Кундалик
3 ноябр 2015

Наманганликларга эркинликнинг сабабчиси ким экани эслатилди

Улуғбек Ашур
Eltuz.com

2 ноябр куни Наманган вилоят радиосининг «Радиомақола» дастурида Озодлик радиоси хақида гап борди. деб хабар берди водийлик блоггер Азизбек.

«Айрим хорижий Оммавий Ахборот Воситалари бугун ўзларининг моғор босган микрофон ва камераларини Наманганга туғрилади» деб сўз бошлаган радио журналисти, гапни узоқдан бошлаб, «юртимизда тинчлик ва барқарорлик хамда демократия ва эркинлик асосида қабул қилинаётган қонунлар фуқароларнинг фаровон яшаши учун замин бўлаётгани» хақида тўлиб тошиб гапирган.

«Бироқ, Ўзбекистонимизнинг ютуқларини кўра олмайдиган, ўзини Садриддин деб таништирган тубан кимса, ёт бузгунчи гоялар асосида ёши 85 ёшдаги фалончи фистончи отахонга телефон килиб, уйи ноконуний бузилаётгани ва унга компенсация пули берилмаётганлиги тўғрисида интервю олган»

«Шу боис биз Отахоннинг уйига шу мавзу юзасидан ташриф буюрдик» деб эшиттиришни давом эттирган журналист, Отахоннинг ўғилларига сўз беради.

«Засекреченний номердан кўнғироқ бўлди. Мен хам Отамнинг таниши бўлса керак деб югуриб олиб бориб берибман телефонни. Ўзи аслида отам телефонни қандай ушлашниям билмайди ва билмасдан исмини айтиб куйибдида» дейди овозида надомат оханги билан катта ўғил.

«Отам фақат исмини айтди холос, кейин алоқа узилиб қолган, бошқа гап гапирганиям йўқ. Биз бу воқеадан жудаям қайғудамиз» деди йиғламсираб яна бир ўғил.

Ва нихоят, журналист микрофонни Отахонга тутди. Отахон хам гапни уруш даври қийинчиликларидан бошлади.

«Уруш фахрийсиман. Қорнимиз оч, устимиз йўқ бир холатда катта бўлдик. Хаттоки шахсимни тасдиқловчи хужжатниям 20 ёшимда олганман. Мана қаранг, қанақа гўзал хаётда яшаяпмиз! Президентимизга рахмат! Юртимизда кечаётган ободончиликлар мениям илхомлантиради. Телефонда гаплашишни мен билмайман болам. Ким билан гаплашганимниям билмайман. Бу ишимдан қаттиқ пушаймонман» деб гапини тугатди отахон.

Эшиттиришни якунлар экан радиожурналист фуқароларга юртимиздаги бу қадар тўкинлик ва эркинликнинг сабабчиси ким эканлигини яна бир бора баланд овозда эслатди ва Озодликнинг хоин ва ватанфуруш журналистларига умуман интервью бермасликка чақирди.

Тағин ўқинг
21 август 2018
Ҳукуматнинг кўнгилочар масканларга рейдлари ортидан ўзбек матбуотида «тунги клублар»ларни ёмонотлиқ қилиш авж олди. Айни тенденциядаги кўрсатувларни «Ёшлар» телеканали узатди. ...
28 май 2024
Салом қадрли муҳлислар, Элтуз порталига йўлланган cўнгги 5 та мактуб Ўзбекистоннинг Наманган, Қашқадарё, Навоий ва Андижон вилоятларидан келган. Хатлар оқими айни сонияларда ҳам давом этмоқда. муаммолар ечимини таъминлаш, шунингдек каналимизнинг алоҳида саҳифасига кириб приватга ўтказилган ёпиқ видеоларни  кўриш учун Элтуз каналига обуна бўлиш, лайк босиш, канални қўллаб қувватлаш тавсия қилинади ва биз хатларни ўқишда давом этамиз. Дастлабки мурожаат Намангандан. ...
21 май 2020
Тошкент шаҳри марказий маданият марказининг камида 7 нафар ходими карантин даврида ишдан бўшатилди.  Марказ администратори Шуҳрат Тоҳиров ходимлар, жумладан, ...
23 март 2017
Президентнинг топшириғига лаббай деб жавоб бераётган партиялар депутатлари шу кунларда туманма-туман чопиб юрибди. Бу партияларнинг нашрлари ҳам мазкур сафарлар ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...