Асосий мавзулар
23 апрел 2021

Сатторийнинг адвокатига шантаж қилишга уриниш бўлди

Термизлик блогер Отабек Сатторийнинг адвокати Умид Давлатовнинг айтишича, 2021 йил 19 мартда журналистларга интервью бераётган вақтида унга нисбатан шантаж қилишга уриниш бўлган. 

Воқеа Сурхондарё вилояти жиноят ишлари бўйича Музработ тумани суди биноси олдида, товламачилик, туҳмат ва ҳақорат қилиш моддалари билан айбланган Отабек Сатторий иши бўйича навбатдаги суд мажлисидан кейин содир бўлган.  

Адвокатнинг “Элтуз”га маълум қилишича, Сатторийга оид жиноят иши юзасидан асосий жабрланувчи деб топилган “бозорком” Лочин Тўраев ва у билан келган 5-6 нафар эркак шантаж уюштиришга уринган. 

– Суд жараёнларидан чиқиб интервью бераётган вақтимда менга шантаж қилмоқчи бўлишди,– дейди Умид Давлатов. – Бўлиб ўтган воқеа ҳақида Адвокатлар палатаси Тошкент шаҳри ҳудудий бошқармасига ариза билан мурожаат қилдим. 

Мазкур воқеа видеоси “Элтуз”да мавжуд. Унда Миллий гвардиянинг икки ходими Лочин Тўраевни адвокатдан узоқда тутишга уринаётгани, четга олинаётган “бозорком” адвокатга ҳақоратли сўзлар айтаётгани акс этган. 

Адвокат Умид Давлатов ушбу ҳолатни жабрланувчи томоннинг Отабек Сатторийни ҳимоя ҳуқуқидан маҳрум этишга уриниши, дея баҳолади. 

У Адвокатлар палатасига тақдим этилган аризасида ўзининг хавфсизлиги таъминланишини, суд жараёнларида ҳуқуқлари чекланмаслигини сўраган.

Шунингдек, аризада “31 ёшли Лочин Тўраев ва у билан бирга келган 5-6 нафар шахс томонидан профессионал фаолиятига қаршилик кўрсатилгани, қасддан ҳақорат қилингани, унга куч ишлатишга суиқасд қилишга уриниш ҳаракатлари бўлгани” баён этилган. 

Адвокатнинг билдиришича, у Лочин Тўраев билан келганларнинг шахси тўлиқ аниқланиб, улар содир этган ноқонуний хатти-ҳаракатларга қонуний баҳо берилишини ҳам сўраган. 

Тағин ўқинг
15 феврал 2017
Шавкат Мирзиёевнинг ташаббуси билан Тошкентда Афросиёб ва Бешёғоч кўчалари кесишган жойда кўпфункцияли уникал Муз саройи қурилади. Хабар қилинишича, иншоотнинг ...
17 июн 2019
Бош прокуратуранинг Андижонда беш нафар аёлнинг алдов қурбонига айланишига сабаб бўлган мутасаддиларни интизомий жавобгарликка тортиш ҳақидаги тақдимномаси аслида вилоят ...
29 сентябр 2020
Исми ва иш жойи “Элтуз”га маълум эксперт йўллаган мактубда Ўзбекистон маданиятига ва тарихига оид обидаларнинг сақланиши юзасидан айнан шундай ...
21 июн 2017
Туркия президентининг тансоқчилари бошқармасида ишлайдиган 24 яшар Рамазон Ўзчелик (Ramazan Özçelik)нинг бошидан ўқ узилган жасади Ўзбекистон ватандоши Фарида Байрамованинг ...
Блоглар
10 май 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов кластерлар ...
6 май 2021
1881 йилнинг 6 майида Михаил Скобелев бошчилигидаги рус колонизаторлари Хива хонлигига қарашли Ахалтака вилоятини оккупация ...
29 апрел 2021
Феминизм дея оғизларингнинг икки четида тупук ялтираб тиржаясизлар, ўзларингча иякларингни кўтариб киноя қиласизлар, гўё бизнинг ...