Кўзқараш
16 октябр 2019

Жаҳонгир Отажоновга лицензияси қайтарилди

Қўшиқчи Жаҳонгир Отажоновнинг икки кун олдин олиб қўйилган ижодий фаолият учун лицензиясини «Ўзбекконцерт» 16 октябрь куни қайтариб берди, лекин ташкилотнинг расмий сайтида бу иккиланиш сабаби ҳақида билдирилмади.

“Ўзбекконцерт” ёки Республика Маънавият ва маърифат маркази каби ғалати ва нафталин ҳиди уфурган ташкилотлар нима учун кераклигини бирор бир ўртамиёна ўзбекистонликнинг тушунтириб бера олиши даргумон. Ишонмайсизми?

У ҳолда қўлингизга микрофон ва камерани олинг (ҳозирги пайтда на камера топиш, на Youtubeда хусусий канал очишда муаммо йўқ) ва ҳеч бўлмаса Тошкент кўчалари бўйлаб сўров ўтказинг.

“Давлат бюджети ҳисобидан кун кўрадиган бу институтларнинг бизга нега кераги бор, бу каби ашаддий фаоллик имитациясига қандай эҳтиёж бор?”

Ишончим комилки, ҳар қандай суҳбатдош сизга олий ватанпарпарварлик сафсатаси билан суғорилган, аллақаердаги “юксак маънавият”ни урғулаб жавоб беришади. Аммо ушбу идораларнинг шунча йиллик фаолияти давомида эришган натижалари ҳақида конкрет ҳеч нарса айта олишмайди.

Чунки на ҳукумат, на мамлакат фуқаролари, на жамоатчилик бу идораларнинг халққа, ҳукуматга ва жамиятга нима учун кераклигини билишмайди.

“Ўзбекконцерт” фақат у ёки бу артистни тақиқлаш ва лицензиядан маҳрум қилиши билан танилган. Сиз улар бу йўл билан ижод ҳақида қайғурмоқда, дея ўйлайсизми? Ўзбекистондаги реалликдан келиб чиқиб бундай жавоб ўзингизга кулгили туюлмаяптими?

Агар бу идорача санъат ва мухлисларнинг диди билан боғлиқ ҳолатга ғамхўрлик қилганида эди, у ҳолда биринчи галда қўшиқларнинг фонограмма билан ижро этилишига тақиқ солган бўлар эди.

Бироқ у ҳеч қачон бундай қилмаган ва сиз “Туркистон” ёки “Халқлар дўстлиги” саройида ўз пулингизга тағин ва тағин сохта қўшиқларни тинглашга, сийқа томошани кўришга мажбурсиз.

Бу идора давлат бюджетини қайғуряптими? Албатта йўқ. Аксинча у барча артистларни тўй сафарларидаги қора тушумларидан бюджет фойдасига солиқ фоизлари ўтказишга мажбурлаган бўларди.

Шу боис, ҳар хил “ўзбекконцерт” ва “маънавиятчи”лар Ўзбекистон аҳолисининг “юксак қадриятлари” учун жон куйдиришмоқда, дея ҳисоблаш аҳмоқликдир.

Бу ёлғонга ўзингиз ҳам ишонмайсиз, бироқ ҳамон овоз чиқариб айтишга қўрқасиз ва бунга иқрор бўлишга ўзингизда журъат топа олмайсиз.

“Ўзбекконцерт” – Ўзбекистондаги қолган барча институтлар каби коррупцион институт. Ва у ерда мўмайгина нақд пуллар айланмоқда, унвонлар сотиб олинмоқда, аёлларга қарши харрасмент (босим.тарж) авж олмоқда, пора эвазига “Нихол” мукофотларини олишмоқда ёки лицензиядан маҳрум қилиш каби турлича шантажлар билан пора ундиришмоқда.

Сиз бу фактларни мен айтмасам ҳам биласиз. Мабодо нормал суриштирув ўтказилса, онасини учқўрғондан кўришади! Шу қадар кўп ахлат чиқадики, ғусул қилиб ҳам ички ифлосликдан тозалана олишмайди.

Худбинлик ва жоҳиллик ҳам шу ерда, одамлар ўзлари аслида тоза бўлмаганлари ҳолда фейк маънавият ва ёлғондакам донолик билан сизга очиқдан очиқ сафсатани яна тағин сизнинг ҳисобингиздан пуллашади.

“Маънавият ва маърифат”, “Ўзбекконцерт” каби ташкилотлар ёпилиши керак ва бунда ҳеч қандай муроса бўлмаслиги шарт. Ўзбекистон халқи бу каби фаолият тақлидчиларини ўз ҳисобидан ва муттасил боқмаслиги керак.

Рафаэл Сатторов
АҚШда фаолият юритаëтган ўзбекистонлик тадқиқодчи
Eltuz.com

Тағин ўқинг
29 апрел 2019
Ўтган йили қурғоқчиликдан қаттиқ азият чеккан ўзбек деҳқонлари бу йил меъёрдагидан ортиқ ёғингарчилик айрим экинларга салбий таъсир кўрсатаётганидан ташвишда. ...
28 ноябр 2015
Умида Аҳмедова Eltuz.com Тошкентда “Осиё рамзи” рахбарияти остида “Модалар ҳафтаси”ни тиклашди, кўрсангиз ғирт “а ля биз ҳам бормиз” усулида. ...
18 март 2019
Якутск шаҳрида маҳаллий аёлнинг зўрлангани ҳақидаги хабардан сўнг, 17 март куни кечқурун ўрта осиёлик мигрантларга қарши стихияли норозилик митинги ...
2 октябр 2019
“Ёзарнинг саси” рукнида “Элтуз” нашри марҳум шоир Рауф Парфининг ўз дўсти Муҳаммад Солиҳга бағишлаган китобидан ўқиган шеърий туркумни мухлислар ...
Блоглар
3 июн 2020
Бир нарсага эътибор қаратдим: АҚШда бўлаётган воқеаларга эътибор рус интернетида жуда юқори; рунетда бу воқеаларни ...
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...