Кундалик
1 май 2016

«GM Uzbekistan» Бош директори қамалди, Бош вазир ўринбосари Рўзиқулов истеъфо аризасини ëзди

Ўзбекистонда энг олий ҳукумат изни билан ягона монополист переференцияси берилган «General motors» устамаларига бошқа «ўғрибоши» эгалик қилиши режаланган кўринади.

GM Uzbekistan автомобил ширкати Бош директори Тохиржон Жалилов товламачилик йўли билан 200 миллион долларни ўзлаштирганликда айбланиб ўтган ҳафта қамоққа олинди.

Eltuz.com мухбирига сиздирилган маълумотда айтилишича, 46 яшар Тохиржон Жалилов МХХ нинг махсус гурухи тарафидан ҳибсга олиниб Гвардейский кўчаси деб аталадиган мавзедаги МХХ ертўласига жойлаштирилиб тергов қилинмоқда.

Пул ўзлаштириш схемаси

2010 йилдан бери ўзбек автоконцернини бошқараëтган ва айни пайтда «Узавтосаноат» ҳиссадорлик ширкати бошқарув раиси ўринбосари бўлган Жалилов “Россияга жўнатилган автомобилларни криминал схема асосида сотиб пулини ўзлаштириш” да айбланмоқда.

Бу схема асосида «ўзлаштирилган пуллар оффшор ҳудудлардаги чўнтаклар»га тушганлиги Eltuz.com мухбирига сиздирилган маълумотда иддао қилинади.

GM Uzbekistan автомобил ширкатида ишловчи мухандис Eltuz.com мухбири билан тармоқда ëзишиб, Жалилов дохил яна бир нечта киши ҳибсга олинганлигини тасдиқлади.

Мухандисга кўра, гап “Россияга экспорт қилиниши лозим бўлган Ravon русумли машиналар билан боғлиқ криминал схема ҳақида кетмоқда.

Машиналар Россияга «гўëки» экспорт қилинади. Аслида бу машиналар Тошкентдан бир неча километр наридаги Қоплонбек постига яқин жойда, яъни Қозоғистондаги махсус жойда сақлаб турилади.

Машиналар фиктив тарзда Россияда “сотилганидан” кейин улар яна Ўзбекистонга қайтиб кириб мамлакат фуқароларига қайта сотилади, дея иддао қилган GM Uzbekistan мухандисига кўра, “навар 500 миллион АҚШ доллари” дан кам эмас.

Пул эгаларининг тахт учун кураши

Eltuz.com мухбирининг ўрганишича, бу масала 26 апрел куни Ўзбекистон ва Россия раҳбарларининг учрашув пайтида ҳам кун тартибининг матбуотга очиқланмаган қисмида бўлган.

Яна аниқланишича, Жалиловнинг ҳибсга олинишига сабаб бўлган автомобил ишлаб чиқариш соҳасига оид компроматлар Ўзбекистон молия вазири Рустам Азимовга қарши гурухнинг ишидир.

Азимов муҳтамал ворис, яъни Ўзбекистоннинг “эртанги президенти” бўлиши ҳақидаги гап-сўзлар ортидан Азимовга қарши ахборот уруши нишоналари кўрина бошлади.

Eltuz.com мухбири, ўз тасарруфидаги маълумот иддаолар асосида “Рустам Азимов гуруҳи ўзларига қаратилган ҳужум стрелкасини Бош вазир ўринбосари Улуғбек Рўзиқуловга қарши йўналтирди” деган ҳулосага келди.

Маълум бўлишича автосаноат учун маъсул бўлган Ўзбекистон Бош вазир ўринбосари Улуғбек Рўзиқулов “гуноҳ эчкиси” сифатида қурбонликка ҳозирланмоқда.

Улуғбек Рўзиқулов, президент Каримовнинг 2012 йилги қарори билан Бош вазир ўринбосари, айни пайтда «Ўзавтосаноат» АК бошқарув раиси, Машинасозлик, электротехника ва авиация саноатини ривожлантириш, маҳсулотларни стандартлаштириш масалалари мажмуаси раҳбари этиб тайинланган эди.

“Ҳар холда ўтган жума куни Рўзиқулов ўз вазифасидан истеъфо бериш ҳақида аризани ëзди” деб такидлади Eltuz.com манбаси.

Ўзбеклар учун жамлоққа йиғилган машиналар

Манбанинг ишонишича, Асакадаги GM Uzbekistan автомобиль заводи ҳамда Тошкентдаги General Motors Powertrain Uzbekistan заводи “ҳокимият ва кўча ўғрилари” тарафидан бошқарилмоқда.

Ўзбекистон автомобил саноатининг бир йиллик савдо айланмаси 2015 йилда 4 миллиард долларни ташкил этди.

“Ўзавтосаноат” ҳиссадорлик жамияти таркибиди бугунги кунда 70дан ортиқ корхона фаолият юритаётир. Улар орасида “GM Uzbekistan”, Самарқанд автомобил заводи, “JV MAN Auto — Uzbekistan” автомобил заводи бор.

Бу – “GM Uzbekistan” машиналарига ортиқча имтиёзлар бериб, Ўзбекистон ичида унинг мутлақо рақобатсиз даражада ички бозорда белгиланган нархларда сотилишида, айни пайтда четдан келтириладиган машиналарнинг ўта юқори даражада бож солиқларига тортилишида кўринади.

Айни пайтда, ташқи бозорда машиналар нархи жуда паст, “кўча эгалари” уни ички бозорда сотишдан кўпроқ манфаатдор.

Eltuz.comнинг Чимкентдаги ҳамкори ўзбек ҳаридорлари учун, экспортга чиқарилган машиналар сақланаëтган «отстойник» (жамлоқ) ни бориб кўрди.

Ҳамкоримизга кўра, жамлоқда камида ўн мингдан зиëд «Ravon» автомобиллари турибди.

Абдужамил Дўстмуҳаммад
Eltuz.com

Тағин ўқинг
28 сентябр 2017
28 сентябр куни ўтган брифингда Тошкент шаҳар ИИБ Тергов бошқармаси бошлиғи Дониёр Тошхўжаев, ёзувчи Нурилло Отахоновга 11 май куни ...
22 март 2021
Ўзбекистонда стратегик аҳамиятдаги йирик корхоналарни олигархларнинг шубҳали компанияларига ишончли бошқарувга бериш амалиётининг миси чиқди. Ҳукумат яқинда уларнинг бири билан ...
19 апрел 2018
Шу йилнинг 18 апрелида фейсбук саҳифасида оқ дўппи кийган ҳайдовчининг машинаси капотини очиб кўраётган милиция формасидаги йигит фотосуратлари пайдо ...
19 июн 2018
Россия Федерацияси Марказий банки 2018 йил 1 чораги бўйича хусусий шахсларнинг Россиядан бошқа мамлакатларга жўнатмалари статистикасини эълон қилди. МДҲ ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...