қилаётганимизни тан олайликда, аввалгидай тинч, овоз чиқармай яшайлик ёки ҳақиқатда эркин бўлайлик. Тепадан қўнғироқлар каби эски режимнинг усулларини қўлламасдан.

Ваколатлиларга инсоф ва идрок тилаб қоламан.

Нозим Сафаров
блогер-шоумен