«Элтуз»га мактуб: Ўзбекистонда энг дарди йўқ одамлардан бири аниқланди

«Пахтакор»нинг келиб чиқиши турк, лекин швейцариялик Дердийок (ўзбекчасига Дардийўқ) деган футболчиси бор. Йиллик маоши 1,3 миллион евро экан. Ўзбекчасига айтганда, йигит «Пахтакор»да кунига ҳар дақиқада 31 минг сўм, ҳар соатда 1,9 миллион сўм, кунига 45 миллион сўм ишлаб топаётган экан. Келганидан бери (бир ярим йил бўлибди) ҳозиргача 19 та гол урган экан. Шу 19 та голни бир йилда урган, деб олсак ҳам битта голининг баҳоси 865 миллион сўм экан.

Ўзбекистондаги энг дарди йўқ одамлардан камида биттаси аниқланди. Ўзбекистонда давлат бюджетиданми, тадбиркорнинг чўнтагиданми, фарқи йўқ, бебилиска, мақсадсиз, беҳуда ишлатилаётган пул оқимини чеклаш лозим бўлган соҳалардан бирини кўрсатиб бергани учун «Пахтакор»нинг янги раҳбариятига раҳмат. Ўз ўрнида, клубнинг янги де-факто хўжайини Жаҳонгир Ортиқхўжаевдан футболдан бошқа долзарб соҳаларда ҳам мана шунақа очиқлик ва шаффофликни кутиб қоламиз.

Eltuz.com