Cатира
13 август 2019

Алламжонов “Озодлик” радиосини нега айблади?

Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин айбловлар билан «Озодлик»ка хуруж қилди. «Озодлик» гўёки Алламжоновнинг ФБдаги айтган калимасини контекстдан «юлиб олиш»да айбланди. Кўрайлик-чи, «Озодлик»нинг бу қилмиши нимадан иборат экан. Аҳа, топдим:   

(Ozodlik Radiosi 9 August at 14:59)

Комил Алламжонов: “Одамларда пул пайдо бўлса, улар инжиқ бўлиб қолади ва уларни оддий ва арзон нарсалар билан ҳайрон қилолмай қоласан. Улар ҳаёт пул билан гўзаллигини тушунади”.

Яъни улар ушбу цитатани шунчаки келтиришди ва бошқа нарса қўшишмади. Бу мумкин эмасмиди? Ахир бу гапларни айтган Алламжонов ўз сўзларини рад этмаяпти-ку?!

Шундан сўнг улар шаънига айбловлар ёғилди, кимдир ФБда салбий изоҳлар ёзди. Улардан кимлардир аноним никлардан фойдаланди. Мана, уларни энди агентлик жиноий жавобгарликка тортиш билан шуғулланмоқчи. Ўқиймиз:

“Ушбу вазият ёлғон ахборотларни тарқатиш учун сохта профилларни жалб қилиш дунё миқёсида ҳақиқий хавфга айланганини яна бир бор яққол кўрсатмоқда. Бу эса уларга нисбатан чора кўришни талаб этади. Сохта аккаунтларнинг бундай фаоллиги Ўзбекистон медиа майдонида ҳам кузатилмоқда, бунда муайян шахслар доирасининг манфаатлари йўлида сохта аккаунтлардан фойдаланиш тобора ортиб бормоқда. Шу муносабат билан бугунги кунда агентлик томонидан IP-маълумотларни аниқлаш учун сохта аккаунтларни ўрганиш ишлари олиб борилмоқда, кейинчалик улар тегишли идораларга қонуний чора кўриш мақсадида тақдим этилади”.

Мана, энди ким ўз шахсини никлар ортига беркитаётган бўлса, эҳтиёт бўлинг. Сизлар билан шуғулланишади. Мен VPN орқали эфирга чиқиш билан ўз IP-адресларингизни яширишингизни маслаҳат бераман.

Материал охирида агентлик тағин «Озодлик»ка ҳужум қилади: “… Биз “Озодлик” радиоси ахборот билан ишлашда ғирром усулларни қўллаши ҳамда журналистик фаолият ва этика тамойилларини бузишда давом этаётганига яна бир бор ишонч ҳосил қилдик. Ушбу ОАВ раҳбарияти ҳозирга қадар АОКАнинг аввал юборган расмий мурожаатларига жавоб қайтармади…”.

Бундай иддао қаердан чиқаяпти? Эй, бизнинг инжиқ Алламжоновимиз, сизда мантиқ деган нарса борми? Агар кимдир ФБдаги изоҳларида сизга ёқмайдиган гапларни ёзаётган бўлса, бунга  “Озодлик”нинг нима дахли бор?

PS: Дарвоқе, аноним никлар ортида сиз ёллаган троллар кўпроқ учраяпти, жаноб Капризмен.

Алишер Илҳомов
Сиёсий таҳлилчи, фейсбук саҳифасидан
Eltuz.com

Тағин ўқинг
18 феврал 2019
АҚШ пойтахти Вашингтонда Ўзбекистон ҳукумати делегацияси Cotton Campaign халқаро коалицияси вакиллари билан учрашди. Бу учрашув коалициянинг йиллик стратегик йиғилиши ...
19 ноябр 2020
16 ноябрь куни Чирчиқ туманлараро фуқаролик ишлари суди Халқ таълими вазирлигининг собиқ депутат Қобил Дўсовга нисбатан даъвосини қаноатлантириш тўғрисида ...
12 декабр 2019
Абдували Қутбиддин умрининг сўнгги йилларида сал “бузилмоқчи”, маддоҳлик қилиб кўрмоқчи ҳам бўлди. Аммо анча-мунча кечикканини англади чоғи, “қийшанглашга” астойдил ...
7 январ 2016
Саудий Арабистонига расмий сафари доирасида Тожикистон президенти Имомали Раҳмон Маккаи Мукаррамага бориб, ўз яқинлари билан Умра ибодатини адо этди. ...
Блоглар
1 декабр 2020
«Ошин» – 1983 йилда Японияда суратга олинган кўп қисмли фильм. Бош ролларда Нобуко Отова, Юко ...
25 ноябр 2020
Кузда кетиб кузда қайтдим Совет Армияси сафидан. Бизни армия сафига олий ўқув юртларининг кундузги бўлимидан ...
24 ноябр 2020
“Ҳумо” номли учоқ ширкати ҳақида гап чиқиши билан эронлик дўстларим ўзбекларни плагиатда айблади. Эронда “Ҳумо” ...