• Сурат: Бенкси, Бристол музейи
Кўзқараш
6 январ 2020

Алламжонов совға қилган телефон сотилади…

АОКА блогер ва журналистларни сотиб олиши эмас, ҳуқуқий қўллаб-қувватлаши зарур. Унинг баёнотлари жуда кулгили. Ваколатлари бизни ҳимоя қилишга етмас экан. Балки, хоҳиш йўқдир.

Кеча, Отабек Нуритдиновнинг судидан аввал унга адвокат ёллаш учун маблағ зарурлиги айтилди. АОКА текин адвокат билан таьминладими?

Журналистлар уюшмасичи? (Менимча уюшмага баҳона бор. Чунки, судланувчи журналист эмас, блогер.)

АОКА ўзини мақтайдиган блогерларга совға улашгунча, эркин фикр учун судланаётган блогерга ҳуқуқий ёрдам бериши, афзал эмасмиди.
Балки, АОКА раҳбарларга журналист ва блогерларнинг танқидларига тоқатли бўлиш кераклигини семинарлар ташкил қилиб ўқитиши керакдир. Бу ўқишни эса аввал ўзидан бошлашни таклиф қилар эдим.
Ахир, қачондир, қачондир танқид қилган тараф, эркин фикр ютиб чиқиши керак-ку!!!

Отабек Нуритдиновнинг судидан сўнг блогер ва журналистлар «янаям эҳтиёткорроқ бўлиш керак», деган хулосага келишган бўлса ажаб эмас. АОКАга суяниб бўлмаслиги ҳам кундай равшан бўлди.
Журналистлар уюшмаси эса фақат «олтин қалам» арафасида эсланади.

Бир блогерни ҳимоя қила олмадик.
Шилов кечирим сўрамади…
Ортиқхўжаевни прокуратура оқлади…
Ғаниев доим кечирим сўраб қутулади…
Шубҳали инвесторлар мавзуси ҳеч кимни безовта қилмайди…
«Олигархларимиз»нинг «бўрибойвоччалари» ҳақида сизиб чиққан даҳшатли маьлумотларни тилга олишга ҳам қўрқамиз…
Уйи бузилаётганларни «кечирим сўраш» челленжидан сўнг унутдик…
Газ, электр муаммолари қанча кўп ёзилмасин «тепа» пинагини бузмайди…

Қачондир, қачондир танқид қилган тараф, эркин фикр ҳам судда ютиб чиқиши керак. 2018 Йил 27 июнь санасида Алламжонов бир гуруҳ журналистлар қаторида менга ҳам RedMi 5 смартфонини совға қилган. Телефонни ишлатмаганман, яп-янги уни сотмоқчиман. Маблағ эса Отабек Нуритдинов учун очилган карточкага ташланади.
Қачондир эркин фикр ва танқид қилувчилар ҳам ғалаба қилиши керак…

Ушбу сурат амалдорларнинг танқидларга тоқатли бўлишлари кераклигини англатади. Унинг муаллифи Отабек каби суд қилинмаган ва Оллошукурова каби жиннихонага тиқилмаган.

Анора Содиқова
Фейсбукдаги саҳифасидан

Тағин ўқинг
16 сентябр 2022
Азиз оға ини, опа сингил қадрдонларим. Мана хафта айланиб сиз билан биргаман. Лентада айланаëтган совуқ ҳабарларни ўқиб, Ироқ биздан ...
17 август 2022
Шу кунларда халқаро санкциялар деган жумла матбуот мундарижасида. Санкциялар – ҳаддан ошганларни жиловлайдиган жазо тизими. Нафақат бировнинг юртига бостириб ...
15 ноябр 2015
Бу йил пахта тера олмадим, деб «хафа бўлиб» юргандим. Лекин кеча синфдошим Қадамбойнинг ғўзапоясини (поқолини) теришгани кўмакка (ёрдамга) борганимда ...
25 октябр 2023
МТРК бошловчиси Дилшода Матчонованинг Ўзбекистон конституциясида қораланган ирқчилик, қирғинни қўллаб-қувватлаб 70 миллон кишини ўчоқда ëққан Гитлерга ошиқ бўлгани журналистика ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...