Асосий мавзулар
31 январ 2019

Нега интернетдаги ўзбеклар диктаторларни севади?

Венесуэладаги охирги ўзгаришлардан сўнг, кутилганидек, собиқ президент Николас Мадуронинг тарафдорлари кўпайиб кетди. Унинг халққа қилган яхшиликлари, ҳамширалар минглаб доллар маош олгани ҳақидаги постлар урчиди. Худди шу воқеа Саддам Ҳусайн ва Қаззофий (Каддафий) кетганида ҳам кузатилган эди.

Интернет аҳлининг ҳар қандай вазиятда ҳам тескари фикр билдириш иштиёқидан хабарим бор. Лекин бу сафар улар шунчалар эринибдики, Мадуро учун янги “хизматлар” ўйлаб топиш ўрнига Қаззофийнинг “хизматлар”ини кўчириб қўйишибди. Ҳамшираларга минг доллар маош, текин бензин, дориларни сохталаштирганлик учун ўлим жазоси — Ливия учун ҳам, Венесуэла учун ҳам бир хил фактлар, фақат давлат раҳбарининг номи ўзгаради, холос.

Ўша афсонавий “хизматлар” ҳақиқат деб олайлик, майли. Барибир саволлар туғилади:

  • миллий бойликларнинг улкан қисми барибир элита томонидан ўзлаштириб юборилган. Катта маош буни оқлолмайди;
  • соғлом иқтисодий муҳит яратмай туриб “ол қулим” деб берилган имтиёзлар иқтисодиётнинг баттар ботқоққа ботишига олиб келади. Нефть захиралари бўйича Саудия Арабистонидан устун турадиган Венесуэла қандай аҳволга олиб келиб қўйилгани бунинг далилидир.
  • текин бензин, текин дорихона мақтанадиган нарса эмас, балки боқимандалик психологияси инъикосидир. Соғлом иқтисодиётда хизматлар одатда пулли бўлади, одамлар эса улардан тўлиқ фойдаланиш учун етарли моддий имкониятга эга бўлади;
  • ниҳоят, майда-чуйда имтиёзлар сўз эркинлиги ва шахсий ҳуқуқларнинг поймол қилинишини оқлолмайди.

Эльдар Асанов,
Телеграмдаги «Асанов формати» блогери

Тағин ўқинг
20 октябр 2020
Шахсан мен учун Ўзбекистондаги диний ақидапарастликнинг янги тарихи Қўқон ҳокими Баҳодир Жалоловнинг «Шарқ ва Ғарб учрашуви» фрескасини устидан бўяб ...
8 ноябр 2017
Россиянинг «Родина» партияси, «Ватан йўлбарслари» ёшлар қаноти ва «Россия миллий-ватанпарварлари» жамоатчилик ташкилоти фаоллари Москва шаҳри маъмуриятининг Ўзбекистоннинг марҳум президенти ...
31 май 2017
19 май куни президент Мирзиёев Бухорода эркин сайёҳлик зонасини яратиш қарорини тасдиқлади. 2980-сонли қарорга кўра, Ўзбекистон Миллий банки масъул ...
30 декабр 2020
Ичида президент ваъзлари қамалган смартфон сотувга чиқди. Eltuz.com
Блоглар
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...
25 октябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 10-қисмида мухбир ундан ўз ота-боболари ...