Видео
18 май 2017

Ўзбек олими Генерал Дўстимга бағишлаб қўшиқ куйлади (видео)

Британияда яшаётган, 69 ёшн ўзбек профессори Аҳмад Ҳожи Хоразмий бир соатлик қўшиқлари дастасини ютуб каналига қўйди.

Дам тор, дам гитара чолғусида куйлаган қўшиқларида олим Афғонистонда жанг қилаётган генерал Абдурашид Дўстим, ҳинд актёри Радж Капур, марҳум рус қўшиқчиси Владимир Висоцкий ҳақида куйлади.

Шунингдек, Хоразм мусиқа оҳангларида у инглиз, испан, араб, ҳинду, форс ва рус тилларида ҳам куйлашга ҳаракат қилди.

Муҳлисларидан Аҳмад Хоразмий ўз қўшиқларини оддий бир санъатсеварнинг примитив усулда тайёрлаган ҳиргойилари сифатида қабул қилишларини сўрайди.

Элтуз нашри эътиборингизга айни ҳиргойи парчаларидан тузилган бир минутлик видеолавҳани тақдим қилади.

Аҳмад ҳожи Хоразмий (Аҳмад Ҳасанов) Ўзбекистонга киришига расман тақиқ қўйилган олим.

Қишлоқ хўжалик фанлари доктори¸ Ўзбекистон фанлар академиясининг собиқ аъзоси, профессор Аҳмад ҳожи Хоразмий Хоразм вилоят ҳокимлиги агросанаот мажмуасида ва бошқа ҳукумат тизимларида ишлаган.

2005 йили ишдан бўшатилганида, норозилик пикетлари ўтказиб, ишга тикланиш мақсадида тадбирлар ўтказгани ва тазйиқларга учрагани ортидан ўша йилнинг ўзида Британиядан бошпана олган.

Каримов ўлимидан кейин олим Ўзбекистондаги ўзгаришлардан умидвор бўлиб Шавкат Мирзиëев номига мактуб ëзди.

Мактубда у, Ўзбекистонга сафар қилиб, яқинлари билан кўришиб қайтишга имкон беришини сўраган эди.

Аҳмад ҳожи Хоразмийнинг Бош вазир виртуал қабулхонасидан олган жавоб хатида “Сизга Ўзбекистон Вазирлар маҳкамасининг 1996 йил 21 ноябрдаги 408-қарорининг 19 моддаси асосида яъни “миллий хавфсизлик ёки жамоат тартибини муҳофаза қилишни таъминлаш манфаатлари йўлида” Ўзбекистон републикасига келишингиз рад қилинади, деб ëзилган.

Бундан олдин айни мазмундаги рад жавоби ëзилган мактуб олимнинг Хоразм вилоятида истиқомат қиладиган ўғли Ойбекка вилоят ички ишлар бошқармаси бошлиғи ўринбосари Саъдуллаев имзоси билан келган эди.

Видео: https://youtu.be/PUnoU5dxc3A

Eltuz.com

Тағин ўқинг
7 декабр 2016
Ўтган ҳафта «Самарканд и самаркандцы» гуруҳи саҳифасига қўйилган фото ва видеотасвирларда жар ёқасидаги бехисоб скелетлар ётган эшак қабристонини кўриш ...
25 март 2016
Дарахтлар ҳимоси учун имзо йиғаётган экологик ҳаракат фаоли Фарида Шафиуллинанинг сўзларига кўра шаҳар маъмурларининг кейинги ҳаракати мутлақо мантиқсиз: “Шаҳарга ...
25 декабр 2017
24 декабрь – якшанба куни Тошкент шаҳар халқ депутатлари туман кенгашларига бўлиб ўтган сайлов халқнинг бундай тадбирга умуман ишончи ...
27 май 2016
“Адолат кўзгуси” газетаси бугунги ўзбек мактабларидаги ачинарли ҳолатлардан бири, яъни таълим муассасаларида сохта диплом билан дарс бераётган ўқитувчилар борлигига ...
Блоглар
5 август 2020
Мирзиёев бошқарувида ташқи сиёсатда, бир томондан, Россия ва унинг геосиёсати билан боғлиқ муносабатлардаги миллий манфаатлар ...
4 август 2020
Ўзбекистонда турли матнларда, контекстларда, ҳатто расмий ҳужжатларда кўп ишлатиладиган “буюк аждод” тушунчасидан воз кечиш керак, ...
2 июл 2020
6-синфда ўқирдим, Кампучияда давлат тўнтариши бўлиб ҳукуматга Пол Пот раҳбарлигидаги “Қизил кхмерлар” келганини, улар бутун ...