Кундалик
13 сентябр 2016

Ўзбекистонда пахта кампанияси бошланиши муносабати билан Ўзбекистон-Германия инсон ҳуқуқлари форумининг мурожаати

Агар Сиз ёки яқинларингизни пахта теримига қатнашишга мажбурлашса, агар Сиздан пахта теримига бормаслик учун пул талаб қилишса, марҳамат, бу ҳақдаги маълумотларни биз билан ўртоқлашинг!

Фэйсбукдаги https://www.facebook.com/eltuzcom/ манзилида хабар қолдиринг

ёки info@uzbekgermanforum.org электрон манзилига мактуб йўлланг.

Ўзбекистонда пахта терими бошланди. Бу сафар ҳам қишлоқ хўжалигига умуман алоқаси бўлмаган талабалар ва бюджет ташкилотлари ходимлари пахта далаларига жўнатилмоқда.

Амалдорлар кишилар пахта теримига ихтиёрий равишда жўнаб кетаётганини таъкидлаётганига қарамай, ўтган йиллар тажрибаси пахта йиғим-терими мажбурий эканини, унда қатнашишдан бош тортиш университетдан ҳайдалиш ёки ишдан бўшатилиш билан жазоланишини кўрсатмоқда.

Ўқитувчилар, тиббиёт ходимлари, талабалар ва бошқа кишиларни пахта теримига мажбурлаш орқали амалдорлар мамлакатимиз қонунчилигини қўпол равишда бузмоқда, одамларнинг фаровонлигига зарар келтирмоқда, уларнинг соғлиғига путур етказмоқда ҳамда ўқувчилар ва талабаларнинг таълим олиш сифати ёмонлашишига сабаб бўлмоқда.

Бизда бу қонунсизликка қарши курашиш учун фақат битта восита мавжуд. Бу ошкораликдир.

Сиз вазиятни ўзгартира олмайман, деб ўйлайсизми? Асло бундай эмас!

Сиз Ўзбекистонда фуқароларнинг меҳнат ҳуқуқларига қандай риоя этилаётганини кузатиб бораётган халқаро ташкилотларга аслида нималар содир бўлаётганини билдириш орқали ўзингизни мажбурий пахта теримидан қутқаришингиз учун илк қадамингизни ташлашингиз мумкин.

Ўзбекистон-Германия инсон ҳуқуқлари форуми ташкилоти жорий йилда пахта йиғим-терими мавсумидаги мажбурий меҳнатнинг мустақил мониторингини ўтказади. Биз ҳурматли ўқувчиларимизни ҳаққоний маълумотлар йиғишга кўмаклашишга чақирамиз.

Эслатиб ўтамиз, мажбурий меҳнат – бу инсонни бирор жазо таҳдиди остида ҳар қандай ишни бажаришга мажбурлашдир. Мажбурий меҳнат Ўзбекистон Меҳнат кодексининг 7-моддаси билан тақиқланган.

Ўзбекистон-Германия инсон ҳуқуқлари форуми

Тағин ўқинг
8 июн 2018
«Зарафшон» зонасига этап қилинган сиёсий маҳкум Муҳаммад Бекжон 2002 йилнинг баҳорида айни модда билан туҳмат қилиб айбланган Рустам Маматқулов ...
26 март 2020
24 мартдан бошлаб ҳукумат қарори билан коронавирус тарқалишига қарши кучайтирилган тартиб эълон қилинди. Вирусга чалингани аниқланганлар карантин манзилларига олиб ...
4 июн 2018
Муҳаммад Бекжонни 2002 йилнинг 30 апрелида Зарафшон зонаси бошлиғи ўринбосари Бахти исмли бақалоқ подполковникнинг олдига олиб киришади. У билан ...
1 март 2018
Президент Мирзиёев 27 февраль кунги селектор йиғилишида «Ўзбекозиқовқатхолдинг» давлат ширкатини мева-сабзавот экспорти режасини бажармаганликда айблаб танқид қилди. Президент танқиди ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...