Кундалик
30 май 2016

“Универсиада- 2016” кучайтирилган назорат остида ўтди

Универсиада Ўзбекистонда уч босқичда, уч йил давомида ўтадиган мусобақанинг Олий ўқув юрти талабалари учун ўтадиган қисми бўлиб, биринчи босқичда мактаб ўқувчилари учун “Умид ниҳоллари”, иккинчи босқичда касб ҳунар коллежлари учун “Баркамол авлод” ўйинлари ўтказиб келинади.

Бу йил “Универсиада”га навбат келди. Талабалар Фарғона вилоятида спортнинг 15 тури бўйича баҳсларга киришдилар. Икки кун давом этган мусобақада умумжамоа ҳисобида Тошкент шаҳри жамоаси биринчи, Фарғона вилояти вакиллари иккинчи, самарқандликлар учинчи ўринни эгаллашди.

Биринчи ўрин соҳибларига Ўзбекистон президентининг спортчи талабаларга йўллаган табригининг асл нусхаси ҳамда “Дамас” автомобили бош соврин сифатида топширилди. Иккинчи ва учинчи ўринни эгаллаган жамоаларга ҳам “Дамас” автомобиллари совға қилинди.

Жиддий ҳавфсизлик чоралари остида

Мусобақаларга қандай тайёргарлик кўрилганлигини у ерда спортчи-иштирокчилардан ҳам ички ишлар ва хавфсизлик хизмати ходимларининг кўплигига қараб баҳо берса бўлади.

Ҳар бир мусобақа ўтаётган аренага, стадионга кириш учун албатта паспорт ҳамда ички ишлар вазирлиги томонидан берилган бейжик талаб этилди.

Янги қуриб битказилган, 20 минг томошабинга мўлжалланган “Истиқлол” стадионида мусобақаларнинг очилиш ва ёпилиш маросимига томошабинлар таклифнома ва албатта паспорт билан киргазилди.

Шу ерда ҳозир бўлган ўзбек матбуоти вакилининг айтишича, улар бейжик билан бир амаллаб стадионга кириб олган. Лекин таклифномалари йўқлиги учун МХХ ва ИИВ ходимлари уларга ўтиришга рухсат бермаган.

“Биз пресса ходимимиз нима учун ўтиришга рухсат бермаяпсиз?” деган саволга ИИБ ходими “Бу бейжик сизларга кириш учун берилган, ўтириш учун эмас” деб жавоб берган.

Ҳатто фотоаппарат ва диктофон олиб кириш мумкин эмас

2000 йили илк бор ўтказилган Универсиадада қатнашган журналистга кўра. Бу йилгидай текшир-текшир илгари кузатилмаган.

«Ҳатто баъзи милиционерлар фотоаппаратни кўриб “буни нима қиласиз, фотоаппарат олиб кириш мумкин эмас” дейишгача ҳам борди» дейди у.

«Ахир мен фотожурналист бўлсам, қандай қилиб фотоаппаратсиз мусобақа ўтаётган жойга кираман? Бу аҳмоқликдан бошқа нарса эмас. “Нимага диктафон олиб кираяпсиз, бу мумкин эмас” деб ҳам бошни қотиради, бу милиционерлар. Уларнинг каттасини топиб, мақсадимизни тушунтиргунча вақтимиз ҳам, асабимиз ҳам кетиб қолаяпти.

Республика спорт мусобақалари бор йўғи икки кун давом этди

Авваллари бу каби мусобақалар етти-саккиз кун бўларди. Секин-секин икки-уч кунга тушиб қолаяпти.

Тадбир мутасаддилари, бу ҳолни маблағ танқислиги ва хавфсизлик чораси билан изоҳлашмоқда.

Мусобақалар адолатли ўтдими, ҳақиқатдан ҳам кучли, эпчил, чаққон спортчи-талабалар ғалаба қозондими, деган саволга вақтлар ўтиб жавоб оламиз.

Насима Даврон қизи
Eltuz.com

Тағин ўқинг
2 март 2020
Александр Лукашенко Евроосиё иқтисодий иттифоқига аъзо давлатлар бир-бири билан намунали алоқа ўрнатиш ўрнига «шовқин-сурон кўтариш» билан машғул бўлаётганини маълум ...
13 август 2020
Тўғоннинг ўпирилиши Ўзбекистондаги коррупция билан боғлиқ хавотирларни кучайтиради Бунинг сабабларини ўрганиш узоқ вақтни талаб қилади Май ойида Ўзбекистонда тўғон ...
16 март 2020
Жорий йилнинг 16 мартига келиб Ўзбекистонда расман қайд этилган коронавирус (COVID-19)ни юқтирганлар сони, куннинг биринчи ярмида олинган маълумотга кўра, ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ҳам газга ёлчимаяпти. Ўзбекистонда ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...