Видео
23 май 2023

Рассом Туз: Дин ишлари қўмитаси «лўхлар»ни огоҳлантиради

Дин ишлари қўмитаси “ҳажга юбораман” деган «апрслар» гапига ишонманглар, деб, “лўхлар”ни огохлантирди. Аммо лўх ва аксар қашшоқлар тўғри гапга эмас, ўзи ишонгиси келган гапга ишонади. 

Дин ишлари бўйича қўмита фирмаларнинг ëлғон рекламаларига «лаққа тушишма» дея қайта қайта огоҳлантирди. 

“Фалон фирма билан ҳаж қилинг!”, “Ҳаж сафари учун саноқли жой қолди!”, “Ҳаж учун ярим нархни тўланг!” каби жимжимадор сарлавҳа остидаги рекламалар кўпаймоқда. Айримлар умра визаси, туристик (зиёрат) виза, бизнес виза билан ҳаж қилишни ваъда қилмоқда, бунинг мутлақо имкони йўқ!” дейилади Қўмита хабарида.

Буни мен тушунтирсам: айтайлик сиз лўхсиз. Бир мошенник фирмага йиққан -терганизни обориб бердингиз. У бўлса паспортингизга Саудияга кириш учун турист визаси урдириб берди. Сиз ўпкангизни қўлтиқлаб, «ҳожи бўлишлик» орзусида Жиддага учдингиз. Аэропортдаги полис сизни ичкарига киргизмайди. Агар шундай бўлса – бу энг юмшоқ жазо. Турист виза билан ҳаж қилмоқчи бўлган мошенник деб, «ичкарига апкириб дарра уришиям» ҳеч гаппас. Агар сиз кўзингиздан сийиб, «бухорий авлодиман» деб зорлансангиз, раҳми келиб, 26 минг доллар штрап қилса, у полисни дуо қилишлик жоиз амал бўлади. Штрапни тўлагаиниздан кейин сизни чўрнийга тиқишади¸ Саудияга кирмайдиганлар спискасига «атиз ëзилади». Чунки, Саудия Арабистонида ҳаж амалларини бажариш учун “Ҳаж-2023” визаси талаб қилинади. Қолган барча турдаги визалар (умра, туризм, бизнес, зиёрат ва бошқалар) билан ҳаж тадбирини амалга ошириш, Саудия қонунчилигига кўра, қатъиян тақиқланган ва тегишли тартибда жазоланади. Ҳаж қилишликка ноқонуний йўллар билан боришга интилиш Саудия Арабистонидан депорт қилиш ва Саудия Арабистонига ҳар қандай виза билан 10 йил муддатга киришни тақиқлаш ҳамда 100 000 саудия риёли (26 000 АҚШ доллари) миқдорида жарима солишга олиб келади.

Маълумот учун, биргина 2022 йил Ҳаж мавсумида 500 нафардан ортиқ Ўзбекистон фуқароси туристик ва бизнес виза орқали Саудия Арабистонига бориб, Ҳаж ибодати майдони “Машоир”га кира олмаган. Ҳаж мавсуми арафасида зиёрат виза (туристик) олган ҳолда Бирлашган Араб Амирликлари ва Иордания давлатлари орқали келган 1500 нафарга яқин ўзбекистонлик эса Саудия Арабистони ҳудудига киритилмаган. Жумладан, 155 нафар фуқаро Подшоҳлик ҳаж қонунчилигини бузганлиги учун Саудия Арабистонидан 10 йил муддатга депортация қилинган. 

Мендан ойтиш. Лекин аниқ биламанки, бу йил камида мингдан ошиқ лўх Саудияда жазога тортилади. Қариндошларига сабр. Чунки аши 26 минг дўллир иштрапни қариндошлар «совоп» йўлига тўплаб беришади. 

Рассом Туз

Тағин ўқинг
8 май 2016
Ўзбек нашрларида чоп этилган ушбу экспресс-сўров натижаларига кўра, «Ўзбекистон аҳолиси ШҲТ давлат раҳбарлари кенгашининг юбилей саммити мамлакатимиз пойтахтида ўтказилаётгани ...
15 апрел 2020
Американинг нуфузли Forbes журнали аёллар бошқараётган давлатлар коронавирус эпидемиясини енгишни бошқалардан яхшироқ уддалаётганига эътибор қаратди. Исландиядан Тайвангача ва Германиядан то Янги Зеландияга қадар аёллар қийин ...
19 ноябр 2018
Шотландиянинг The Herald газетаси Ўзбекистоннинг йирик компаниялари устидан ўз назоратини ўрнатаётган сирли фирма ҳақидаги навбатдаги суриштирувини эълон қилди. «Элтуз» ...
12 май 2022
Мен ТошДУнинг журналистика факультетига 1982 йил ўқишга киргандим. Туркистон, яъни Марказий Осиё ва Қозоғистон ҳудудидаги бу илк университетга 1918 ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...